LoGG1

3 位您最喜愛的歌手
1. 譚詠麟
由細聽到大，佢既經典金曲太多，但我反而鍾意聽佢D滄海遺珠同埋一D近期既歌。有一段時間(大約98-02)冇乜聽佢D歌，但佢o係左麟右李演唱會既表現又吸引番我。佢高音唔夠克勤、基仔靚，但勝在音域廣聲底厚，又試好多唔同演譯 (可能一早上左岸唔攞獎，玩乜都得)，玩Rock、概念、Funky、迷幻...。其實，八十年代巨星買少見少，而譚校長亦係唯一一位由七十年代至今，從不間斷地出唱片同演唱會既巨星 (阿LAM在98年左右隱退了一排)，亦冇任何退休復出既綽頭

2. 王菲
由王靖雯時期既重燃、尾班車，到王菲既愛與痛的邊緣、約定、償還...佢既演譯都感動到我。好記得九七年有首乜鬼回歸組曲，有譚校長、四大天王、葉倩文...等等，但王菲好求其咁唱兩嘴，己經技驚四座! 可惜之後佢已經唔再出全廣東大碟。

3. 楊千嬅
同以上兩位相比，千嬅無論在戰績、唱功、或壓台上都明顯輸了一大截，但聽歌係好講Feel既 - 千嬅唔少歌曲都感動到我。第一首吸引我既係最後的歌，o個陣日夜不斷煲住。再到近兩年既飛女正傳、一千零一個、自由行..都俾到我一份獨一無二既感動。而上年"電光幻影"CD內既同名歌曲，更令我百聽不厭。而千嬅近年唱快歌有明顯進步，處處吻同最近既烈女就係例子

3 位您最有興趣認識又想試下佢D歌既歌手
1. 王宛芝 Ivana
去年譚校長"天地"CD內有一首由歌迷同環球歌手合唱既致敬歌，Ivana唱的一句 (只係一句)，已經好吸引我。首張大碟既"一秒感動"更加厲害，溫書時聽到我入哂神

2. 羅敏莊
唔係好識佢(除左TVB)，但佢唱口水歌唔錯

我仲鐘意聽好多歌手，好似Eason，明哥，Sammi，劉美君.... 音樂類型冇乜所謂，都係有少少偏向Rock Ballad