wind69

其實好難怪d唱片舖會炒高CD價，
你知唔知賣一張 CD 平均正常只係賺到5~8 蚊？
一隻碟賺幾蚊，靠咩維持？
靠炒高個價，
或者食額黎降低來貨價，但眼光要準，因為會有風險
或者賣副產品(例如話海報宣傳品之類，因為免費的，成功賣張SHE 海報俾你，賺多十蚊廿蚊，就等於賺多一兩隻碟錢...)

節拍佬係旺角幾十年，一向d價都係平，舖係自置物業，唔駛交租，兩公婆做晒，人工都慳番唔少 佢地夠膽食額，又係賣水貨CD ge始祖，除左零售重做埋批發。近十幾年，主打亦已經由PoP 轉到 Classial ，其實好多classial music...都會斬到你一頸血，但係你仍然會好樂意買.....

買碟要眼明手快，只要喜歡，覺得"值得"咪買囉

wind69

Originally posted by Aivn at 2007-5-12 11:48 AM:


今日係第2間見到,
變左$148!!!

好多時都係因為唱片公司玩野...同一招用幾十年！
訂單五萬張..出貨可能得三千隻....
為咩？玩供不應求造勢囉！明明入一百隻，可能好采先會分到五、六隻....
扣除已經俾錢預訂ge，大概只係淨番一隻半隻係舖面賣，你叫d舖頭唔加價點得？

貨少，客人搶購，碟價被炒起，歌迷議論紛紛，話題四起！

不知不覺間，你咪出post幫手宣傳囉

策略又成功....

不過都要講，今次S.H.E.隻碟算有良心架啦！因為幾個版本一齊出！
狗d ge話，
出完原版
之後出特別版1....
再出特別版2.....
然後再出特別版3.....
再出加一隻新歌特別版
再出合唱版.....
再出聖誕特別版
再出新年特別版..........

生生不息....

好似穿屎 d fans 咁，要買幾多款先算有齊成套？

wind69

Originally posted by Aivn at 2007-5-12 10:56 PM:


睇黎你幾有感觸咁wor,
莫非你係...

都唔係好感觸jer~~

不過有d野好多人唔會信，
一張標價賣一百蚊o既 cd碟，
正常情況下，唱片舖實際利潤只係得五至八蚊雞左右，
貨少，個價先會炒起！都話明貨少咯....賺得幾多個幾十蚊丫
"如果"你賣到二百隻，俾盡你都係賺到千幾兩千蚊，但係就要找皮幾二皮野數wor

完全唔合理ge生意。

咩叫合理呢？早十幾年，曾經風光ge大公司 H N V 就合理啦！
你地記唔記得果時，旺角標價95蚊 ge碟
佢地至少會標百三~百四蚊，但一樣有人買架.....

都係果句，歌迷粉絲，覺得值得又鍾意咪買囉！

旺角平時d價咁低，炒起上黎就緊係特別慶烚烚啦
一d平時你覺得貨貴無幫襯ge舖頭，
呢個時候，話唔埋可以俾你執到相對便宜ge正貨呢

wind69

Originally posted by 大優勢 at 2007-5-13 12:13 AM:



我無睇錯呀
一隻新CD 只...

無睇錯....cd 一隻只係賺幾蚊！我所知，大大話話廿年無變過
...賣下副產品....炒下價....踼右走左..拉上補下..
小舖自然會有佢地求生ge方法...

開得係西洋菜街地鋪，十成九都會係一d大拆家落區開舖，用黎散貨用ge。
佢地會直接用唱片公司拿貨，不過要食額！來貨價當然會俾樓上舖平
不過有幾多間呢d舖呢？

的確vcd 、dvd 會比CD賺多d，特別係一d大陸的所謂引進版
有門路，旺區簽張短期租約，都OK架

舊vcd、dvd你可能仲會買，但係幾多人會買舊cd？
一d舊片，vcd一百蚊四隻，你覺得抵就會買
其實可能只係十幾廿蚊返，電影，擺下遲早都會買得出

舊cd.... 過左氣~~~就算一百蚊八隻~~~你都唔會買
無人買，就會幾死貨，好多拆家都係因為食額，死貨太多買唔出而執粒ge