silverxing

其实我地最好就系只讲自己点解认为自己个信仰靠得住，唔好去话其他人既信仰唔可靠。无论基督教、天主教、佛教、道教、回教，甚至系无神论者，都可以分享自己既睇法、见证、经验。但系攻击其他人既信仰就真系无point，任你聪明绝顶，都唔会俾你讲得通，始终全部都系个人睇法，从来未试过有人可以prove到神、佛存在或者唔存在。攻击其他人，唔单止乞人憎，更加令其他人对你既信仰（或者唔去信）反感，根本就说服唔到人，仲衰过唔讲。

silverxing

大陆D野真系劲恐怖，咩野假奶粉、假蛋、毒猪肉、毒发菜、毒粉丝、毒茶叶都有。D人为左揾钱，再伤天害理既野都敢做；穷既话，死系街边D人都只系当睇热闹。人心散哂，仲要大把迷信野，邪教就不在话下、石头又拜、树又拜、有D连食BB养颜都信、都去试，简直唔系人。正派D既信仰反而门庭冷落，真系听到都心寒。

silverxing

其实讲起都几可惜，毛泽东本来系个劲聪明既人；一手一脚将共产党由民间组织变成主管中国生死既大党，讲才智能力直情比得上中国古代D开国君主，本来中国可以由此重新振作，但系中年就开始腐败、要面子、唔认输，搞D咩野大跃进、三反五反、土法炼钢，将中国本来既经济、文化、历史破坏哂；尤其系文化大革命，搞到好似圣经讲世界末日时甘样：“民要攻打民，国要攻打国”、“父母要与子女为敌，兄弟要与姐妹为敌，邻舍要与邻舍为敌”，连人最基本既亲情都抹煞埋，净系文革十年都唔知有几多人系俾自己父母、亲人、朋友、邻居杀死既。结果咪人人自私自利、你死你践，成个国家唔止停顿十年，另加倒退十年，所以E家个国家越发达、D人就越恐怖。