hiroraymond

Originally posted by baatkung at 2005-5-10 11:10 PM:

Namco呢個品牌依家係香港都有經營類...

唉~~~~~
可能我講得唔係好清楚，
其實同佢地合作，
最主要唔係用佢地既公仔，
『namco 本身有經營遊樂設施既經驗』，
唔係要佢去經營一個地方，
佢本身有開發遊樂場用既設施(即遊戲機)，
可以一齊合作等佢造0的淨係係海洋公園玩到既野，
因為話晒個度空間大咁多，可以有好大既自由度！
加唔加佢既公仔根本唔重要，
最重要既係『變成高科技遊樂地方呀』


當然費用一定唔平，
亦唔會知幾時回本啦！
但依家佢個形勢唔同以前啦，
唔似以前咁無強勁既競爭對手，
要係競爭中贏既話，
一定要承擔個風險架啦，
無人能肯定賺定蝕，
但如果怕既就應該唔適合做生意。

baatkung

"要係競爭中贏既話，
一定要承擔個風險架啦，
無人能肯定賺定蝕，
但如果怕既就應該唔適合做生意。"
無錯!如果係獨資的話又財雄勢大有大水喉射住就可以講呢d說話,
但依家海洋公園攪一大堆設計圖同計劃書要向商界借錢,要搵政府幫手,
都要衡量回報風險,要向投資者匯報策畧同向投資者負責,
你要令投資者相信先有人借錢比你!
當然無人能肯定賺定蝕，
但如果怕既就應該唔適合做生意這方面就有問題,
電視劇就可以描述主角有冒險精神而獲投資者欣賞而注資,
冒險精神都要配合現實情況,
現實上做生意寫少段數據,
人家有小小懷疑都無人采你,
如你知道人物版權的支出,
相信你都唔會投資,
當耗了金錢做過山車,就唔會再費錢加個鐵甲萬能俠頭上去,
高科技等於要高金錢,
你玩過日本或者美國環球片場的蜘蛛俠館4D遊戲嘛?
這高科技遊戲共投資了20億美元!
人家一個蜘蛛俠館4D遊戲已等於現在海洋公園整個計劃了!

hiroraymond

Originally posted by baatkung at 2005-5-11 02:21 AM:
"要係競爭中贏既話，
一定要承...

哈~~~~~
睇黎我唔係咁適合係吹水版度發言，
原來要諗得咁細密，
又要諗下費用，
又要搵人投資，
又要睇下邊個做老細，
邊個係 ceo 話事，
聽過你一番話，
相信我個諗法行唔通啦。
但講左咁耐，
究竟對於個 topic，
你有咩提案可以救到海洋公園呢？
因為睇返你都係回應人地既意見，
唔通俾 D 時間佢地就係救佢地既方法？
我好想知你有咩高見呀！

johnwu

Originally posted by ArtOfLife at 2005-5-9 07:24 AM:
海洋公園折左水上樂園後，我去過一次咁大把。
之前次次去都係去水上樂園，有次玩佢d滑梯玩得太多，搞到條泳褲磨到爭d穿loan

I love 水上樂園, 好多女, 可抽水

Anyway, Ocean Park should position itself as a research and animal protection expert.

baatkung

Originally posted by hiroraymond at 2005-5-11 03:06 AM:



哈~~~~~
睇黎我唔係咁適合係...

遊樂場永遠係投資危機性高項目,日本環球片場收入至今仍不理想,豪斯登堡主題公園破產,法國迪士尼虧蝕多年!海洋公園現今的定位為海洋教育中心配合水療,酒店,機動遊戲,無疑是定位正確,這樣可避免主題公園形式上和競爭對手迪士尼樂園類似。日本環球片場現依靠芝麻街館和蜘蛛俠館這兩個熱門高科技4D遊戲4D遊戲來吸引遊客,藉蜘蛛俠遊戲擁有100多個不同旅程來維持入場人數,據報導說環球片場也稱投資過巨,但收入至今仍不理想。所以海洋公園現今的定位反從商家方面睇還有發展空間,不過現在只得計劃,直至全部落成還有很多變數,但總好過和迪士尼卡通人物硬撼,高見我就沒有,因我見過其計劃都感覺海洋公園都從經濟及公園財政本身都經過深思熟慮,這已經算一個比較好的方向,總好過我們D高官咁話長洲搶包山可以轉做搶公仔山,搶蛋糕山咁高招。而主題公園的吸引性確是一問題,如見過日本迪士尼的灰姑娘城堡的宏偉,反觀香港忠於原著的灰姑娘城堡卻有點寒酸。另外我們香港人不喜歡海洋公園的一個原因,就是太多內地人,看見五一黃金週內地來港人客減少嘛,人人都話九月迪士尼開幕後才來香港。當然從迪士尼來說,我們香港人不是主要市場,主要市場是東南亞及內地遊客,因歐美遊客不喜歡迪士尼,他們喜愛動物和悠閒舒適,海洋公園的變格就期望可吸引到他們,但歐美遊客來港不足是一個憂慮。而內地遊客雖然可能會減少到海洋公園,但相信仍然有一定數量,因他們使用的香港遊團體票不貴,無疑內地人現在的確富有了很多,但到海洋公園仍不少是平價團,當日後知道迪士尼的高昂票價,相信仍有不少內地遊客團會到海洋公園。但當那時候海洋公園不再是"內地自由行樂園"時,加上其新設施,相信不難吸引回我們這群香港人!當然海洋公園要和迪士尼的入場人數打成平手的確是天方夜譚,但海洋公園始終是香港自己本土的主題公園,咁多年來都只見佢乜都做唔到,依家起碼都叫有個鴻圖大計,而個計劃書都叫見得人,盡見海洋公園的雄心壯志,無論第日結果點樣,都應該好過依家啦!當然如果海洋公園乜都唔做的話,我都覺得既然咁不思進取不如Close左佢啦!

rest365days

迪士尼有白雪公主喎, 我相信海洋公園要靠$380蚊嘅趙海珠壓場先至有得撼

Rika

估唔到E度臥虎藏龍

trista_cheong

我會揀海洋公園~
唔鐘意迪士尼

abcde1918

我會揀迪士尼
因迪士尼很有趣

wer

我會揀ocean park
因為ocean park裏有過山車等機動遊戲