Erocky

唔係格，我都見過好多港女都好任性、好野蠻、仲好唔成熟0忝～　咁唔通我又話：「港男眼中港女：愛任性不成熟」啦喎？

其實0係香港，細細地但係都有幾百萬人，我又真係唔信全部港男／港女都係「好孩子氣／好任性／好唔成熟」既～　您自己見到、遇到果ｄ係咁0者，好難一概而論咁話全部都係咁架喎～　......我唔係話要為香港既男仕大平反，之但係如果咁一概而論咁講既話，對好多人都唔公平（
相反，如果話全港女仕都係「好孩子氣／好任性／好唔成熟」，咁都係對女仕唔公平既），就正如，如果我真係話「港女生性愛胡鬧、任性刁蠻不成熟」一樣，相信亦有好多女仕會唔同意～

若果自己遇到ｄ「孩子氣、唔成熟」既人，然後就覺得全香港既人都係咁，咁呢個人本身都仲係幾孩子氣，成熟極都有限。　同時，我亦唔信全部外國人個個都係「獨立、爽快、『有乜都會講出口』」啦～　其實咪又係咁0岩俾您遇到個係咁既，然後您又以偏概全所做既定論囉～

雖然我唔敢講我自己係「唔孩子氣同好成熟」，但係我都相信香港之內，甚至乎係大家既身邊，總會有ｄ自己覺得係成熟同佩服既人～　優質既男仕／女仕，唔一定會0係外國先搵到、亦都唔一定係外國既就係好，只係睇下您好唔好彩遇到0者～

正如樓上所講，我都見過一ｄ鬼仔比中國人更貪玩，有ｄ私生活亂到死、有ｄ結婚離婚如走馬燈......　咁唔通呢ｄ外國野就係好咩？ 　......可能同您結左婚之後幾年，個鬼佬覺得妳個中國老婆麻鬼煩、乜鬼都管著哂，又識唔到其他女仔，然後同您離婚......

其實呢個世界談戀愛，好聽ｄ就話「眾裡尋他千百度」，難聽ｄ其實就係「您揀人、人揀您」，談戀愛都係講求「配合與諒解」，而唔係「要求與理所當然」，唔好睇到自己高高在上、大把野唔稀罕、好自鳴得意咁，倘若遇到個投緣合適既，就要好好珍惜，如果唔係，揀呀揀、等呀等，到最後，其實到頭來最慘0個個可能就係您自己......