見到依家個香港樂壇，覺得好淒涼，惡性循環，抵死。[B +]

約望保祿

樂壇一味迎合低智商人群，出產一堆唔識唱歌的垃圾偶像，就算被勉強稱為有實力的，也只不過是勉勉強強識唱幾下，但還是不夠膽保證不走音。

樂壇以為迎合青少年的品味可以救樂壇，他們沒有想到青少年在急速發育成長的同時，品味亦會隨智慧增長而不斷修正，開始厭倦即食文化和無內涵的昔日偶像，繼而變成批判自己以往崇拜癡迷的流行文化，當然這一轉變並非人人如此，智慧層次仍然一成不變的就不可能有這個改變。

依家連陳亦迅、楊千樺這類勉強識唱歌的人都可以做一哥一姐，就知道樂壇有幾淒涼，就知道香港樂壇好細好細。D頒獎禮仍然頒十大獎項，太多喇，真正紅的有幾丁人？你仲要頒10首金曲獎？再加埋D花邊獎項，直頭系獎多過人。

衛蘭、王苑芝算系超實力歌手，樂壇應該要扶持這類少有的歌手，側田唱得下但系唔好聽，佢哎得辛苦人地聽得辛苦，完全忘記了音樂的本能，就是好聽兩個字。

陳亦迅份人無乜修養，所以就算唱得都唔好聽，因為份人太囂張，心態唔好。

[ Last edited by BeachBoy on 2006-10-20 at 04:53 AM ]

約望保祿

張敬軒系得，不過唔系港產，裙腳二世祖，我對佢冇乜好感，成日阿媽前阿媽後。
kary走音。檸檬嚴重走音，份人扮野，仲囂張過陳亦迅，仲好自戀。

約望保祿

這是一個最容易上位的時代，你稍為唱歌唔走音就會被稱為『實力歌手』。你稍為識少少樂器，就會被稱為『多才多藝』。你稍為識寫少少曲，唔理你合唔合格，你都會稱為『唱作歌手』，你稍為將幾粒押韻字填落首曲到，唔理你狗屁通不通，都會被稱為『才華橫溢』。

包你一出道就可以擠身各頒獎禮的十大，更加唔使講咩『新人金銀銅』獎，『最有潛力新人金銀銅』，『國語新人金銀銅』，『最佳MTV演繹金銀銅』…… 包你有獎攞，永不落空。

年尾又到總選季節，依家一聽到電臺講咩『我最喜愛男女歌手』的投票的前十位，就覺得好好笑，我諗，有幾十票果個都可以入到前十位。

目前依D頒獎禮純粹為撈廣告贊助，各主辦單位只為有錢賺，其實已經唔關歌手咩事，只不過是一臺SHOW。

最可憐的是被愚弄的歌手，以為自己好掂，攞個垃圾獎都激動到眼淚鼻涕一齊來，以為自己上位喇，前途無限。點知一眨眼就在樂壇消失，系咪好諷刺？

[ Last edited by 約望保祿 on 2006-11-29 at 03:16 PM ]