audurey

嗰次盛宴犧牲咗唔少珍貴動物，包括：
(1) 用海狗魚做嘅「九如獻瑞」
(2) 用象拔做嘅「力拔千均」
(3) 用熊掌做嘅「一掌山河」
(4) 用鱘龍魚做嘅「雪菊鱘龍」

不過最抵死都係嗰味「桂耳雀舌」，由於當時未有雪藏雞舌，所以特別劏咗幾十隻生雞，割咗條雞舌做呢個菜。

vv1668vv

謝謝分享。。
真系好想試試。。究竟味道如何。。


如果沒有記錯。。。
80年代 。。。
銅鑼灣 的 美心王宮。。都有舉辦過  滿漢全席。。
當時 。。我 個 死鬼老豆。。系 其中一個 座上客 。。

audurey

Originally posted by vv1668vv at 2007-2-22 11:19 PM:
謝謝分享。。
真系好想試試。。究竟...

唔駛咁客氣，我都係得閒冇嘢做，所以吹下水啫。

下面有篇關於美心皇宮舉辦滿漢席的文章，唔知你有冇興趣：

[轉貼]

美心皇宮大酒樓舉辦的滿漢席盛況。名稱─「中國美食及法國佳釀研討會」，參加人數：一五○多位外賓。

除白天有專人演講之外；晚間另設宴會，大嘗多種不同風味的中國名菜。

第一晚在歷山北京樓，試北京菜；第二晚在錦江春食四川菜；第三晚最後一餐的壓軸宴，在美心皇宮大酒樓，吃的是「滿漢筵席」。

在錦江春川菜館已出現過熱鬧場面，而在美心皇宮酒樓這一晚，嘉賓們的驚喜更是達到了頂點，熱情的法國人情不自禁地唱起了法國歌，變得更加喜氣洋溢。

年前，屈臣洋酒行暨人頭馬拔蘭地也曾在該酒樓舉辦過「滿漢華筵」，菜式內容與今次的大同小異，此次則加添了舞獅及中國舞蹈，使外賓們樂上加樂。

宴會開始尚未出菜之前先舞獅。跟著是鑼聲一響，四個宮女、兩個衛士打扮者出場，當冷盤「孔雀開屏」被端上桌時，外賓們為菜色所吸引」，大讚廚師技藝高超。

其後當另一道菜「錦繡紅袍」的出現，又顯示了另一種氣派。衛士們向主辦人獻上大關刀，而主辦者用關刀作狀片皮、拍照。最初人人屏息靜氣，後來卻是歡聲四起。

吃最後的甜品時，四個年青貌美的姑娘出場先後跳：羽扇舞、絲帶舞和花鼓舞，各顯美姿；外賓們興趣盎然，隨之而縱情高歌。

最後由主辦者頒發紀念品給美心皇宮酒樓的經理和大師傅。主持者坐在人力車中，由一位法國人拉車入內，更令不少外賓感到新奇。

三日的盛會在讚聲中圓滿結束，賓客盡歡而散。這個研討會雖然僅有三天，但卻給來自法國、瑞士、英國、新加坡、曼谷、馬尼拉及日本等國的嘉賓們留下了深刻的印象！

[資料來源：梁學乾《漫談滿漢筵席》]

vv1668vv

Originally posted by audurey at 2007-2-23 03:55:


唔駛咁客氣，我都係得閒冇嘢做，...

真系好多謝你 分享資料。。。
令我學到好多野。。。同埋 可以感受 以前  滿漢全席 既 盛況。。
THX!!

卡娃兒

象拔係咩黎架～”

whatsgoingon

it looks not so good wor = =

阿域

Originally posted by 卡娃兒 at 2007-2-23 11:21 AM:
象拔係咩黎架～”

象拔就是象鼻啊~~

zakeru

犀利!大開眼界喇....

bill320i

really 大開眼界, thx!!

audurey

見有版友推返個帖上嚟，又再講多幾句。


香港滿漢全席的興起，其實同日本仔有關。

二次大戰過後，日本經濟迅速復甦，到咗50-60年代，有部份日本人有錢冇地方使，咁啱當時有幾個日本漢學家掀起咗滿漢全席熱潮，當時中國正值閉關，於是班日本仔就一窩蜂擁咗嚟香港，品嘗滿漢全席，結果全部做咗老襯，畀香港酒樓老闆搵咗笨。

香港酒樓將滿漢全席吹噓成皇帝御膳，雖然滿漢全席源自清末官場，但在封建時代，模仿皇帝的衣食住行屬於犯上不敬，隨時會殺頭。

滿漢全席起源於清末，到咗民國時期先被誇張化，除咗採用山珍海味之外，更加搞到兩天四餐、三天六餐等等，事實上大部份都屬於杜撰。


近代最搞笑一次滿漢席，應該係1990年新加坡嗰次，當時遼寧名廚吳XX應邀到新加坡獻藝，期間他展示出自己設計的新式小滿漢席，令到新加坡人嘆為觀止，當中一道菜，竟然就係「三色蒸蛋」。

下次當大家食三色蛋嘅時候，不妨幻想一下自己做緊大款、食緊滿漢席。


[資料來源：趙榮光《滿漢全席源流考述》、陳光新《中國筵席宴會大典》]