請大家支持及祝福阿叔!

Charcoal_henry

雖然阿叔有好多笑料真係几好笑,
但係有時真係變左大家取笑既對象咁.....

食煙呀, 爆粗呀, 口齒又開始唔伶俐, 又話佢唔夠update等等.....

我有陣時都會覺得好笑,
但係諗深一層, 笑還笑, 我覺得大家對阿叔都要返一定既尊重

佢對球壇由踢波到依家講波有將近四十年既貢獻, 拍過既近百部電影亦俾我地無限既歡樂.....
呢几年我覺得佢真係好慘, 老伴過身, 又經常被人抨擊, 嘲諷.....
我覺得好心up.....
點解大家唔體諒下阿叔呢?..... 佢依家都真係好慘, 老伴去世, 無兒無女, 又俾傳媒搔擾, 又有網友既嘲笑.....

其實笑係可以既.... 不過唔好笑得黎又話佢唔掂又話佢持老賣老..... 可能有時阿叔係有d咁既問題......
但係阿叔咁多年黎真係帶俾我地好多野, 有陣時放過阿叔一馬好閑jie!

我地應該好好咁多謝佢, 希望佢退左休生活舒舒服服, 之後能夠安享晚年.....


我咁耐以黎都覺得阿叔好正, 講波既語氣獨特, 拍戲又搞野..... 真係几鍾意阿叔.....
今日睇完便利既專訪..... 同埋見倒仲好好多笑阿叔既post, 講真真係有d眼濕濕.....


大家多d支持同鼓勵阿叔啦! 佢世杯後就退隱喇.....