唉，過年流流炒魷兼冇糧出！

七仔男

仆街王征



亞視的演藝訓練計劃逼藝員上課，戚黛黛、張啟樂等四人因曠課被炒，四人昨接受nowTV節目訪問，因合約寫明不能影響亞視聲譽，未敢爆大鑊，只爆亞視至今未出12月份糧。而訓練計劃昨繼續講課，藝員冒寒趕返亞視上課。

戚黛黛、張啟樂、車車及陳綺雯在上月21日冬至因缺課被炒，四人昨到柴灣接受訪問，張啟樂說：「12月13號公司WhatsApp大家叫17日返去開藝員大會，每人派兩張演藝訓練計劃時間表，原來即日上堂。」當日由高層鄺凱迎、葉家寶、盛品儒任導師講電視台歷史，戚黛黛說：「以為開會點知講歷史，但冇人確定講一定要上堂，唔上有乜處分。」


解僱過程草率

張啟樂透露17日起每天收藝員科短訊叫上堂，他已即時溝通：「我話21日下晝要為《我要上ATV春晚》開會，問過有事唔返會點，但公司話唔知，未有方向，只記錄。」冬至當日藝員科因王征親自授課，催他盡快現身，最騎呢是合約訂明不可唱衰公司，張啟樂說：「大概意思唔可以毀壞公司聲譽，否則有權追究，終止合約都仍然生效。」
四人被炒7日仍未收到12月份糧，已諮詢律師意見，戚黛黛又爆亞視處事草率：「公司通知有信畀我，但返到去都未決定係解僱信定警告信，結果冇黃牌、紅牌即解僱。」對被指亞視未出糧，葉家寶昨在電話中說：「可能係時差問題，今日已有同事聯絡佢哋，支票已經喺公司等佢哋攞。」

亞視洗腦課程昨繼續於早上10時上課，依然有人遲到，其中林紫君10時50分才乘的士抵達。上周六播映的《演藝訓練計劃直擊》真人騷收視只得1點，另有兩節目繼續零收視。
此外，上周無綫《東張西望》派員採訪亞視洗腦班上堂情況，昨日《東張》播出當日鮮魚行學校校長梁紀昌授課情況。

freeboy108

ATV not good