迦樓羅女王

https://www.youtube.com/watch?v=OUPhYwRN3GY

迦樓羅女王

其實岸--福田--安倍派既真正名稱係 "清和政策研究會"
呢個名經過多次改名 , 以我想講既係安倍之後既繼承 :

三塚派(三塚博)--森派(森喜朗)--町村派(町村信孝)--
細田派(细田博之)
好特別 , 小泉純一郎其實未當過派閥首腦 , 佢正個任期 ,
其實其勢力都係屬於森派(森喜朗) ... 之後 ,
安倍晉三一樣未當過派閥首腦

迦樓羅女王

岸信介--福田--安倍派 , 是如何經歷近20年既弱勢而復興???

岸信介--福田赳夫--安倍晉太郎一派 , 其正式名種為 "清和政策研究會" ,
當然前後其實改過多次名 ... 福田赳夫作為岸信介徒弟 , 繼承左 "岸派" 成為 "福田派" ;
而安倍晉太郎作為福田赳夫徒弟 , 繼承左 "福田派" 成為 "安倍派" , 這一條繼承之路是比較清析

至於係 "諾貝爾和平獎得主" 佐藤榮作退下來後既派閥之爭 ,
尤其岸信介徒弟--福田赳夫 同 佐藤榮作徒弟--田中角榮之爭 , 有興趣既朋友可以睇下我既舊作 :
#13 : 1970~85年--田中角榮 VS 福田赳夫
https://www.filter-004.hk/viewthread.php?tid=24837082&feedback=0&num=7&fbclid=IwAR2mPwSPwQScIrS6g652HjbOLUtm1qA_AhoOLcoTon3y3GykBWuEE4S2kSQ

值得一提既係 , 福田赳夫本人其實係反對派閥制度 , 所以佢係當選首相後 , 曾一度解散自派閥 ,
後來被田中角榮支持既大平芳正打敗後 , 先重新建立派閥 , 並吞併一些小派閥 ...
(後來既小泉純一郎  安倍晉三其實都係反對派閥)

係福田赳夫退下來後 , 其實 "清和會" 就被 "平成會"(竹下派) "宏池會" 所打壓 , 成為非主流 ...
係安倍晉太郎時期 , 派系有 : 內三塚博  加藤六月  鹽川正十郎  森喜朗4人成為派系的重要人物 ,
稱為 "安倍四天王" , 對標於 "竹下七奉行"

安倍晉太郎去世後 , 內三塚博  加藤六月競爭會長 , 內三塚博係森喜朗支持下獲勝 ;
但到內三塚博競選自民黨總裁時 , 加藤六月就同竹下派共同支持宮澤喜一 ...
內三塚博癈除加藤六月會籍 , 結果 "清和會" 出現分裂 , 支持內三塚博既森喜朗  小泉純一郎一派
以及支持加藤六月既龜井靜香  町村信孝一派

後來 , 森喜朗等支持小泉純一郎競選自民黨總裁 , 龜井靜香等又反對 ;
到左竹下派既小淵惠三病逝 , 森喜朗代任自民黨總裁(兼代任首相) , 龜井靜香等就離開了 "清和會"

"清和會" 慣例總裁唔會任會長 , 森喜朗退任會長 , 由小泉純一郎繼任 ; 後來小泉純一郎當選總裁
就由森喜朗回頭接任 ... 去到2005年選舉後 ,
因為小泉純一郎既個人魅力 , "清和會" 就反超當時會長--橋本龍太郎剛去世不久既 "平成會" ,
成為自民黨第一大派閥 ...

2006年小泉宣布不再連任總裁後 , "清和會" 既安倍晉三  福田康夫都有力競爭總裁 ,
後來福田康夫宣布不參選 , 避免派閥分裂 ... 同年森喜朗卸任會長 , 由町村信孝接任 ...
森喜朗  小泉純一郎  安倍晉三  福田康夫 , "清和會" 一連出左4焦首相 ;
福田內閣時任町村信孝為內閣官房長官 , "清和會" 加入中川秀直  谷川秀善二人 , 改為集體領導制

福田辭任後 , 因為安倍晉三  福田康夫形象影響 , 町村信孝唔競選總裁 ,
支持另一派閥 "志公會" 既麻生太郎 , 但中川秀直卻改為支持小池百合子 , 令到派內分裂表面化 ;
麻生內閣以細田博之出任幹事長 , 町村不再出任官房長官 , 但維持集體領導體制 ...

2009年大選自民黨大敗 , 同年町村孝信表達有廢除發言人制度意向 , 中川退出 "清和會" ,
集體領導制結束 ... 一直到2014年町村孝信 , 由細田博之繼任 , 一直到現在 ...
當然 , 在此期間最大既大事 , 就2012安倍晉三回鍋任自民黨總裁 , 以及在任日本首相一直至今 !!!

迦樓羅女王

自民黨派閥形成之始--第一二代大佬之誕生

正如#2所講 , 係開始今日話題之前 , 大家可以回顧一下小弟舊作內容 :
#31 : 戰後初期的政局 (岸信介  佐滕榮作等)
https://www.filter-004.hk/viewthread.php?tid=24837082&extra=&page=3
==============================================
眾所周知 , 日本戰敗後的7年間 , 根本可以說是由美國控制 ... 而事實上 ,
日本戰後的頭三界政府 , 都是這7年間出現的 , 某程度也可以說 , 是美國的傀儡 ...
在二戰之後初期 , 鳩山一郎的自由黨在國會大舉成功 , 但鳩山本人被盟軍司令部公職追放 ,
吉田茂被鳩山暫委政權 ... 但真正被視為新憲法國會選舉 , 自由黨卻被社會及民主兩黨夾殺 ,
變成第二大黨 , 由社會黨聯同民主及國民三黨組閣 , 社會黨的片山哲任首相 ...

社會黨的片山哲內閣  民主黨的蘆田均內閣 , 因昭和電工事件相繼倒台 ...
吉田茂一共在任6年 , 後為復出的鳩山一郎扳倒 , 其著名門生不少 , 如後來的首相池田勇人 ,
以及#13提到的佐藤榮作

石橋湛山是以黨內整肅鳩山一郎而上台的 , 但65天就被迫辭職 ... 之後上台的就是岸信介 ,
和鳩山一郎相同的是 , 他們是和戰前日本政府相關的人 ; 不同的是鳩山一郎 ,
為犬養毅與齋藤實內閣的文部大臣 , 而岸信介就是 ... 滿州國工業部長 ,
又是東條英機內閣成員 , 更是甲級戰犯 ... 其任內簽訂了美日安保條約 ,
而值得一提的他們的後人 , 鳩山一郎的孫子 , 是前民主黨首相鳩山由紀夫 , 而岸信介的外孫 ,
就是當今首相安倍晉三
===============================================
可以見到 , 自民黨第一代大佬有三位 :
吉田茂--其中兩名徒也當選首相 : 池田勇人  佐藤榮作
鳩山一郎
石橋湛山

而第二代大佬就有 :
岸信介--雖然年紀上佢算係第二代大佬 , 但佢係戰前高官(甲級戰犯) , 勢力並唔係來自一代大佬
而係美國放出來 , 打壓日本左派勢力 , 同埋支持佢既filter_197  親美傾向
池田勇人  
佐藤榮作

基本上 , 第二代既三人就係自民黨日後主要派閥既源頭 ... 當然 , 其實自民黨仲有唔少小派閥

迦樓羅女王

自民黨三大派閥之一的 "宏池會" , 又是來自怎樣那位黨初巨頭???

如果講到自民黨最大既派閥 , 最多人了解既有兩個 :
其一 , 岸信介--福田赳夫--安倍晉太郎一派既現政府執政集團 , 正式名種為 "清和會"  ;
其二 , 佐藤榮作--田中角榮--竹下登一派60至90年代紅極一時既派系 , 正式名種為 "平成會" ...
咁作為自民黨三大派閥之一既 "宏池會" 又係點發展出來既呢???

如果話 , "清和會" 最早可追源於岸信介 , "平成會" 最早可追源於佐藤榮作 ,
"宏池會" 就可以追源於池田勇人 ... 就係##所提到 , 與佐藤榮作一樣師出於第一代大佬--吉田茂
而且比佐藤榮作早一界出任首相既池田勇人

"宏池會" 最早既傳承係 : 池田勇人--前尾繁三郎--大平芳正 ... 前尾繁三郎曾任眾議院議長 ,
而大平芳正就係係後佐藤榮作時代 , 參與到 "角福戰爭" 既5大派閥之一 ...
佢任會長時 , 3個重要人物 : 伊東正義  齊藤邦吉  佐佐木義武 "大平三羽烏"

大平芳正係任內逝世 , 鈴木善幸成為 "宏池會" 會長及首相 , 派系內出現宮澤喜一  田中六助之爭
鈴木退任後 , 中曾根康弘向田中派傾倒 , "宏池會" 跟主流派有更大的分歧 ...
同時田中六助因糖尿病惡化而離開政壇 , 宮澤喜一就任會長 ...
1987年宮澤參選自民黨總裁 , 係中曾根康弘支持下 , 由竹下派會長竹下登勝出

如果想了解係70-90年代 , "宏池會" 係整個日本政治大局既位置 , 可以睇一下小弟舊作 :
#13 : 1970~85年--田中角榮 VS 福田赳夫
#15 : 竹下派時代 . 到 . 福田--安倍派時代(小泉純一郎  安倍晉三等)
https://www.filter-004.hk/viewthread.php?tid=24837082&feedback=0&num=7&fbclid=IwAR2mPwSPwQScIrS6g652HjbOLUtm1qA_AhoOLcoTon3y3GykBWuEE4S2kSQ

宮澤喜一後來當選總裁(兼首相) , 後又因係輸掉選舉後而辭職 , 由河野洋平就任在野時期既總裁 ,
但之前加藤紘一  河野洋平之間就爭鬥 , 最後河野洋平係1998年脫離 "宏池會" ,
建立今日既 "志公會" ... 而加藤紘一而繼承 "宏池會"

當2000年在野黨提出對森喜朗內閣不信任案 , 因為加藤紘一決定支持 , 而再次引發派系內分裂 ...
"宏池會" 分裂時(2000-08年) : 宏池會(古賀派)  宏池會(谷垣派)
2006年 "宏池會" 各分支開始出現 "大宏池會構想" , 而係谷垣禎一  麻生太郎參選總裁選之後 ,
志公會  古賀派  谷垣派之間開始討論合併 , 但古賀派內部不少人支持安倍晉三 ,
麻生太郎亦獲留任外相 , 谷垣派則完全無重要職位 , 討論暫時停止

2007年安倍晉三辭職後 , 古賀派跟谷垣派都支持福田康夫 , 令大熱麻生太郎失去支持 ...
福田政府中 , 古賀派  谷垣派各自有人出任重要職位 , 麻生則拒絕入閣 , 令古賀  麻生變得疏遠 ,
"大宏池會合併" 變得非分困難

2008年兩派以排除 "志公會" 方式完成合併 , 由古賀誠出任會長 , 重回黨內第三大派系 ...
之後 , 因為福田康夫辭任 , 麻生太郎終於當選首相 , 但一年後自民黨就自1993-94年再次失去政權
而值得一提既係 , 2009年眾議院總選舉後 , "宏池會" 議員減少一半 ,
但在因為 "清和會"  "平成會" 僅剩1/3議席下 , "宏池會" 反而成為眾議院最大派系 !!!

現時 "宏池會" 會長是自2012年接任既岸田文雄 , 不過其議席其實比麻生太郎既 "志公會" 少 ...
事實上 , "志公會" 係現時自民黨第二大派閥 , 麻生太郎亦係安倍晉三2012年 ,
回鍋首相時既主要盟友 ... "宏池會" 則與 "平成會" 實力相當

迦樓羅女王

https://www.youtube.com/watch?v=lcY011LV5UA

迦樓羅女王

https://www.youtube.com/watch?v=F_RiE6TTrsU

迦樓羅女王

60-90年代長期橫行既 "平成會" 係點樣沒落既呢???

係介紹之前 , 先講一下當今自民黨內部局勢 :
清和會  62名眾議員 , 36名參議員 ; 志公會  43名眾議員 , 13名參議員 ;
平成會  33名眾議員 , 21名參議員 ; 宏池會  34名眾議員 , 13名參議員 ;
志帥會  38名眾議員 , 9名參議員 ...
所以話 "平成會" , 現今就係自民黨排第3位既派閥 , 之後會簡介一下 ,
曾經一登大位既幾個小派閥

"平成會" 係由佐藤榮作--田中角榮--竹下登一脈傳承下來既派系 ,
由1963年佐藤榮作任首相 , 到2000年小淵惠三去逝 , 37年間地位舉足輕重
(有關呢個時期內容 , 大家可以參考#1既連結長文)

"平成會" 因為小淵惠三既去逝 , 總裁競選輸左比 "清和會" 既小泉純一郎
呢個係同之前 , 小澤一郎  羽田孜帶住年輕會員離開有關 ...
小淵惠三去逝後 , 會長綿貫民輔離開左 "平成會" , 由橋本龍太郎繼任

因為橋本龍太郎係總裁競選中 , 輸左比小泉純一郎 ,
小泉純一郎可能因為 "角福戰爭" 以來既恩怨 , 向 "平成會" 進行政治報復
小泉內閣中完全不任命 "平成會" 成員為官員 ,
係1974-76年三木內閣後既第一次 , 此舉令 "平成會" 影響力大減 ...

到2003年總裁競選 , "平成會" 開始有人支持小泉 ,
原本號稱鐵一般團結既 "平成會" 開始鬆散 ... 2004年橋本龍太郎涉及貪污
被迫下台 , 橋本龍太郎兩年後病逝 ... 橋本龍太郎下台後 ,
"平成會" 會長空缺一年之久

後來津島雄二任 "平成會" 會長 , 同年選舉中議席被 "清和會" 反超前 ,
淪為黨內第二大派閥 ... 此時小澤一郎  羽田孜帶走既人回歸 ,
津島雄二本來想選總裁 , 但派閥內大佬不同意 ... 加上回歸中既鳩山邦男 ,
一直支持 "志公會" 既麻生太郎 , 令佢一直統一唔到派閥

2008年福田康夫下台 , "平成會" 為支持麻生太郎  與謝野馨而分歧 ,
當中年輕既石破茂獨立參與 , 因而獨立成 "水月會" ...
2009年自民黨敗選 , 當中 "平成會" 議席大跌到原先既1/3 , 津島雄二下台

額賀福志郎接任後 , 鳩山邦男又脫離自民黨 , 令 "平成會" 跌成第三派閥 ;
不過2012年隨住自民黨大勝選舉 , "平成會" 取得又量議席 ,
又成為第二大派閥 ... 2018年由竹下亘接任 , 佢其實係竹下登細佬 ,
同時總裁競選中 , 派內再次分歧 , 一部份人支持安倍  一部份人支石破茂

迦樓羅女王

https://www.bilibili.com/video/BV1XJ411Q7Ce

迦樓羅女王

https://zh.wikipedia.org/wiki/%E6%80%A7%E5%97%9C%E5%A5%BD
https://zh.wikipedia.org/wiki/%E8%89%B2%E6%83%85%E7%94%B5%E5%88%BA%E6%BF%80