mememe

既然造0左新版﹐我諗我應該喺呢度繼續我同justin_lun兄既討論:

閣下路軌的假說不能成立啊﹗因為你是預設了選擇的結局只有一個﹐就是說你在否定了未來的不確定性的前提下作推論﹐來認定結局只有一個﹐這不正是閣下說的Circular Argument嗎﹖

真係想請教一0下 - 你究竟認為"全知"呢個詞點解?

簡單嚟講﹐可能發生既結局有無限個﹐但係真真正正會發生既就只得一個。
"全知"對我嚟講就係喺事情未發生前就已經能夠"絕對正確地"預知到0個個真係會發生既結局。
理據 - 因為有先知﹐而佢哋既預言冇話"可能0甘﹐不過亦都可能0甘。。。"

對你嚟講﹐你既選擇控制你既一生 - 未來有無限個。你既執迷在于你依然從人類眼中睇呢件事。
對"全知既神"嚟講﹐你既選擇早被預知 - 知道會發生既未來只得一個。如果你從"全知既神"眼中睇呢件事你就會明白我既論點。

註: 如果"會發生既未來"真係有無限個﹐而係由人既決定所改變﹐即係話神都唔知道我哋會點做而對我哋既選擇有所驚訝﹐0甘即係話末世既神魔大戰中﹐神未必贏硬﹐而先知既預言亦都可能錯。如果0甘既神都算係"全知"既話﹐"全知"同"唔知"有咩分別?

閣下以往的大部份推論都是根據聖經得出的﹐那麼現在說聖經自相矛盾﹐無疑是推翻了閣下以往大部分的推論。

宗教既討論往往都係從接受最基本既假設(全知﹐全能﹐創世主﹐等等)去推論神既用意同矛盾。聖經本身有冇矛盾呢個問題既答案經過你指出既經文同我帶出既資料應該已經好明顯。不過如果你想繼續討論既話﹐你不妨開新Topic。

至于如果聖經自相矛盾既話就會推翻我大部分的推論﹐我既答覆係:推翻0西又點話吖?根本冇(實制上係好少好少)基督徒可以接受"聖經有矛盾"呢個結論。如果得出呢個結論既話﹐早就有基督徒走出嚟話"唔係哩﹐真係冇哩"啦。再加上我既推論係由聖經基本既假設得出既。如果推論被推翻就即係話基本假設有問題(即神未必係全知﹐全能﹐創世主﹐等等)。

[/quote]但聖經多次記載神的設定是可以改變的﹐這與宿命論並不附合。[/quote]

呢0的記載夠同不變定律自相矛盾啦﹐你係唔係想推翻埋不變定律先?見0甘人齊不如推翻埋全知﹐全能﹐全善﹐兼埋創世主吖。基本假設唔係你話推翻就推翻0架。


冇基督徒可以接受神係可以改變0架。如果唔係0的"約"(Covenant)咪冇0西信用咯﹐0甘你重信嚟做乜?

再說﹐閣下既承認人的知識及能力有限﹐並承認神的全知(見原文﹕宿命論本身既所為漏洞可能係因為人類知識同能力既極限而產生出嚟既。如果宿命論加上神既全知全能就會變成無械可擊。)

你誤解啦。我承認人既知識同能力有限﹐但係我只係"假設"神既全知。

討論必需有共識 - 如果你走入嚟話"世上有神"﹐而我走入嚟話"假設世上冇神﹐我哋討論神咯!"﹐你話有乜偈傾啫? 所以我咪要話"假設世上有神﹐假設神係全知﹐全能﹐全善。。。。﹐我哋討論神咯!"。 0甘唔代表我承認0架噃。

宿命論描述既係一個假設性既世界(論者擁有全知既能力)。喺現實世界中"選擇前既因素"同"選擇後既結果"既關係並唔完美﹐因為人並唔係全知既。但係聖經話神唔單至存在喺呢個世上﹐而且亦都係全知既﹐所以對神嚟講﹐宿命論係現實既真相。

第一: 依家唔係要你"信"宿命論(係唔係基督徒對"論"既嘢特別抗拒既呢?進化論係0甘﹐宿命論又係0甘)。宿命論既要點係因同果(註:同佛教既業無關﹐係好簡單既Cause and effect) ﹐只要你認同選擇前既因素同選擇既决定有連帶關係﹐差唔多就可以話宿命論成立。同你信唔信完全無關。

第二: “為何只相信由人所寫的宿命論而不相信由神寫的聖經呢﹖”呢個乜嘢問題嚟0架? 兩樣嘢都唔同﹐點比較?

第三: “若不信神的全知﹐有漏洞的宿命論又怎會可信?” 你好似真係唔知道宿命論係乜喎。請問你知唔知宿命論既所謂”漏洞”係乜嘢?

但閣下並不能反駁“神沒有改變初衷”這論點

好﹐我問你。我要揾到乜嘢證據先至算係反駁到“神沒有改變初衷” 呢個論點呢?

基督徒行運﹐係神對基督徒既恩典。
基督徒0賴嘢﹐係神對基督徒既鍛煉同試探。
異教徒行運﹐係魔鬼作懾。
異教徒0賴嘢﹐係神對異教徒既懲罰。
基督徒病入膏肓而死唔去﹐係神既恩典同神跡。
基督徒病入膏肓死鬼0左﹐係神召虔誠既教徒上天堂。
異教徒病入膏肓而死唔去﹐又係魔鬼作懾。
異教徒病入膏肓死鬼0左﹐係唔信神既懲罰。

0下0下都可以自完其說﹐神既初衷係乜都係你講0西0架啦!

而小弟的見解﹕一﹑基督教的確說了不信神的人是要下地獄的﹐並沒有錯。但這世上真的有一個“做人做到好好”的人嗎﹖只有耶穌。所有人也曾犯罪﹐每一宗罪都 要受到相應的報應﹐這才是“公義”。不信神的人要下地獄是為了他們所犯的罪﹐若有人從未犯罪﹐就不用下地獄﹐但世上並沒有這樣的人。那麼基督徒憑甚麼可以 逃過審判﹖就是耶穌的犧牲﹐信祂的人就可以因耶穌的死而復活而免被神追究﹐這就是“神愛世人”﹐用自己的獨生子為人免罪。那麼何時會出現審判﹖就是末日﹐ 那是大審判的日子﹐所有人﹕或生或死﹑信與不信﹐都要受審﹐只是信的人不用被追究。“唔聽佢話就要死”是對的﹐因為不信神的人就要有心理準備他一生所犯的 所有錯都要被清算﹐若有人在思想﹑言語﹑行為上從未犯錯﹐他確實是可以不怕神的審判的﹐只是這樣的人只有耶穌一個。“公義”就是為自己所做的負責﹐而神 “佢想點”就是希望人類靠耶穌免去本來不可逃避的責任﹐這就是“神的愛”。這“公義”跟“愛”有用沒有﹖

你覺唔覺得你既見解從一開始已經好有問題?

先拋開宿命論(即係人犯罪係唔係依照神既劇本)唔講住﹐基督教既”好”同” 唔好”﹐“啱”同”唔啱”﹐“公義”同”罪”就只有用神既意旨去衡量。做神認為啱既嘢就啱 - 唔使死﹐做神認為唔啱既嘢就錯 - 落地獄。神既愛就係同你講”聽我話。聽我話就獎﹐唔聽話就死” 。

如果係0甘﹐唔好意思﹐我完全感覺唔到佢既愛。

我感覺到既係霸者既權﹐獨栽者既獨栽﹐奴隸既無條件服從﹐納粹黨同共產黨既是非觀洗腦。我從來未見過一種0甘唔似愛既感覺。你可否解識一下點解0甘叫做愛?

mememe

research2005010兄,

仇?咩仇?

除0左中世紀被人綁起然後丟落河浸死既所謂"女巫"。。。
除0左十字軍東征時戰死既異教徒。。。
除0左黑死病肆虐歐州時被天主/基督教徒以莫需有罪名虐殺既猶太教徒。。。
除0左因科學論說與天主/基督教教義產生矛盾而被威脅﹐傷害﹐監禁﹐虐待﹐及殺害既多位科學家。。。
除0左因為科技簡陋而被傳教士種族清洗(Genocide)或文明清洗(Cultural cleansing)既太平洋島嶼以及印加﹐印第安文明。。。
除0左被視為低等人﹐繼而子女被神父/牧師帶走去接受西方宗教同教育既澳州土著。。。
除0左愛爾蘭居住既天主/基督教徒。。。
除0左因為一半宗教理由(令一半係帝國主義)被人用戰火洗禮既伊拉克人民。。。
除0左因為天主/基督教教義狹窄﹐不能容人而被歧視同自由被剝削既同性戀者。。。(喺美國南部可能生命會受到威脅)
除0左因為天主/基督教教義狹窄﹐不能容人而被炸彈襲擊炸死既墮胎診所工作者。。。
除0左因為天主/基督教教義狹窄﹐不能容人而被剝削學習進化論既美國(南部)中/小學生。。。


。。。除0左呢0的人之外﹐我尋時真係諗唔到邊個會同天主/基督教有仇噃。。。

mememe

左輪仔兄﹐

上述每件事情既人物﹐時代﹐背境﹐全部都唔同。
唯一共通點就係佢哋對自己從宗教吸取既是非觀同樣強烈﹐做出既同樣係跟社會共識嚴重矛盾既事。

人通常本身就有基本既是非觀﹐從兒時學習或家庭教育而來。雖然未必完善﹐但係已經足夠去避免喺社會裡面犯罪。

相反﹐吸取強烈及絕對既是非觀反而會令人無法體諒其他人既觀點﹐繼而偏向固執(Bigot)。嚴重0的重可能拋棄社會既是非觀而導至犯法既行為。

本人認為其中一種可以避免呢0的事情發生既方法就係削弱宗教是非觀既絕對性。因此我欣賞佛教"非唯一法門"既諗法﹐而難于接受天主/基督教"眾人皆錯我獨正"既觀點。

mememe

請問bengrace50兄,

我有幾個問題想請教:

1)佛教主張無我﹐即自身與身外物皆為幻象,所以唔應該有執念。
但若果唔執著成佛之念又如何成佛呢?

2)佛既意念﹐說話﹐同埋行為係唔係應該唔產生業0架?

3)佛法可以講係"成佛途徑既地圖"。但係究竟點知道信佛真係會成佛呢?

4)六道輪迴係唔係一個封閉系統(Closed System)?即係話﹐係唔係一切眾生同埋影響到眾生既嘢都喺呢六道裡面生存?如果係既話﹐點解人類既數量愈嚟愈多既?呢0的人又係從邊"道"嚟0架?

5)"一切眾生皆成佛"係地藏菩薩既願。請問呢個係理想定係預言?

多謝賜教。

mememe

bengrace50兄,

多謝你既解答。你講既我好多都明明哋。唔明既地方如下 -

請問:

1)

佛教中有所謂中道， 就是不能執『空』，也不能執『有』，要行於中道。  但更不能執中道，所以是要圓融萬變的。

你講到好玄。。。可唔可以解釋0下點樣先為之"不執『空』﹐不執『有』﹐不執中道﹐圓融萬變"呢? 儒家既中庸之道就話要凡事中庸﹐但係點先做到連中道都唔執呢?

2)

不思善，不思惡。 同體大悲。

點解佛既然已經跳出0左六道輪迴﹐已經乜嘢都"不執"﹐都依然會有慈悲心既? 我想問問﹐佛教所講既慈悲係乜嘢?

3)

其實目的也就是要做給眾生看，如何修行，修行之後是的確可以成佛。

點解佢要0甘做呢? 佢0甘做唔會產生業0架咩?

4)

之所以我們會一起出現於地球，是因為我們有共同的業力，我們叫其做共業。

我唔係好明共業係乜﹐你可唔可以詳細0的解釋呢?
其實動物唔見得越來越少。品種可能少0左但係數量就。。。

我聽過話動物無法得道 - 究竟係唔係真0架?

動物點樣先至可以投胎做人?


5) 你講既可能係慈悲心既表現﹐但係我唔明點解呢個願唔係"執"。

多謝賜教。

Edited:

6) 差0的唔記得問 - 可唔可以話我知"業槃"點解? 唔該!

[ Last edited by mememe on 2005-6-28 at 11:05 PM ]

mememe

bengrace50兄,

多謝你既解答。我既問題開始煩親你未呀?

請問:

1)

如果有事情發生，正確面對，無法改變的，例如死，就要放下。

何謂正確面對呢? 請問佛教用乜嘢嚟到定"正"呢?

2) 請問何謂佛性?

依你所講﹐佛咪應該會因為慈悲而依然有感情咯? 若然佛已看破世間之無常與因果﹐點解會見蒼生既苦而同感其苦呢?

3)

至於點解會咁，要講到唯識，對你來說暫時太深，我想你將來才學才會明。

。。。好想快0的知。。。點先會明?

4) 我明0左共業係乜但係唔明點解。如素食者死于葷食者既共業報(海潚、戰爭﹐等等)之中應如何解釋?

動物點樣可以"受報"而投胎做人呢? 唔係好明"受報"。。。

5)

都可以算係，所以仍未成佛。   聖位菩薩就是靠這一絲執才可來回真如法界與我們的世界度眾生。

明白。

6) 肉體留世既有餘（依）涅槃係唔係好難達到0架?
點先知道一位高僧達到涅槃未?
請問涅槃同神通係唔係有連帶關係0架?
講開又講 - 神通係乜嘢一回事? 點解會有既?

多謝賜教。

mememe

bengrace50兄,

公事煩忙。三日後再見。

mememe上。

mememe

bengrace50兄﹐

1) 請問"恚覺及害覺"係乜嘢?

"正見"中如何分善惡? "邪"作何定義?

"善"與"慈悲"有0的似。請問有咩唔同? 我唔係好明佛點解有"慈悲"心但並唔會造"善"業。

2) 佛性除0左慈悲心之外重有斷煩惱既能力。除此以外重有冇其他?

依你所講﹐佛咪應該會因為慈悲而依然有感情咯? 若然佛已看破世間之無常與因果﹐點解會見蒼生既苦而同感其苦呢?

唔該bengrace50兄﹐請問呢個問題可唔可以答得詳細0的呢? 我係問如果慈悲係一種感情﹐點解冇感情既佛會有慈悲心呢?

3) 正在消化中。。。

4) 明0勒。。。唔該0西!

6)

只有佢自己先最清楚，我地只可從佢日常中觀察

。。。0甘即係點呀。。。? 佢點知? 我哋點睇得出? 近代既高僧邊個達到涅槃呢?

註：六通中之前五通於異生之凡夫亦可證得，而漏盡通唯聖者能證得。

都係0個句﹐有冇近代既高僧做到呢? 佛教既神通我早有聽聞﹐但係有待驗正。

註: 我知道真係有料既高僧都唔會隨便係凡夫面前"賣藝"﹐但係呢點係唯一一點佛教同其他宗教好唔同既地方 - 嚴格嚟講﹐佛教唔使一定要死0左之後先至驗正得到真偽﹐因為有五通同埋有餘(依)涅槃。

麻煩0西!

mememe

bengrace50兄,

其實目的也就是要做給眾生看，如何修行，修行之後是的確可以成佛。

點解佢要0甘做呢? 佢0甘做唔會產生業0架咩?

--> 慈悲眾生嗎！  當他未再成佛就當然會啦。  但他與我們不同，他知道出世其實是做戲，但凡夫之人就執著自身以為有個真正的『我』。 咁就有。  至於點解會咁，要講到唯識，對你來說暫時太深，我想你將來才學才會明。

啱啱睇0左你個link先至明白原來你所講既唯識係針對"凡夫之人就執著自身以為有個真正的『我』"呢點。呢點其實我明0架﹐不過之前唔知道叫做唯識。

我想問問﹐佛轉世下凡﹐出生﹐修煉﹐得悟﹐再成番佛﹐整個過程都係為0左"做給眾生看"﹐而動機就在于慈悲眾生。0甘樣講啱唔啱呢? 有冇錯漏?

mememe上。

mememe

bengrace50兄,

1)

即遠離或有或無之邪見，而採取持平正中之見解，如遠離身見、邊見、邪見、見取見、戒禁取見等「五不正見」之見解皆屬正見。

請問乜嘢謂之身見、邊見、邪見、見取見、戒禁取見呢? 哩0的定義係由邊度嚟0架?

信、慚、愧、無貪、無瞋、無癡、精進、輕安、不放逸、行捨、不害。

0甘佛咪即係善咯? 0甘點解佛既思﹐言﹐行唔會造善業既?

2)

凡夫執我，且以七情為感情
佛以眾生離苦為樂，且以覺性真如為情，並非無情。只是凡夫以為無情。

0甘即係話慈悲係情﹐但係喺七情以外?

6)

如果用小乘果位去分，有其階段依次為預流果(須陀洹)、一來果(斯陀含)、不還果(阿羅含)、阿羅漢果。或僅指第四之阿羅漢果。

好專業既用詞 >_< !!
乜嘢係"小乘果位"?
乜嘢係"預流果(須陀洹)、一來果(斯陀含)、不還果(阿羅含)、阿羅漢果"?

佛有戒禁止弟子在人前顯神通，有即犯戒。  因為證果自然有神通，但有神通並不代表證果。而且神通不能改變業力及了生死，佛怕弟子會誤導眾生而故禁之。

0甘達摩大師過河0個單嘢點計呀?
bengrace50兄﹐你有冇真真正正見識過神通?

唔該!