關於盲目球迷

bigfish

足 球 小 將 最 愛 英 國 巴 西

【 本 報 訊 】 中 國 隊 與 今 屆 世 界 盃 緣 慳 一 面 ， 港 人 未 有 機 會 為 國 家 隊 打 氣 ， 競 逐 決 賽 周 列 強 的 居 港 僑 民 ， 卻 可 透 過 電 視 直 播 支 持 自 己 的 國 家 。 但 原 來 一 班 十 多 歲 的 外 籍 足 球 小 將 ， 並 不 盲 目 支 持 自 己 國 家 足 球 隊 ， 港 人 熟 悉 英 格 蘭 及 足 球 王 國 巴 西 才 是 他 們 最 愛 隊 伍 。
美 籍 的 劉 宇 俊 伯 父 是 本 港 昔 日 球 壇 名 將 劉 榮 業 ， 他 直 言 美 國 足 球 風 氣 不 熾 熱 ， 也 看 淡 美 國 隊 的 機 會 。 對 自 己 國 家 足 球 隊 的 忠 誠 度 ， 以 英 格 蘭 、 澳 洲 及 日 本 的 小 孩 最 高 。 跟 大 部 份 本 港 球 迷 一 樣 ， 13 歲 英 籍 的 Dominic Price 坦 言 ， 看 好 英 格 蘭 奪 得 世 界 盃 冠 軍 ， 最 喜 歡 的 球 員 並 非 來 自 由 萬 人 迷 碧 咸 領 軍 的 鑽 石 中 場 ， 倒 是 前 鋒 朗 尼 的 拚 勁 讓 他 歎 服 。
澳 洲 及 日 本 在 分 組 賽 不 幸 與 強 手 如 雲 的 巴 西 同 組 ， 但 他 們 的 小 球 迷 一 點 也 不 在 意 。 外 形 酷 似 翼 鋒 基 維 爾 的 澳 洲 小 童 Max 相 信 ， 澳 洲 會 在 分 組 賽 中 擊 倒 巴 西 ， 更 會 歷 史 性 首 度 奪 標 。 日 籍 的 Dan 同 樣 無 視 巴 西 ， 認 為 國 家 隊 可 闖 過 巴 西 ， 晉 身 次 圈 賽 事 ， 他 心 中 只 有 英 格 蘭 可 與 日 本 看 齊 。


指 施 丹 難 比 細 哨
小 球 迷 追 捧 自 己 國 家 足 球 隊 的 心 態 不 難 理 解 ， 也 有 小 球 迷 表 現 理 性 、 支 持 有 實 際 表 現 的 隊 伍 。 來 自 德 國 的 King Rhomberg 未 因 東 道 主 身 份 看 好 國 家 隊 ， 最 鍾 愛 的 隊 伍 是 宿 敵 荷 蘭 。 法 國 小 童 Tritschler Etienne 甚 至 認 為 國 家 隊 在 分 組 賽 中 無 力 擊 倒 南 韓 ， 法 國 球 王 施 丹 也 難 比 如 日 方 中 的 巴 西 球 王 朗 拿 甸 奴

呢篇文章就教大家, 唔好盲目捧自己國家隊, 要捧d 有實力有表現o既球隊
生果都認為支持英格蘭並無問題, 相反捧國足就屬盲目行為

[ Last edited by bigfish on 2006-6-19 at 08:48 AM ]

甘國武

Originally posted by bigfish at 2006-6-19 08:46 AM:
足 球 小 將 最 愛 英 國 巴 西

...

捧自己國家隊=盲目？
支持英格蘭=唔盲目？
咁巴西人捧巴西又叫盲目？

babo

嘩=.=
捧番自己國家都叫盲目...好野-.-"
我認為盲目..係一種只看到優點而唔理缺點既詞來--

bigfish

表 現 理 性 、 支 持 有 實 際 表 現 的 隊 伍
呢句解釋左 la
有得揀梗係揀兩戰兩勝, 表現平穩o既隊伍, 唔揀d 失過分o既球隊 la

cfccfcc

如果連自己國家的足球隊都唔捧
我覺得唔係理智lor.....
係冷血

我覺得捧番自己的國家隊唔叫盲目lor
應該係0個d認為中國隊勁過巴西 or 可以拿世界盃的
就叫盲目喇

bigfish

Originally posted by cfccfcc at 2006-6-19 11:09 AM:
如果連自己國家的足球隊都唔捧
我覺...

如果中國隊有實際表現, 我諗大家支持中國都冇乜問題
但中國隊上屆做魚腩, 今屆做觀眾, 如果咁都支持, 真係盲目 la

wclchris

只捧強隊才叫盲目!!!!!!!  香港人完全唔明白捧自己國家隊個種生死與共的感受, 跟紅頂白, 邊隊勁就捧邊隊

為自己國家隊打氣, 個種緊張法, 絕非一般香港人明白.  以前香港隊踢外圍賽就有d feel.  而家就算中國隊, 對一般香港人來說, 也沒有那種刻骨銘心的感覺.

把自己國家隊說成天下第一就係盲目, 但死命支持則絕不盲目.  實際上, 大部份支持自己國家隊的人一點都不盲目, 而且通常過份要求高, 皆因愛之深, 責之切.

wclchris

Originally posted by bigfish at 2006-6-19 11:09 AM:
表 現 理 性 、 支 持 有 實 際 表 現 的 隊 伍
呢句解釋左 la
有得揀梗係揀兩戰兩勝, 表現平穩o既隊伍, 唔揀d 失過分o既球隊 la

而家唔係賭波.  我諗你唔係好明支持一隊球隊個種感受.

bigfish

Originally posted by wclchris at 2006-6-19 11:15 AM:

而家唔係賭波.  我諗你唔係好明支持一隊球隊個種感受.

唔係賭波問題
多年前亞洲盃外圍賽中國對香港, 香港輸 0比2, 但係班大陸仔又打茅波, 又影響球證判決, 入左波又以為自己天下無敵, 如果你o係現場, 你捧香港定大陸呢?

wclchris

Originally posted by bigfish at 2006-6-19 11:12 AM:

如果中國隊有實際表現, 我諗大家支持中國都冇乜問題
但中國隊上屆做魚腩, 今屆做觀眾, 如果咁都支持, 真係盲目 la

因為你唔係中國人(感覺上) 而係香港人.  我估有一日香港有得踢世界盃你就可能會明白

[ Last edited by wclchris on 2006-6-19 at 11:49 AM ]