WooWoo

P 先生唔知﹐所以呢隻牌一定多個一樣花擁有。A﹐Q﹐4﹐5 都係其中之選

Q先生知道P先生一定唔知﹐所以隻花一定無獨立牌。所以只有紅心及方塊。

P先生知道係紅心同方塊就即有答案﹐所以一定唔會係A﹐因為佢紅心方塊都有。餘下Q﹐4﹐5

Q 先生又即刻知道答案﹐所以無可能係紅心﹐因為紅心多過一張牌﹐所以應該係方塊5。

WooWoo

慢咗
比人估到先~

WooWoo

我就覺得如果人數只剩下兩個人﹐半數通過就可以﹐其餘就要過半數通過。如果只剩低4及5﹐又要過半數﹐咁方案永遠都無法通過﹐因為5無理由同意4嘅方案(除非4願意分晒比5) ﹐咁永遠都係1票正1票反﹐唔好唔記得提出方案者都有權投票。

如果只剩低4及5時﹐4提出方案同時又投贊成票﹐4嘅方案就會半數通過﹐5就一定一無所有﹐所以任何人肯比少少著數5﹐5一定會支持。

所以如果只剩下3﹑4﹑5﹐分配方案要在過半數通過﹐必定會係﹕
3 – 99
4 – 0
5 – 1
3同5都會投贊成﹐過半數﹐4無著數。所以4唔會比3話事。即係話如果2比少少著數4和5﹐佢就會支持。

所以如果剩下2﹑3﹑4﹑5﹐分配方案會係﹕
2 – 97
3 – 0
4 – 1
5 – 2
因為無論2或3話事﹐5都會得益﹐所以2要肯定得到5支持就要保証佢得益大過3話事。2話事﹐3無著數﹐1知道就一定會比著數3換取支持。

所以如果1話事﹐2一定反對。
3唔會比2話事﹐如果唔係就一無所有﹐所以1比著數必定支持。
4就無所謂﹐就算2話事都可以得到一粒﹐所以1要比兩粒先會有支持票。
5係無所謂﹐因為無論邊個話事﹐佢都起碼有一粒﹐分比佢唔一定會有支持。
所以分配會係﹕
1 – 97
2 – 0
3 – 1
4 – 2
5 – 0

WooWoo

如果當全部都係半數就通過﹐只剩兩人﹐一正一反﹐方案也會通過﹐所以5一定是無得分而4亦唔使餵鯊魚。

你話就算3要一百粒5都會支持﹐我就有所保留﹐既然支唔支持結果都一樣﹐即係支持反對都無所謂﹐咁5又點解要支持3呢﹖反對唔得㗎﹖但係如果3比一粒5﹐咁5支持3嘅機會就大好多﹗

你嘅答案唔係唔得﹐但係就有個假設﹐假設係結果一樣之時﹐所有人都一定投贊成票﹐咁樣似乎太過樂觀同一廂情願。

WooWoo

如果全部要過半數﹐問題本身就唔成立。
所以正確應該係起碼半數通過。即係話如果有五個人﹐就要有三個贊成。四個人就要有兩個贊成﹐如此類推。

WooWoo

terence兄的答案有一個問題﹕如果A或C話事﹐E都得到同樣利益﹐點解要支持A而唔支持C﹖