[旅遊區] 【香港一日遊創作大賽】看海之旅 - 石澳,長州 一日遊[+]

fatfatdragon

地點 : 看海之旅 - 石澳，長州 一日遊

石澳 - 石澳海灘
   

長州 - 長州街市, 張保仔洞附近海灘



雖然沒有特別年齡限制, 但這一日遊特別適合男女二人世界之用.

行程表:
項目     時間*                      行程                                       消費(HKD)
1.        7:30am - 8:30am       灣仔唐宮酒樓飲茶                     $100(兩人)         

2.        8:30am - 9:00am       地鐡 灣仔 -> 筲箕灣                  see below

3.        9:00am - 9:45am       新一巴 9號                              $6.5   
                                         筲箕灣巴士站 -> 石澳總站   

4.        9:45am - 11:45am      石澳海灘(活動)
  
5.       11:45am - 12:30pm     新一巴 9號                               $6.5
                                         石澳總站 -> 筲箕灣巴士站

6.       12:30pm - 1:00pm       地鐡 筲箕灣 -> 中環                 see below
         
7.       1:00pm - 2:00pm        新世界大船                              see below   
                                         中環 -> 長州碼頭                 

8.       2:00pm - 3:00pm        長州街市 四處食街邊小食           $50 (兩人)

9.       3:00pm - 6:00pm        長州碼頭 -> 張保仔洞/           
                                         及張保仔洞附近海灘/
                                         -> 長州碼頭 (活動)

10.      6:00pm - 8:00pm         長州碼頭 食海鮮                     $500 (兩人好豐富之大餐, 其實~$200夠)

11.      8:00pm - 9:00pm         新世界大船                        
                                          長州碼頭 -> 中環         

12.      9:00pm -                        回家                                    $6.8(地鐡) + $2(電車)
                                

以上地鐡車費 :
八達通車費(成$6.8/特$3.4) 單程車費(成$7.5/特$4)

普通渡輪服務 (中環 <-> 長州):   
星期一至星期六     成人 -  普通位:  $10.5  豪華位: $16.8  | 長者、小童及傷健人士 - 普通位: $5.3  豪華位: $8.4
星期日及公眾假期  成人 -  普通位:  $15.7  豪華位: $25    | 長者、小童及傷健人士 - 普通位: $7.9  豪華位: $12.5

高速船服務 (中環 <-> 長州):
星期一至星期六     成人 -  $21     | 長者、小童及傷健人士 - $31
星期日及公眾假期  成人 -  $10.5   | 長者、小童及傷健人士 - $15.5

*     時間安排上已經包括部份步行等車時間. 如果覺得太趕可自行增減
**    交通費以各交通工具現場價為準. 以上資料是從各官方網站獲得.
***   第11項是理論介紹 (因為當日, 屋企人等一齊食飯, 所以沒在當地吃晚飯)

肥仔交通心得 :
[1] 由灣仔到筲箕灣, 筲箕灣到中環的地鐡路程, 可改為巴士, 但我覺得地鐡比較好控制時間.
[2] 由筲箕灣到石澳可以選擇搭小巴(在筲箕灣巴士站附近, 可以在巴士站看到小巴站 - 近街市), 價錢差不多, 但因為知道要行山路, 小弟怕會飛車危險, 所以選擇搭巴士.
[3] 其實還有巴士從中環到石澳, 但只開假日 (小弟未搭過)
[4] 由中環去長州, 建議搭 大船. 一方面比較平, 另一方面可以坐出甲板 (是其中一個很好的享受, 後面再講)  
[5] 有關飲茶食什麼, 可以參考[吹水版]加分題, 有關飲茶的題目就可知道肥仔推荐.
LINK : [6/12吹水加分題] 今日星期天, 講下酒樓風雲 thread #29

總消費 : 兩人大約 $600, 如果食豪華餐 ~ $900 (船費以假日豪華位計) (其實可以再平, 不過小弟鍾意食所以會多少少錢)

[ Last edited by william303 on 2005-8-7 at 05:40 PM ]

fatfatdragon

活動推介[1]:

石澳:
1. 沙灘漫步 (肥仔主要去石澳目的). 可能因為地方偏遠, 交通相對其他大沙灘(如淺水灣)冇咁方便. 所以一直以來這沙灘並非太多人. (小弟在不同時間去過多次, 夏天最多人, 但相對都算少人.)  我覺得這沙灘可以叫水清沙幼 (不一定要去淺水灣). 大家可以睇小弟自拍的相.


2. 玩沙 (被迫的 =.=" ). 相信不用介紹. 沙灘因為幾清潔所以唔會驚玩玩下會有奇怪的東西出現(如動物米田共...)

3. 觀浪/沖浪 - 我多次去都發現幾大風同有浪. 大浪沖到沙灘邊幾好睇, 走近踢水幾有趣. (可惜小弟只用相機拍了video, 只cap了幾張圖比大家分亨一下, 可能唔清)




4. 影相. 不用多介紹. 不過大家要注意, 因為人煙唔多, 所以好難搵人揸機拍合照. 小弟慘到要放相機在垃圾桶頂去影(好彩幾乾淨)

肥仔冇玩但知道的活動選擇:
1. 燒烤: 在沙灘旁邊有燒烤爐, 一家人(或兩個人)可以燒烤玩樂. 不過要注意石澳沙灘附近冇大超市, 得士多而且好似好貴. 要燒烤就要自備, 或在筲箕灣街市買(幾方便,在巴市站旁)

2. 障礙高爾夫球 (非正規): 幾適合一家人玩(尤其小孩子). 因為當天見到有小孩玩, 所以有兩個人(=.=" )只是睇唔夠膽一齊玩.

3. 在石澳海灘附近, 其實有好多有特色的餐廳(cafe), 可以坐下一邊飲嘢, 一邊休息. (小弟睇過只有部份餐廳部份位置可以望到海灘).


肥仔冇玩以上活動, 主要是因為時間關係.


肥仔特別貼事:
1. 因為要搭巴士, 而且經過山路, 在車箱都幾拋. 要有心理準備暈車. 最好有水和一些帶酸的糖果在身.

2. 在沙灘上, 其實幾大風. 如果非夏季去最好有外套 (男士要醒目), 以前有朋友因吹海風而嘔 =.=" .

[ Last edited by fatfatdragon on 2005-8-6 at 09:39 AM ]

fatfatdragon

活動推介[2]:

長州:
1. 食街邊小食. 長州碼頭附近有很多街頭小食(要唔怕在街邊食嘢).小弟只食了炸魚蛋, 牛雜和缽仔糕. 兩個人食下食下就飽. (注意缽仔糕有生產限量, 當天賣完即止)

2. 長州街市後面去東灣方向, 有些賣記念品攤販, 唔建議買, 但建議睇. 幾有旅遊區 feel.

3. 出碼頭後, 沿海濱長堤步行, 可以按路上指示去張保仔洞. (肥仔此行目的) 海濱長堤風景雖然冇張保仔附近咁靚, 但可以望到碼頭和對出海面. 有另一半在身邊都幾好 feel.

4. 散步行山(去張保仔洞有一段是山路)之外, 可以去張保仔洞附近無論山上和海邊影相都唔錯. 小弟有些相大家可以一看.



5. 回到碼頭邊 - 晚飯時間食海鮮. 在碼頭向圖書館方向, 在差不多轉彎地方有一間很大的海鮮酒家. 我見價錢不是很貴, 而且很多海鮮放了出門口, 好似幾好. 如果當天不是要回家吃飯, 我會在那裡攪掂. (不過因為冇在那食飯, 所以唔知叫乜名). 其實, 在長州碼頭附近有很多選擇, 大家可以選最喜歡先去試.

坐船:
特別講是因為, 我試過兩次去長州. 一次是在天陰去(最近), 另一次是在初時大霧後來有陽光下去. 搭船特別推荐坐大船是因為可以坐出去甲板. 一路看海景, 一路吹海風, 我覺得感覺非常舒服. 而且同另一半一齊就更浪漫. 此外, 下午出發時, 可以看到維多利亞港及岸上的建築. 晚上回程時, 可以睇到香港島夜景. (小弟相機因冇電所以冇影晚景 =.=" )



肥仔冇玩但知道的活動選擇:
1. 在海濱長堤旁邊可以租單車. 沿海濱長堤有很多人踩單車, 而且有拉車型和2人一車型(前後位)兩種選擇. 因朋友冇興趣所以肥仔冇試.

2. 燒烤. 在張保仔洞行出嚟, 向山方向近一涼亭附近有燒烤爐. 我見不是很多人, 一面燒烤可以一面向海望.  


3. 張保仔洞探險. 其實好出名, 此洞原本是世海盜張保仔藏身之所. 有興趣可以入內一行. 其實去長州一定要去, 如果唔喺好像做少了些什麼事一樣. (肥仔最後冇入 張保仔洞, 因為實在太多人排隊, 唔想等太耐, 所以離開)

4. 太平清醮(每年四月)都有大型活動(如花車巡遊辱和飄色)酬謝神恩. 肥仔去時唔啱時間, 所以冇得睇.


肥仔特別貼事:
1. 坐甲板雖然浪漫, 但因為好大風, 小心頭暈或感染風寒. (要準備外套)

2. 小心安排離開時間, 不要錯過 23:45最後一班船.


總結 (推介原因):
一日遊的時間不是太長也不是太短. 今次的推荐, 會發現很少接觸旅遊熱點, 因為某程度上這行程是為了二人世界之用. 我相信會比較適合兩個人多些(通常是情侶或夫妻); 尤其適合平日工作非常繁忙, 想在假日要清靜一下的人感覺會更好.
但是為了方便不同人的喜好(例如一家人), 所以我都有列出一些其他活動以供參考.

[ Last edited by fatfatdragon on 2005-8-6 at 10:02 AM ]

will213

YES.. 我經常去石澳swim,恢然後bbq...正