|
- 帖子
- 40777
- 精華
- 5
- 威望
- 18931
- 魅力
- 1745
- 讚好
- 0
|
139037#
發表於 2011-8-16 08:41 AM
| 只看該作者
本帖最後由 BOYDWAN 於 2011-8-16 08:44 AM 編輯
過咗幾日無電話無電腦無電視嘅與世隔絕旅程.........原來生活可以咁簡單.
呢幾日, 應Ruby 要求去借咗個朋友隻艇駛咗出海, 完全以"海上漂浮"嘅方式渡過, 除左幾本小說, 船上面嘅GPS 同無線電之外, 係乜都無嘅.
瞓嘅時間唔多, 不過就好精神, 因為所有嘅時間都係處於鬆弛狀態, 無嘢需要煩, 渡假應該係咁嘅~
每日一早船伕會帶d 嘢過嚟, 順便睇吓我地死得未, 跟住就會走........試過有朝佢嚟咗我地都仲瞓緊, 真係無乜安全意識~
不過都安全嘅, 因為都仲算係香港海域, 第一晚已經有水警駛過嚟問我地係唔係有事要唔要幫手, 當知道我地只係"避世"幾日兼唔係非法入境者之後, 個警長仲話呢度ok 無走私客經過唔需要擔心, 臨離開前仲教我點用個無線電去直接聯絡佢地添~
每日同Ruby, 唔係睇小說, 就係傾吓計談吓情, 真係睇吓日出日落吹吓海風望吓晚星咁, 死未?
當然有釣吓魚, 咁得閒梗係乜都釣啦.......不過就唔多豐富咯, 尤其係Ruby 姐, 佢似餵魚多過釣魚, 如果要以魚獲作為我地主要食糧嘅話, 餓死都似~
佢就好冧喇, 我都覺得幾舒服, 無任何科技嘢介入生活, 所有嘢都可以思考得更多, 更細膩.
而且完全唔算熱喎, 因為d 海風都幾爽, 可想而知我地平時喺城市生活有幾自己玩自己, 開冷氣排廢氣, 廢氣令到四圍好熱, 然後又再開冷氣等佢無咁熱........簡直係惡性循環~
第二晚傾傾吓計, Ruby 終於都喊咗出嚟, 始終無咗一條小魚對一個女人嚟講係一件好大嘅打擊, 尤其係會令佢好驚再失去身邊嘅人, 佢嘅心底仍然係好敏感.
其實係好事嚟, 佢肯完全釋放出嚟, 咁先可以完全放低......起碼身為老公嘅我可以陪佢將呢個結解開.
呢個老婆係就係純得滯, 甚至可以話佢成日唔帶腦, 不過正如佢所講, 如果可以比佢選擇, 佢最享受都係可以咁樣同我過日子, 兩個人簡簡單單咁去生活, 好過幾日都唔知我做乜, 然後就只係同佢去shopping.......
啱嘅, 一個女人仔嘅世界實在唔應該咁複雜, 佢個地球只得兩個人, 我應該覺得幸福.
每一日對我嚟講最大嘅挑戰係解決食嘅問題, 唔係指我點去煮, 係指我點去食.
因為每日Ruby 姐最開心嘅就係打開個雪櫃, 睇吓個船伕今日帶咗乜嘢過嚟..........然後就開始準備佢心水嘅食譜.
廚櫃入邊係有罐頭咖! 由第一日入船倉我已經同佢講, 但係佢都係充耳不聞.
當我話不如由我整, 佢只會推我出去然後叫我乖乖地睇吓書曬吓太陽釣吓魚..........好彩我地釣嘅魚佢從來唔打算整, 亦唔識整.
都咗第三日, 我希望呀船伕大佬帶嚟嘅, 只係罐頭同杯麫......@_@
每一餐, 當呀Ruby 姐問我好唔好食, 我都只會講一句: 阿門.
點解? 你地有無試過三色蛋三文治同菠蘿壽司吖...........? 我就試咗喇...........T_T""
所以我話老婆最叻整得最好嘅, 就係雜菜沙律, 佢聽完之後個樣幾滿足呀!
但係..........我真係忍唔住要爆:
老婆! 您咪L 玩啦!!!! 可唔可以叫外賣呀!!!! |
|
發表於 2011-8-16 01:05 AM
| 
