kakeidevil

碧咸唔做劊子手免出洋相

碧咸被譽為死球專家，但射十二碼就多次出洋相。英傳媒最近就爆料指，碧咸已私底下決定唔再主射十二碼，操刀重任交到林柏特身上。碧咸在兩年前的歐國杯外圍賽對土耳其時一射衝天，去年在歐國杯決賽周又兩度宴客，此後碧咸已再沒有主射過十二碼。


林柏特取代碧咸射12碼

英國傳媒近日報道，英格蘭國家隊隊長碧咸已決定放棄充當12碼「劊子手」，車路士中場林柏特將在今後代表英格蘭國家隊的賽事中肩負主射12碼重任。

碧咸認為，將主射12碼重任交給林柏特是符合全隊利益的決定。事實上，碧咸主射12碼的紀錄並不出色，八球中只曾射入五球，其中在去年歐洲國家盃對法國與葡萄牙兩役分別射失12碼，而在之前的歐洲國家盃外圍賽作客土耳其一役亦曾在12碼「宴客」。當地傳媒指出，碧咸在去年歐洲國家盃結束後，已與林柏特達成協議，將由後者負責為國家隊主罰「極刑」。林柏特是車路士隊中的12碼「劊子手」，主射紀錄良好，在得知碧咸的建議後，林柏特一口答應在國家隊接過此重任。

在另一邊廂，英格蘭領隊艾歷臣對林柏特的主射12碼技術十分認同，最終同意此安排。在碧咸擔任英格蘭國家隊12碼「劊子手」的賽事中，於02年世界盃分組賽英格蘭對阿根廷一役，為英格蘭射入12碼，協助球隊以1：0贏波，此入球至今仍為不少球迷津津樂道。

kakeidevil

朗尼對朋友唔話得

朗尼一向畀人感覺係壞孩子，撩是鬥非、召妓講粗口，直頭無惡不作；但原來佢對朋友一都唔差，仲要係車路士林柏特同泰利。佢三個係國家隊隊友，球會比賽時就打生打死，但私底下就不知幾老友，近日林柏特同泰利在曼徹斯特為英格蘭操練後到市內shopping，朗尼就做東道主，帶佢兩個買衫。據聞林、泰二人當日買成個鐘，朗尼就全程陪足佢，呢個朋友真係唔話得。


朗尼充當導遊帶隊友購物

英格蘭球員深懂忙偷閒道理，朗尼、林柏特和泰利三人日前就在休息時間前往購物。由於比賽在奧脫福球場舉行，曼聯前鋒朗尼亦充當導遊，帶領兩位師兄到一間男士服裝專賣店掃貨，可見球員平日在聯賽雖然打生打死，一到國家隊始終都係自己人。

kakeidevil

朴智星中村爭逐亞足先生

亞洲足協昨天公布本年度亞洲足球先生的10名候選人，中村俊輔順利入選，今季轉投曼聯的朴智星與去年得主卡里米亦榜上有名，但在8月贏得東亞盃的中國隊卻無一入圍。預計今屆將是中村俊與朴智星之爭。

卡里米「莊」遇勁敵

雖然中村俊輔去季只效力意甲小球會里賈納，無緣亮相歐洲賽事，但於聯賽卻有不俗演出﹔而他今季改投些路迪後，里賈納立即屢戰屢敗屈居榜末，足證其影響力。不過他「爭分」的主要來源是國際賽，尤其是6月的洲際國家盃，他為日本隊射破巴西大門的入球，可謂技驚四座。

至於去季助燕豪芬躋身歐聯4強的「南韓雙子星」朴智星與李榮杓，都有機會問鼎今年亞洲足球先生寶座。當中以朴智星勝望較濃，因為他在歐聯4強將AC米蘭後防玩弄於股掌之上，今季加盟曼聯後亦有穩定發揮。雖然伊朗的卡里米今季投效德甲班霸拜仁慕尼黑後也能長居正選，但全年平均表現相對上不夠突出。

亞洲足協將於下月14日公布最後3強名單，然後於30日舉行頒獎禮。

kakeidevil

人怕出名豬怕肥
費格遜申請註冊被拒

尋日我講過莫連奴將自己個名註冊做商標，估唔到仲有下文，英國傳媒左問右問，又畀佢搵到原來「紅魔鬼」領隊費格遜亦曾經同莫連奴一樣，試過向版權署申請將自己個名做專利，每逢出現於海報上就要收錢，不過就因為佢已經大紅大紫太出名，所以申請已經被拒絕。

當地傳媒報道，費格遜眼見自己個名不斷於海報及貼紙上出現，覺得自己的版權被侵犯，故此向有關方面申請商標，總之有人貼出來或用就要收錢，不過就因為他太出名，所以版權署的委任法官拒絕他的申請。

該名法官表示，一般公眾認為他們擁有的海報等，名字權等已經由發行商或製造商傾妥，唔會考慮到版權問題，如果貿然讓費格遜收錢，一定會損害公眾利益。

祖高爾未出名前註冊

在英國，沒有一位名人能夠完全保障自己的名字不於海報上出現。之前車路士中場祖高爾曾經成功取得名字權，但他申請時並未出名，所以申請成功。

不過，費格遜的另外一些申請，包括保障自己的名字不在產品出現，如時裝及紀念硬幣等，則獲得通過。

kakeidevil

拜仁失去耐性畀10日波歷克考慮

波歷克拜仁張約季尾就會屆滿，但呢個德國隊長遲遲都唔肯續新約，已經令拜仁失去耐性。拜仁真係好鬼有性格，雖然波歷克係球隊靈魂，但講到要大幅加薪，就天王都冇面畀。會方講到明，未來十日會同波歷克作最後一次磋商，佢一定要作出抉擇，留定唔留都要講得清清楚楚。但波歷克皇帝女唔憂嫁，曼聯、皇馬都吼實佢，絕對係大把世界，如果覺得條件唔啱，可以選擇離隊，唔憂冇班落。




---------------------------------------------
過黎mu la,唔使唸

kakeidevil

起級經典
99年歐冠杯決賽 - 曼聯 vs 拜仁慕尼黑 [粵語]

iknow

Originally posted by kakeidevil at 2005-10-8 07:53 PM:
起級經典
99年歐冠杯決賽 - 曼聯 vs 拜仁慕尼黑 [粵語]

係咪BT黎ga??如果係,有冇唔係BT ar!?我冇BT呢==

kakeidevil

Originally posted by iknow at 2005-10-8 08:12 PM:

係咪BT黎ga??如果係,有冇唔係BT ar!?我冇BT呢==

咁欣賞一下入球片段
1999年歐冠杯決賽舒寧咸補時的救世入球
1999年歐冠杯決賽蘇斯克查的致命入球
1999年歐冠杯決賽蘇斯克查的致命入球+捧杯片段

abcde1918

Originally posted by kakeidevil at 2005-10-8 08:39 PM:




咁欣賞一下入球片段
...

多謝

wer

Originally posted by kakeidevil at 2005-10-8 15:21:
碧咸不會主射...

見到都怕怕