[轉帖]黃子華棟篤笑金句[月+]

CHECSS

迷惘
係公司,老細會同我講:
「你番黎唔係訓覺就是去廁所，你當呢度係屋企呀，呢度係公司呀。」
你番到屋企，阿媽又會話：
「你仲當呢到係你屋企咩，你番黎唔係霸住個廁所就係識得訓覺。
「咁...咁我番屋企又唔訓覺又唔去廁所，番公司又唔去廁所又唔訓，咁我呢野可以去邊度做呀？」
不過後我諗過自己又係過份既，於是我以後痛改前非，以後我番來屋企淨係訓覺，番公司淨係去廁所。


打交
我唔同人打交既。
真係我咁大個人，從來無同人打過交，果個個人一睇落去就好打過你，咁無理由咁笨。
咁如果果個人睇落去已經唔夠你打，而佢都要同你打，咁佢梗係有秘密武器啦，我都唔同佢打，所以我無打過交。


老豆
我一向以為老豆，係ｏｐｔｉｏｎ黎既，附加嘎咋。
無錯大部分人係有老豆既，就正如大部分既車係有收音機一樣。
但係果個係ｏｐｔｉｏｎ黎之麻，唔係架架車都有。
所以我細細個好憎果靚仔成日係我面前話：
「我個老豆點點......」
我覺得人好晒命，就好似你有部v恣A不停同人講：
「我部v振}蓬嘎，用無鋁汽油嘎......」


幸褔家庭
細個果陣，學校有個科目唔知叫做社會定健教，裡面就有幅圖畫，話爸爸會送你番學，跟住爸爸又會接你放學，好么溫馨架。
後來我睇真果幅圖畫，送番學同放學果個人都唔同樣既。
根本就係兩個人，兩個爸爸﹗


改名
改名，只係果ｄ父母將佢地主觀意願套落係ｄ仔女身上。所以大部分女仔唔係叫美乜就係麗乜，男仔唔係叫阿堅，就叫啊強，再唔係就叫啊祥。咁我地係咪好美麗，好堅好強呢？


情竇未開
係我第一次戀愛之前，我認自己就係楊過。
而我同書裡面既楊過唯一唔同的地方，就係佢有一隻大鵰。
而我果陣，就鐘意諗呢個相多ｄ。
同楊過一樣，我從來都無諗過要考第一既。
我只需要愛情，只要我搵到我既小龍女,我就結束學業，退隠山林，搬入新界住。
但係我一定要住西班牙別墅，我唔住得村屋，我怕蛇蟲鼠蟻。
然後我每個最多出一次市區，不過我唔會逗留的耐，問阿媽囉完零用錢我就返返入去。
有錯，基本上，我由中一至中五都是係呢種咁超然既的思想下度過。
當時學校最流行的辯論題目係「中學生應否談戀愛？」
我認為，我地應該討論既係「中學生應否讀書？」
而我係戀愛第一次戀愛之前，我既小龍女只需有一個條件，就係靚，
我知道我咁諗好幼稚，但當時我年紀小，唔知道身裁都是好重要。


十八歲
點解十八歲先至係合法年齡呢？
點解到左十八歲。係法律上我地要自己負責任﹗
多餘，唔通係十八歲之前，我地就唔駛對自己負責任咩？
唔通十八歲之前，我地就可以隨時撲出馬路：
「我唔信呀，我十七歲之半咋，你敢撞死我？
唔通十八歲之前，你係油麻地地踩完個紋身佬一腳，個紋身佬會話：「死靚仔，你未夠十八歲，我忍你﹗」

[ Last edited by 月月鳥 on 2005-8-11 at 01:18 PM ]

CHECSS

Originally posted by kc_tommy at 2005/8/11 01:29:
支持黃子華

me too