暗戀的人有男友

史力仔

那種感覺好難受.....呢幾日大家有講有笑...又有msn聊天......每當佢online嗰刻自己會好開心....更不用說佢主動say hi.......一路仲以為自己有機會.並準備了解佢多d....點知唔覺意望到佢同佢BF既相.........那刻.........

誰人能明白我?

Freak

我！ 我好明白，我都試過

真係鍾意，睇開d，佢開心未得囉

以後仲鍾意的話，會有機會的

shanlinlla

又未結婚,仲有機會嘅...

不過要耐心少少等,快則個幾兩個月,慢就幾年....

如果唔想等,就搵過第2個女仔仲好....

Erocky

唉，談戀愛呢回事就係咁架啦～　又點會每事盡人意呢......？

好似您d咁既情況，剩係香港一日都可能發生幾千宗～　呢種「撕裂心靈」既感覺，又點會只係您先會明白到？　相信好多人（包括我自己）都親身感受過......

記得我曾經暗戀過一個女仔，然后搵個好熟既男仔Friend幫我追佢，跟住后尾我努力過、Action過一段時間之后，忽然有一日我偶然0係街見到個女仔拖著我個Friend行街！　......之后我覺得好難以置信、一頭霧水，唔相信自己所睇到既野！　後來，我就冷靜咁搵個Friend問佢到底係乜野一回事？　然后佢話其實佢地都互相鍾意左對方好耐，一個月前先開始......　其實都好想同我講，但係就唔知點開口、怕我接受唔到......　仲猛咁對我講Sorry.....

果刻把口梗係話："唔緊要啦，唔野喎～"　但其實個心真係好傷心......　點解自己暗戀既女仔既男友就係幫自己追佢既好朋友？　......0個刻既感覺真係好難受......　我諗同樓主當下既感覺相若......

其實我覺得呢，愛情就係咁架啦～　好多時Timing呀、Matching呀都好似唔係好0岩既～　好多外在既因素都唔到自己控制～　唯有可以做既，就係盡量調節自己既想法／心情......　譬如「睇開ｄ啦」、「都仲有機會既」、「愛情並唔係生活既全部」、「總會遇到個我鍾意佢、佢又鍾意自己既人既～」....　等等既調節心靈想法。

不過有ｄ人，佢地對情感都會好鍥而不捨，遇到認為係今生既0個個人，即使對方已有另一半，都仲會默默靜候0係佢左右、隨時候命，到被需要既時候，都會好無怨無求咁出現～　.....即使到無需要既時候被揮之則去.....　幸運既人，或者可以等到佢既天使回頭、完成自己美麗既結局；亦有唔好彩既，最終一世都等唔到，只可以望著佢地既天使嫁作人妻......

以樓主既情況，就要睇下您點諗喇～
- 要睇開ｄ、淡化傷痛，之后有個新既開始（雖然可能係好耐之后）；抑或係
- 全心全意，義無反顧咁去做個守護天使，等候結局既一天

......依我愚見，樓主您要撫心自問自己，到底有幾鍾意呢個女仔？
其實我覺得，如果真係好鍾意一個人既話，就應該可以為佢做好多好多既事，包括為佢守候。　......即使做守護天使個心一定係好難受。　好多野做唔做，根本無人迫您；去做，實係好辛苦，或者根本係無結果，但我始終相信「去唔去做」，只係得一條好簡單既加減數方程式：

〔您有多愛佢〕　－　〔您覺得會幾辛苦〕　＋　〔您為佢守候自己有幾開心〕　＝　？？

如果答案係正數，咁您自然會去做；若果係負數，咁您自然都未必會做～

樓主，自己起唔起得番身振作、諗唔諗得通，就要睇您自己喇～
所有感覺都係自己俾自己既～

......您，明白我講乜嘛？ ^_^

史力仔

Originally posted by Erocky at 2007-6-1 01:59 AM:
唉，談戀愛呢回事就係咁架啦～　又點...

好多謝你ar....希望我能重新振作番

ohnaf

唔好為左一棵樹~放棄成個森林~
前面可能有更好既你唔知道~明天會更好嘛~~

睇開d~~再揀過~~我覺得唔好叉隻腳去人地度
除非.........佢地就散

自由神

Originally posted by 史力仔 at 2007-6-1 12:11 AM:
那種感覺好難受.....呢幾日大家有講有...

...........我諗好多人都試過類似既經歷！

就算唔係Msn，淨係成日以為自己有機會，突然之間見到佢同第二個好親熱咁一齊

好多時都會自欺欺人咁諗：會唔會係因為自己當時無示愛所以衰左呢？

之後問下個女仔幾時開始............
點知發現原來個男仔除左靚仔過自己少少之外，無野好過你
咁..........點解佢可以後發先至呢？
真係唔知....
可能...............................係因為自己傻，同佢keep住好朋友既關系太耐
搞到佢無曬感覺

[ Last edited by 自由神 on 2007-6-1 at 01:56 PM ]

自由神

Originally posted by Erocky at 2007-6-1 01:59 AM:
唉，談戀愛呢回事就係咁架啦～　又點...

有時呢...............
我唔知你會唔會

不過........搵其它fd幫手溝女
之後衰左呢...........你會唔會憎左你個fd嫁！



果種感覺.............好痛苦嫁！無啦啦你追唔到女憎左人

vv1668vv

Originally posted by 自由神 at 2007-6-1 13:57:

有時呢...............
我唔知你會...

自己搞唔掂。。揾FD幫忙。。衰左 又要怪其他人。。
都真系幾得意架播。。。

自由神

Originally posted by vv1668vv at 2007-6-1 02:08 PM:



自己搞唔掂。。揾FD幫忙。。衰左 又要怪其他人。。
都真系幾得意架播。。。

係呀！
最慘係女果方同你講佢同你要幫果個fd一定無可能

你諗住幫佢同你自己個fd講啦，費是由條女講咁傷佢啦！

之後兄弟佢竟然話我呃佢，唔知我有咩目的