追殺廖暉集團陸續有來

七仔男

一朝天子一朝臣   


【本報訊】今次廉政公署拘捕許仕仁及郭氏兄弟，除了震動商界外，亦令政界人士議論紛紛。有政界人士稱，許仕仁盛傳是港澳辦前主任廖暉的「愛將」、「契仔」，今次許成為廉署頭號打擊對象，除顯示廖暉影響力不再之外，以往屬廖暉集團的政商界人物，他們千絲萬縷的官商利益關係，有可能成為新政府追查的目標。


被欽點當政務司司長
有政界人士指出，廖暉與許仕仁一向關係密切，盛傳曾蔭權 2005年任特首前，廖暉早已欽點許「重出江湖」，任曾班子政務司司長一職，而許於 2008年獲委任做政協常委，可見當時廖暉對許仕仁如何高度重視。
雖然今次許及郭氏兄弟被捕，普遍認為與梁振英無直接關係，但他指今次事件突顯廖暉主管港澳事務年代，與他關係密切的政商界人物，已建立一個官、商利益關係網，「呢種唔係表面官商勾結咁簡單，而係好深層次利益輸送關係」，今次許與郭氏兄弟被捕，除了因「籠裏雞作反」，有「自己人」告密外，廖暉失勢也是重要原因，「以往呢類嘢，可能未去到執法機關前已畀人 㩒住，但明顯今次冇人 㩒，因為廖暉對香港已經冇晒勢力，要 㩒都 㩒唔住」。
另一知情人士相信，類似追查曾蔭權政商勾結事件，會陸續有來，「成件事只係開始，有排未完，好多事件會陸續爆煲」。


隨時借打大鱷谷民望
另一政界人士稱，過去六、七年，香港一班屬廖暉集團的政商界人物，已在港建立一個利益關係網，他們之間存在千絲萬縷的官商利益關係，「好多係合法關係，你最多話佢官商勾結，但係有啲其實係灰色地帶，追唔追究視乎有冇人爆料，同政府點做」，現在廖失勢，梁振英又成為下屆特首，以往那些「灰色」官商利益關係，隨時會成為新政府追查目標，成為「借打大鱷谷民望」的政治祭品。

打狗棒

河水權鬥, 搵井水嚟搞.........!!!

JACKY008

陸續有來

infjlam

出得黎行，預左要還

七仔男

出得黎行，預左要還
infjlam 發表於 2012-4-1 01:34 AM

幾時輪到呢條友