鄧達智見證樓價升350倍，Thomp 點評?

自拍男

    



香港這彈丸之地，山多平地少，過去百多年，政府多次填海以建更多房屋。130年來，本港約有7027公頃土地是透過填海取得，幾乎相等於一個香港島。當中，佐敦及天水圍都為其中一個為填海所得地。滄海桑田，回到最初的海岸線，望著無敵煙花景、漁塘風光消失，眼前視野被屏風樓遮蓋，當日的海邊「原住民」，對於填海起樓、明日大嶼又有何看法？
元朗屏山原居民兼著名時裝設計師鄧達智見證天水圍的變遷，感嘆兒時的人間樂土變得陌生；而於佐敦區開店的譚二根及鄭根棠均表示，填海前該區一度為渡船碼頭，場面人山人海，惟當時情景已一去不返。
香港於1841年開埠，在1842年已有填海工程，至現時共有2.5%的土地都為填海所得，根據發展局提供的數字，由1887年至2017年10月，香港約有7,027公頃土地是透過填海取得，幾乎相等於一個香港島的面積。而九龍區有及新界本土位置分別有1364公頃及2864公頃都是填海以取得。
海岸線愈推愈前
回望過去，本港最先填海地為現時的中環，即皇后大道中及德輔道中一帶，前後共四期工程。現時的香港大會堂、中環海濱活動空間曾為一片汪洋，現時該區的人流已川流不息。除了中西區的變遷之外，油尖旺區及天水圍的改變亦都甚大，填海的沙石令區內風光不再，換來的卻是一幢又一幢的高樓大廈。由香港舊照片地圖組研究， Vivian Ngo 製作的香港填海地圖紀錄了本港多年來的填海過程，見證到海岸線愈推愈前。
鄧達智：依家呢到係完全陌生

天水圍早於1980年末開始填塘工作，元朗屏山原居民兼著名時裝設計師鄧達智直言，屏山是伴他成長的地方，惟政府拍板發展天水圍時，將原有天水圍的歷史色彩徹底抹去，惜昔日畫面一去不返，不留半點雲彩。「以前附近睇得到嘅地方都係魚塘或者田，仲有條河。對我嚟講，就算唔係人間仙境，都係人間樂園，家呢到係完全陌生。」訪問當日，鄧達智帶記者重返他兒時的玩樂聖地，包括屏山文物徑中的聚星樓及達德公所，回味往事。「我哋會爬上瓦頂玩捉迷藏，以前啲屋起得好密，所以一班細路都會爬上屋頂，逐間逐間屋咁跳過去玩，好開心。」填去漁塘後該區除樓宇外，亦有部分成為濕地公園及屏山文物徑。不過他指，天水圍現有的配套不足以配合現有的發展，而需要用到原本村內的設施。如未有足夠的停車場，因此居民都需租用村內的車位，影響村內的衛生情況。
昔日佐敦道碼頭 現為高鐵西九龍站
九龍半島也是填海重地，現時高鐵西九龍站一帶曾為一個佐敦道碼頭，當年為人及車輛提供渡海小輪來往港島與九龍。不過，由於要配合填海工程，佐敦道碼頭於1996年停用，政府亦開始發展附近一帶。
位於佐敦文成街的糖水檔老闆譚二根，由街頭車仔檔推入店，見證該區填海工程前後的變遷。「以前天橋位係一個石灘，柯士甸站同西鐵站都係海。」譚老闆補充，佐敦變化偌大，當香港首次放煙花時，文成街還滿佈小販檔，食客可在街上吹著海風，邊吃東西，邊欣賞煙花，不過填海後昔日的風光不再，風景全被高樓大廈擋住。不過，即使填海後的住宅比以往多，加上新建的高鐵，惟人流都不及舊時。「填海係多咗人口、土地、商業嘅繁榮，但帶動唔到呢區嘅人流，一早話冇幫助。太遠啲人都係唔會行過嚟﹗又冇指示點行過呢邊，根本就忽視咗呢區。」
82歲地產代理 見證樓價由兩萬升到700萬
現年82歲的鄭根棠，1965年開始於文英街開設地產代理店，親歷該區樓市大起大跌，由曾經2萬元一個600多呎的單位，到現時同一個單位需要700萬。不過，鄭根棠指，即使填海後附近用多變多，眼見生意比以前慘淡「未拆嘅時候好人山人海，好多人係海邊賣魚，好旺㗎﹗以前地鐵都未有，啲人要係到搭船過海，啲船都滿晒座。自從高鐵落成之後，食肆都冇生意」。鄭根棠直言，填海後該區人流比以前少，「以前一早就有好多船，多旺都係旺尖沙咀嗰附近，呢邊都冇影響，都幾可惜！」
市民對明日大嶼計劃反應各異
填海工程難免會泛起市民對自己居住地的惋歎，不過對於行政長官林鄭月娥於2018年度施政報告中提出的大嶼山發展計劃各持正反意見。鄧達智擔心，填海會為資源錯配， 一旦填出人工島後才發現配套不足，此舉只會是填海的無底深潭，不斷蠶食海岸線。而譚老闆則認為，於發展及保育的取捨下，發展來得更重要。
擔心資源錯配 鄧達智：香港最終都係歸納返大灣區
對於政府的明日大嶼計劃，鄧達智擔心，此舉會令資源錯配，如政府興建一人工島並只為解決房屋供應問題，惟當發現人工島上未有足夠配套時，則有機會需再透過填海以取得更多地，令填海工程成為無底深潭。他認為，政府可選擇優先發展現時填海所得地，而又並未有完全發展的區域，如將軍澳。再加上政府近年大力推動大灣區的發展，他認為，房屋政策就可藉此融入大灣區。「我好唔希望呢個計劃go ahead（進行），因為我哋融入大灣區，就應該係大灣區內發展同租地，rather than（而不是）用咁多錢建人工島，呢啲都係冇意義，因為我哋最終都係歸納返去大灣區。」
政府必先解決房屋問題 市民：人比海洋生物重要
雖然譚老闆親歷過填海前後區內的興衰，不過他仍然支持明日大嶼計劃「世界上有樣嘢，就係有得必有失。你唔可以保留舊嘅嘢而希望又有新嘅嘢。」譚老闆認為，政府必要解決社會上的居住問題，加上庫房有儲備，即使預算再多，都是用在港人身上。「錢袋住唔用都係廢紙，家投資，遲啲咪有回報囉！香港好多地方都係填海出嚟，家咪幾好。」譚老闆認為，環保無疑是與政府發展有衝突，不過人始終比海洋生物重要，所以政府在實施政策上是需要有一定的取捨。而對於政府的明日大嶼計劃，82歲的地產代理鄭根棠回應表示，「不敢想像」並指「用咁多錢填個島，好貴，真係用好多錢」，其後又笑言「不過我都睇唔到」。

Thomp

    



香港這彈丸之地，山多平地少，過去百多年，政府多次填海以建更多房屋。130年來，本港約有7027公頃土地是透過填海取得，幾乎相等於一個香港島。當中，佐敦及天水圍都為其中一個為填海所得 ...
自拍男 發表於 2018-11-18 04:01 PM

放棄無眼睇！

自拍男

放棄無眼睇！
Thomp 發表於 2018-11-18 04:11 PM

大陸咁多地，班蝗蟲仲要打崩頭扑街落黎

自拍男

放棄無眼睇！
Thomp 發表於 2018-11-18 04:11 PM

明知冇地仲要瘋狂輸入蝗蟲，呢個特衰正苦係咪屎忽生上腦

迦樓羅女王

其實唔可以完全怪蝗蟲 , 97果陣己經好多樓5-600萬

自拍男

其實唔可以完全怪蝗蟲 , 97果陣己經好多樓5-600萬
迦樓羅女王 發表於 2018-11-18 04:52 PM

怪港英高地價政策

迦樓羅女王

怪港英高地價政策
自拍男 發表於 2018-11-18 04:58 PM

呢個絕對係架拉

電騙男

呢個絕對係架拉
迦樓羅女王 發表於 2018-11-19 10:22 AM

衰鴉片戰爭

迦樓羅女王

衰鴉片戰爭
電騙男 發表於 2018-11-19 12:53 PM

咁又唔會 ... 香港有今日 , 就係因為佢地位特殊姐

自拍男

咁又唔會 ... 香港有今日 , 就係因為佢地位特殊姐
迦樓羅女王 發表於 2018-11-21 06:07 PM

今日香港倒退第三世界