<<新主題 | 舊主題>>
娛樂滿紛 26FUN » 戀愛起義 » 終於主動識左佢, 但佢完全冇表露對你有興趣既感覺, 點算好?
返回列表 回復 發帖

[愛情診療室] 終於主動識左佢, 但佢完全冇表露對你有興趣既感覺, 點算好?

請教左咁多位朋友, 終於鼓起勇氣同佢講野...

個時休息時候, 咁岩得我同佢兩個係室外某個吸煙位食煙

我行近佢身邊... "你好, 我係xx..." 跟住我伸手
吾知係咪我冇乜笑容, 定係我真係吾靚仔, 定係佢真係冇意思識朋友...

佢第一個反應係窒左2秒 (可能吾止, 總之個表情好似變左木頭人咁)
"...我係xx" 然後佢伸手輕輕握一下

之後我循例咁問下佢"學校點呀...? 你新黎架..?"
講左都冇一分鐘, 我吾知做乜停鬼左, 大家各自各煲煙
而家諗番起勁蠢, 但個時佢真係好冷淡

到左放學時間, 在圖書館見到佢, 又咁岩得我同佢兩個

一開始我吾敢出聲... 加上見到佢吾知打緊email定玩msn, 好忙咁

幾分鐘後, 我先至開口問D無聊野... 又係吾使一分鐘, 停左
**(全程真係得我問, 佢完全冇回問一向 "你呢?" 之類既話)

之後我有個fd (男) 入黎, 我同佢傾左陣 (都有成十分鐘, 但心裡面就怕佢隨時走, 冇得傾)

後來我個 fd 走左, 又得返我同佢
我鼓起勇氣問佢拎 ICQ

"..." 佢猶疑左 1 秒, "ok... 我寫比你"

之後過多幾分鐘, 見佢冇意思離開, 我唯有同佢講句 byebye, 離開了

以下係小弟既疑問:

1) 首先係... 大家點睇?

2) 佢係冇意思識朋友.. 定只係冇意思識我? (但... 我見佢學校好似真係冇朋友, 通常女仔都鐘意一個墟, 目前所見佢真係獨來獨往 ← 吾多吾少安慰自己)

3) 我可以點做先能更進一步? (頭先 add 左佢睇佢 info, 似乎佢心入面有個男仔, 其中一句 "xx, 我真的對不起你 !" )

希望大家比D意見, 好同壞都冇所謂, 但請吾好玩野 (例: 下次走去除佢件衫), 吾該曬~~ 感激不盡



[ Last edited by escalation on 2005-5-25 at 03:46 PM ]
返回列表 回復 發帖
<<新主題 | 舊主題>>
娛樂滿紛 26FUN » 戀愛起義 » 終於主動識左佢, 但佢完全冇表露對你有興趣既感覺, 點算好?

重要聲明:26fun.com為一個討論區服務網站。本網站是以即時上載留言的方式運作,26fun.com對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。26fun.com有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。