和仔走火入魔３４３，港隊兵敗如山倒！

locklock

和仔變革？港隊兵敗如山倒！？（和仔以為自己係孫大炮，想係港隊攪共和！）
和仔想學日本仔，打全攻型足球，但他只明此理，而不知此道者！
日職聯八成以上球隊打３４３，試問港甲有邊隊咁夠膽走去打３４３？
香港０８？公民？和富大埔？和仔紙上談兵，港隊兵敗如山倒！
印尼絕對不是什麼強隊，理應小勝或求和，而不是大敗０：３！
看來和仔執教港隊的日子應該不會長，新官上任一把火都無。

卓卓打三中堅的其中之一，肯定是敗筆，此子攻強於守，絕不能升任三中堅！
３４３陣式，最重要是４的左右兩翼，因為進可攻，退可守，這是球隊的命門，
試問當今香港邊路有誰可以進可攻退可守咁勁！一係只攻不守，一任只守不攻，
這是４４２陣式底蘊的根本，因此為何可助攻的閘會咁值租。就算連和仔都只攻不能守！

和仔呀和仔，可能香港現在無大賽，可以話係變革好時機，但變還變，
都要睇吓自己有無貨先得架。你估香港人係巴西佬咩，球會踢一個位，國隊隊又另一個！

友誼賽　－　香港 0：3 印尼

香港隊於今晚(6月1日)假印尼舉行的友誼賽中，0比3不敵印尼。

香港隊今仗以3-4-3陣容上陣，教練李健和表示滿意球隊的整體表現，於防守方面亦能做到
賽前部署，而進攻方面於下半場亦有所改善，組織了多個攻勢，唯球隊最後亦未能取得入
球，以0比3不敵印尼。

香港隊出場陣容如下：

守門員：范俊業

後衛：陳偉豪、高尼路、卓卓

中場：利偉倫、文彼得、梁振邦、潘耀焯

前鋒：朱兆基、陳肇麒、羅志焜

　　　　　　　　　　　　　　

[ Last edited by locklock on 2007-6-2 at 01:26 PM ]

自由神

我反而覺得咁樣仲好
好過成日打穩守突擊
香港球員先天性不足有於身形同身高

之前對強隊打541
前面得個陳肇麒，中場靠豪豬個人突破，全場得3腳攻勢 = 無突擊

後面有成8個人，不過最後都係輸（人地用高波屈你）
人海戰術對香港隊無作用 = 守不穩

與其靠運仔不如作出改變
343好！我支持！
可能最後都係輸，不過都叫做改變既第一步！

QuiGonJinn

Originally posted by 自由神 at 2007-6-2 11:59:
我反而覺得咁樣仲好
好過成日打[colo...

此乃置之死地而後生之法,
等班香港"職業球員"知道乜嘢叫做醜.

難得和仔有此遠見,
知道香港足球咁捱落去唔係辦法.
俾你一場又一場0:0又點?
希望足總班友唔會係淺薄之徒,
俾和仔捱過呢兩年d無知之徒批評,
香港足球水平會有所提昇.

[ Last edited by QuiGonJinn on 2007-6-2 at 12:29 PM ]

locklock

Originally posted by 自由神 at 2007-6-2 11:59 AM:
我反而覺得咁樣仲好
好過成日打[colo...

３４３打得好就全攻型，打得衰就變成４５１，再衰ｄ和９０１無分別！
印尼仔跑得快，但身材差，用４４２和４３３打係最好，一定要先護邊，
然後善用陳肇麒高度，才能尅敵制勝，一本通書怎能睇到老！
唔通當日孫大炮革命，要中國人先死而後生？孫大炮都要面對現實。

３４３係日本仔學巴西佬既前身，先決條先要聯賽有一大班巴西佬咁既腳法才可以打。
４３３係韓國仔學荷蘭佬既，亦是亞洲人複製歐洲佬最為成功的樣版。
４４２係英國佬改良荷蘭佬全能足球，演變出來一統天下至今既絕活。
香港係前英殖民地，打４４２係學英國佬，可以話係根深締固。

就算和仔要變，都應該效法先祖荷蘭，變４３３，而不是３４３學日本仔和巴西流！
難道迪天奴或南華傑志現在急奏章買入巴西幫，能即時改變香港人的思想和打法嗎？
我們要的是坐和望贏，而不是什麼先死而後生呀！０：３不能接受，一定要加以評擊！

（日本國家隊其中一隻翼係巴西人入籍日本，佢叫三都主，現在還是日本必然正選呀！
　香港要打３４３，唔該叫ｄ巴西佬過黎入籍再議啦！）

　　　　　　　　　　　　　　

[ Last edited by locklock on 2007-6-2 at 01:06 PM ]

-仔仔仔-

友誼賽主要都係試陣
今場輸左,下場就唔會再此陣
人係從失敗中吸取教訓!!!!!

locklock

Originally posted by -仔仔仔- at 2007-6-2 01:02 PM:
友誼賽主要都係試陣
今場輸左,下場就唔會再此陣
人係從失敗中吸取教訓!!!!!

如果今次唔係用本土教練，而係用老外，咁你話０：３會唔會可以接受呀！
大家要求真係越來越低，香港足球唔係真係衰到輸比印尼０：３麻！
話曬場波都有兩件外援港腳，都打到咁屎！一定係排錯陣！

香港往積最衰都係輸比印尼２：３，都有波入，再之前更是未常一敗。
今次肯定係港隊近年來恥辱性大敗，最危險的地方是球迷們莫不關心！

還有這是ａ級國際友誼賽，會影響香港排名的，現在還未到總結，
到時港隊排名下跌，和仔一定要執包袱！

　　　　　　　　　　　　　　

[ Last edited by locklock on 2007-6-2 at 01:16 PM ]

-仔仔仔-

Originally posted by locklock at 2007-6-2 01:05 PM:

如果今次唔係用本土教練，而係用老...

咁人地和仔都係第一場教波,又無經驗
輸波係正常喎!!!吸取今次教訓後,下次咪打得好啲囉
你都唔洗要人立刻執包袱o假
好似人地巴西咁勁都唔係場場win啦

左輪仔

343係以前本地甲組都打過,和仔當年都好似踢過呢個陣式...

魔術師

友誼賽只是試陣 試新人..

樓主未免...

x169169

使o吾使o甘激ar你......新官上陣預左輸ga la....
更何況0:3之ma.....輸更多ge都有la.......