abc123aa

Originally posted by bbsex at 2005-7-5 12:15 PM:


其實小弟也希望他能留隊！ 但恐怕他06年續約後才想離隊，到時未必「有市」！

咁又係......但係佢自己唔想都冇辦法= ="

bbsex

不過話說回頭，拜仁失去波歷克 與 利記失去謝拉特 都可以對球隊有「災難性」的影響 ... ... 甚至對國家隊也有影響

abc123aa

Originally posted by bbsex at 2005-7-5 12:25 PM:
不過話說回頭，拜仁失去波歷克 與 利記失去謝拉特 都可以對球隊有「災難性」的影響 ... ... 甚至對國家隊也有影響

對,如果波歷克真係出國的話對德國隊一定有影響,因為出到去未必有一定既正選打,狀態又未必可以維持到~

abcde1918

Originally posted by abc123aa at 2005-7-5 12:26 PM:

對,如果波歷克真係出國的話對德國隊一定有影響,因為出到去未必有一定既正選打,狀態又未必可以維持到~

我都係咁唸

bbsex

若果德國想在06世界盃有作為的話，那便要向拜仁及波歷克「落下嘴頭」！

眼見洲際國家盃整支國家隊要靠他支撐 ... ... 重要性不容置疑！

MaxFigo

要佢屈就係水平較低ge德甲
只會影響佢ge進步 @@

支持佢加盟祖雲達斯 ^^

佢ge踢法好適合去意甲同英超

bbsex

Originally posted by MaxFigo at 2005-7-5 01:39 PM:
要佢屈就係水平較低ge德甲
只會影響佢ge進步 @@

支持佢加盟祖雲達斯 ^^

佢ge踢法好適合去意甲同英超

如果波歷克真的要離隊，小弟覺得他去意甲比較合適！

坦白說，波歷克的腳下功夫並不是十分出色，英超的節奏比較急速及緊迫，可能會影響到他的發揮。 如果有多點控球空間，他的長傳及後上攻擊可以發揮得更好，而意甲則提供這種空間！

shaqkobe

出去闖下啦！唔通成世留係德國咩？

bbsex

Originally posted by shaqkobe at 2005-7-5 04:38 PM:
出去闖下啦！唔通成世留係德國咩？

其實 版主shaqkobe兄 的意見，正好指出現今德甲的情況(問題？)！

回顧以往「德國三劍俠」年代，大多數德國主力均在國外「搵食」：馬圖斯、奇連士文、布林美、禾拉、高拿、希士拿、伊拿、慕拿、路達等；及後有森馬、艾芬保、巴布、薜基、禾恩斯、列度、比亞荷夫、夏文、列文等。

但綜觀新一代的「當打」國腳中，大多數是效力本土球會，看看洲際國家盃德國在其中一場分組賽排出的中場線：舒韋恩史迪加、芬寧斯、波歷克及迪斯拿全都是拜仁的球員。 到底是因為他們的水準未及至往海外頂級聯賽及球會效力，令他們只被本地班霸看中？ 還是留效本地球會有很多好處？ 仰或本地球會可確保他們的出場次數？

正如 版主shaqkobe兄 所言，出外闖闖確實能提升球員的質素，所以小弟十分希望德國的年輕一代有多點出外的機會，如舒韋恩史迪加、侯夫、希斯貝加、梅迪薩卡、拿姆、古蘭爾等。 這樣肯定對德國足球水平有所正面影響：一來因為他們還年輕，有時間讓他們到外地鍛練；二來本地球會重視青訓和重用本土年青球員，希望他日便可成為骨幹球員或以高價出售，以取締用外援填補球隊空缺等效應。

至於正處於「當打」年齡的球員如波歷克，到國外「搵食」的出場機會到底有多少會直接影響球員狀態的保持，尤其06年世界盃便會在自己的家鄉舉行，實在不可以重演小組出局的醜事。

所以作為球迷的小弟(或許球員本身自己也這樣想)，情況確實很兩難 … …

shaqkobe

Originally posted by bbsex at 2005-7-5 17:11:


其實 版主shaqkobe兄 的意見，正...

非常出色既發言。+2