ciger

Originally posted by joycejo at 2005-6-30 12:51:
人人都知比利係世界球王,但係本人認為...

比利有冇靚波入十大我唔咁講,因為非常主觀,但佢入左1281球,當中就肯定有一個扭幾個,不過唔係WORLD CUP入,仲有MARADONA一個打哂係勁,但踢過波的都知啦,一個打哂係迫於無奈,如果隊友OK,邊個想咁辛苦,MARADONA唔係獨食,係隊友唔掂,相反比利無需一個打哂,因為佢當年D隊友個個都獨當一面,等於今日巴西你死扭不如打組織,既舒服效果又好,但比利左右腳加頭搥都得,比較全面,所以我揀比利

ciger

其實真係好難分兩人誰好波d,但我覺得比利厲害之處在於,佢好像無敵一樣,3次WORLD CUP冠軍,9次聯賽冠軍,2次WORLD CLUB(62,63)冠軍,入1281球,而所謂球王,唔係只是講本身技術有幾好,而是技術比同期對手高幾多,因為人類不斷在進步中,其實朗拿度可能在速度,反應,射波力度和技巧上都比比利優勝,只是現今球員個個都進步了許多,所以佢在球場上冇比利同馬勒當拿咁得心應手,舉例現今球員100M速度10秒幾非常普遍,但在60年代100M世界記錄都係10秒正,所以我認為比利更厲害是在於佢係佢踢波年代,比同期對手超出更多於馬勒當拿,能人所不能先至係球王(馬勒當拿都係,不過比利更勝一籌)

ciger

其實兩人都一定係球王,只是年代唔同,好難比較誰更厲害,我之前都講過,兩人踢波時都遠勝過同期球員,這就是球王的表現
不過好多人以為比利只是一個多產前鋒,其實比利傳球絕不比馬勒當拿遜色,唔信你可去http://fifaworldcup.yahoo.com/06/en/睇下,70年決賽巴西VS意大利第四球,比利傳比阿爾拔圖那球,傳球位置恰到好處,前D後衛擋到,後D射門距離又遠左,而且仲預計得到隊友可以快過對手,完全係智慧的表現,而當年比利入4球,卻有5個助攻,可見他助攻也有相當能力,不過他的比賽片段實在太難找,所以真的好難下判斷
另外比利出埸輸波那場係對葡萄牙,那場波比利比人踢傷,根本不能繼續比賽,只是66年前賽例係唔準換人,所以勉強繼續比賽,亦因此由70年開始有紅黃牌和準許換人,而這場波亦係比利在世界杯唯一輸波

ciger

Originally posted by gap01hk at 2005-7-3 14:29:
馬勒當拿!!
他只是以一人之力令阿根...

佢係話(如果換番轉),你用這段說話只證明到馬拉勒當拿可以一人之力贏世界杯(其實佢D隊友都唔係咁差,只是冇巴西咁勁),但證明唔到比利唔得,而且如果馬勒當拿真係純粹憑一人之力就贏世界杯,咁82,90年佢都應該贏到,由其是82年因為佢當時仲FIT過86年(唔係我講,係睇波時蔡育瑜講),咁就代表左仲有其他因素86年阿根廷先攞到世界杯,而且86年好多強隊D主力都過左顛峰期,薜高33,柏天尼31,路明尼嘉都過30,反而馬勒當拿25,正處於高峰期,我諗這都同阿根廷86年能贏冠軍有關係(決賽3:2,僅勝)