Shaqleung

大家都應該有睇過費達拿打架.....佢真係全面得恐怖.....正反手,界波,volley,開波,全部都控制得好好~~最令人佩服係佢d footwork,令到佢打得好瀟灑,至少唔會覺得佢要走足全場(好似nadal,hewitt),仲係好輕鬆咁完成一場賽事......

反而sampras始終局限於serve and volley,底線其實打得麻麻,絕對冇費達拿咁全面,所以佢果時都未算無敵......反而費達拿呢個年代,咁多新星湧現,仲可以贏十幾個大滿貫~~我唔覺而家d人廢左啦~~

Ken Hung

冇錯, 情況如中國的劉翔一樣, 事實是比其他人高一班

mj1234456

Originally posted by cwc_tkd at 2007-9-7 12:30 PM:


任何運動都有渣人, 呢個係一定o既...

咁的而且確任何一個項目都有渣人..

不過咁都唔代表因為費達拿差唔多橫掃成個網球壇

而話其餘所有球員都渣...咁唔係咁fair.....

只可以話費達拿同其他選手實力有一定距離姐....

rite?

shehboy

Originally posted by Shaqleung at 2007-9-7 08:13 PM:
大家都應該有睇過費達拿打架.....佢真...

講得啱, 森柏斯都係靠開波搵飯食, 開波勁而準, 但費達拿就全面好多, 尤其是用波既技術非常到家, 好似做到教材一樣, 唔會一尾靠鋪牛力或者全場走來走去. 欣賞指數較高.
不過總係覺得佢有時鬥志唔係咁明顯, 相對來講, 拿度就時時都鬥志旺盛.

sky308

Originally posted by shehboy at 2007-9-7 10:38 PM:


講得啱, 森柏斯都係靠開波搵飯食,...

費達拿除左球技了得外佢更有一種唔係個個球手都有既心理質素
依點好重要
佢喜惡不易形於色 打得比較平靜
相比拿度就狂熱少少同埋有股不死既決心
但費達拿比較成熟控制到自己
令到犯錯後都可以盡快平復自己既心情繼續打好d

Shaqleung

咁都o岩.....費達拿係呢年我覺得佢鬥心好似無咁強.....偶然一兩個比賽都會有d跌watt,比起佢前兩年最top既時候有d分別.....但係論技術,論心理質素,我始終覺得佢係呢班好出色既後生仔面前,仍然係超哂班!! 當大家諗下點解roddick開波咁好,對住佢無哂符....同埋見到nadal咁勤力係積分榜追一哥,追到傷埋膝頭哥都仲爭二千幾分,就知道費天王呢個位係真係唔到你唔服~

donald15

Originally posted by Shaqleung at 2007-9-8 12:33 AM:
咁都o岩.....費達拿係呢年我覺得佢鬥...

呢一兩年比賽太密啦對佢發揮真係好大影響
費達拿呢種勁法真係可以同jordan、活士呢類拎埋黎一齊講
唔係對手弱係佢跟本天生食呢行飯
上網、開波、抽波角度、頭腦既轉數乜都掂既可謂全能球員
要搵佢既弱點真係得隻反手所以呢個就係點解拿度可以係泥地食到佢既原因
因為拿度左手開波係會向外西去費達拿既反手令到費天王難以招架
要打破到呢個壟斷局面真係無得幾多個我睇好既都係得祖高域呢粒新星
至於拿度應該唔涯得幾多年佢每場波都要跑到隻狗咁極度體力化
依家網球比賽又打得咁密佢咁既打法真係好難長時間都可以保持到咁既成績同狀態
拉開講小小遲d威尼斯人又有新搞作森柏斯大戰費天王應該會幾好睇

處處吻

Originally posted by donald15 at 2007-9-8 02:23 AM:

呢一兩年比賽太密啦對佢發揮真係好大影響
費達拿呢種勁法真係可以同jordan、活士呢類拎埋黎一齊講
唔係對手弱係佢跟本天生食呢行飯
上網、開波、抽波角度、頭腦既轉數乜都掂既可謂全能球員
要搵佢既弱點真係得隻反手所以呢個就係點解拿度可以係泥地食到佢既原因
因為拿度左手開波係會向外西去費達拿既反手令到費天王難以招架
要打破到呢個壟斷局面真係無得幾多個我睇好既都係得祖高域呢粒新星
至於拿度應該唔涯得幾多年佢每場波都要跑到隻狗咁極度體力化
依家網球比賽又打得咁密佢咁既打法真係好難長時間都可以保持到咁既成績同狀態
拉開講小小遲d威尼斯人又有新搞作森柏斯大戰費天王應該會幾好睇

場波已經賣哂飛

費達拿最可怕係心理質素, 處變不驚, 冷靜到可怕!!!

donald15

Originally posted by 處處吻 at 2007-9-9 06:32 AM:


場波已經賣哂飛

費達拿最可怕係心理質素, 處變不驚, 冷靜到可怕!!!

不過唯一佢係忍唔住既係係法網對拿度
對上o個介先贏局6:1跟住又輸番6:1之後就按奈不住爆發左出黎
今年既法網就好左d冇咁爆但係都睇得出好有火
始終法網係佢最想要既對住拿度爆晒出黎都無人怪佢囉