衰貓

Originally posted by kailoksiu at 2007-12-4 19:00:
我係個中學生
我之前認左個女朋友
我為佢放棄左金錢
放棄左朋友
放棄左成績
但係我覺得好happy
你地覺得禁低唔低

你地又可以為愛放棄多少??

我講既一定唔啱聽，唔好打面唔該
我個人覺得極之唔抵‧‧‧‧‧
放棄成績，你既將來點算？！離開學校開始工作，你女友對你既要求就會不一樣，行街食飯睇戲買衫買鞋買禮物，邊一樣唔使錢，成積差，打份人工低既牛工，自己養自己都掹掹緊，仲要拍拖，點頂？！女仔都希望自己男朋友又叻又事業有成，有個安穩既歸宿，你點算？放棄成積等於放棄金錢，愚不可及呀朋友，今日大家無憂無慮可以好開心，但一定唔會長久，而且你與她未必可以一直到老啵，咁到時一無所有既你，又會唔會覺得今日為佢所放棄既值得呢？
放棄朋友更加唔值得，在家靠父母，出外靠朋友，朋友會係你有難有需時時伸出援手，朋友可以同你分享好多女朋友唔可以分享既快樂，人生唔止係"女朋友"三個字就概括晒，如果你唔可以係咁多方面取得平衡既話，只要女朋友呢方面一有問題，你就會全面崩潰，到時錢又無，朋友又無，苦過弟弟‧‧‧‧‧趁仲有機會將未發生既問題阻止，及早回頭喇，女朋友可以有，但切記唔可以放棄晒其他一切，兩個人攬得太實，無空間抖氣，遲早都會窒息‧‧‧‧‧

衰貓

Originally posted by eric1874 at 2007-12-5 19:04:
你對佢係偉大，但對你其他身邊ge人極不知所謂

又唔好咁話佢，其實每個人都後生過，都曾有佢一樣的諗法，或者與他一樣曾為身邊人放棄很多寶貴的東西(小弟自己就是一樣)，但年輕人去親身經歷每事每物，都也是成長的一部份，不論是甜密的，或痛苦的經歷同樣重要，唔跌過痛過，就永遠不會長大，而所經歷的，慢慢一點一滴會轉化再累積成為智慧‧‧‧‧‧反而若每樣事情都只是依樣畫葫蘆，年輕人的生命就只會變得暗淡，應有的寶貴經歷和回憶都沒有了，就一切都變成沒有意義，年輕的日子就白過，慢慢的成為溫室植物，抗壓能力亦相應變得很低‧‧‧‧‧作為長輩，當然希望對年輕一輩循循善誘，但亦不能過於規限，意見可以提，接受與否，年輕人絕對有選擇權利，只要讓怹們明白，每個人都需要為自己的選擇負上代價，就已經足夠‧‧‧‧‧