jameshohk

轉會市場唔平衡, 攪亂晒啲供求平衡是事實

但有四個問題要想一想

1.   一場轉會, 有買方, 亦有賣方. 車仔問SWP價, 曼城開價21M, Mourinho話個轉會市場太瘋狂,依家好難買人, 就證明車仔都想個價低D, 如果車仔對推高個價有責任, 點解曼城無責任?
     答案是, 曼城想賺取多D錢, 自己利益著想, 好正常. 同車仔, 同其他球會一樣, 好正常.
     
     車路士有足夠錢, 想買SWP,      曼城      開價21M, 唔夠錢唔賣
     阿仙奴有足夠錢, 想買Hleb,      Stuttgart 開價10M, 唔夠錢唔賣
     西布朗有足夠錢, 想買Ellington,  Wigan    開價3M ,  唔夠錢唔賣, 好正常
     
     車仔有足夠錢, 球員又合用, 唔買?
     定係曼城開價18M, 車仔就唔買?

如果個價太離譜...

2.   誰決定球員身價? Wenger話SWP值10M, 就一定要10M成交? 就價錢, 相比Zidane, Figo尚未算高, 如果SWP成為球王, 呢個價簡直超值, 誰有資格決定球員身價?
     就算唔值21M, SWP個Case, 車仔同其他球會買錯人有何分別?

3.   影響有多大? 真是有影響? 定係只是一個籍口? Lyon話英國擊敗法國舉辦奧運, 所有Essien唔走得, 相信各位有見識, 都知是籍口, 就算車仔唔買人, 其他球會一樣有其他籍口(如政府加稅, 英國舉辦奧運).
      Lyon又話車仔出價37M買Gerrard, Essien都要37M, 結果26M成交.

4.   有邊間球會的球迷唔想班主比多d錢買出色的球員? 阿仙奴話車路士出價高, 英國小型球會話阿仙奴10M買Hleb是天價, 點計? 難道英國小型球會話阿仙奴太離譜,其他球會想買最好0既球員都好難? 定係一定要出同一個價方是對?

最後, 上邊只是我一些無知的見解, 亦無意針對任何球會, 如有意見, 歡迎指出.