[轉貼]四隻動物

chiukui

話說有一日，小白兔o係森林左望右望，忽然佢見到一隻獅子o係度食緊丸仔。於是小白兔就走埋去同獅子講 :“你唔好再食呢D野喇， 一於跟我一齊朝住太陽既方向奔跑啦！”

獅子覺得小白兔有道理，所以就跟住佢跑。

隔左一陣, 小白兔同獅子一齊見到有隻馬騮係度食緊白粉，於是小白兔就走埋去同馬騮講 : “你唔好再食呢D野喇，一於跟我一齊朝住太陽既方向奔跑啦！”

馬騮覺得小白兔有道理，所以就跟住佢同獅子一齊跑。

又隔左一陣，佢地三個見到隻大象o係度食緊大麻， 於是小白兔就走埋去同大象講 : “你唔好再食呢D野喇，一於跟我一齊朝住太陽既方向奔跑啦！”

突然隻大象放下大麻，走埋小白兔度打佢一身！

獅子同馬騮都好好奇問大象點解要打佢，大象答 : “呢隻死野，次次食完Fing頭就叫人朝住太陽方向奔跑架喇！！”