|
- 帖子
- 40777
- 精華
- 5
- 威望
- 18931
- 魅力
- 1745
- 讚好
- 0
|
25020#
發表於 2006-9-8 08:39 AM
| 只看該作者
Originally posted by Rated-R at 2006-9-7 22:43:
開心,我想,但呢度冇一個器械用得著我呢件佩件,咁我unhappy又點制做happy?????
我仲乜要冇報籌去同你地擋災
咁耐以嚟，你撫心自問，我有無一句話過你錯？
你錯，係因為每一件配件都有佢嘅存在意義，無分大細！
先唔好講我地，起碼我呢件組件之一，從來都無話過你呢件配件用唔著！
你係一件屬於右臂嘅螺絲，點解一定要去同左腳嘅螺絲對撼！？
唔服氣嗎？對唔住，事實就係咁；就等於嗰粒左腳嘅螺絲夾硬嚟右臂都一定會慘淡收場一樣......呢一點，我肯定！
至於擋災，你更錯！從來你地犯錯只會認為係你地自己負責；但係一句"佢係你[港男]嘅人"已經令我受盡冷嘲熱諷、明責暗貶；喺你面前，我從來無呻過一句，只係想你唔好再踩過界，但你嘅所謂堅持、佢地嘅所謂原則，永遠都令我處於兩難局面你又知唔知？
我唔出聲唔係扮偉大，我只係想每一個人材、每一件配件可以留喺度無憂無慮盡展所長；你串，唔緊要，有料就繼續串，我多多都受；喺我眼中，每一個人都可以好有性格，好事嚟吖，我唔係一個叻人，但我擁有好多叻人，因為我重視一樣嘢：團隊精神。
以版主為例，版主喺論壇入面功用係乜？喺我個人而言就係令氣氛向上推，吸引更多會員加入，協助/管理論壇令運作更暢順，令論壇口碑更好更為人認識。
版主需要做乜？加分？刪帖？改帖？留意會員舉動？通通都唔係！版主係要用嚟吸引同影響會員，加强佢地嘅"向心力"；而且版主更加係代表admin、代表論壇，向會員發放正面訊息嘅媒介。
其實，"權力"並唔係版主嘅本錢，"影響力"先係版主嘅才能；知識豐富亦唔係版主必須、包容同客觀先係版主先決。
我只係一個小小[港男俱樂部]執行版主，對唔住，我無資格去管去理其他區運作；不過，我好肯定咁向你保證：你又好、其他人都好，入得嚟[港男俱樂部]，我就視你為至寶！原因好簡單：無你地一班會員協助、支持，有十萬個版主又有乜用？
希望你了解我立場，陪我地繼續去令[港男]更發光、更發亮！ |
|
發表於 2006-9-8 04:22 AM
| 
6 
book咗影相嗜
