呀倫

最鐘意國米..由細到大..開頭因為朗拿度 最憎車仔=.=哂有錢

ThomasKoon

捧︰only曼聯﹐由n年前鍾意一刻開始﹐已經覺得佢哋打得好進取﹐進攻瓣數又多﹐打到對手防不勝防﹐勁﹗另外都幾鍾意祖記﹐有迪比細路﹐覺得佢射罰球好勁。

最唔鍾意︰皇馬、車仔﹐唔方便講。

奇

最like曼聯,巴塞
曼聯由簡東拿時期開始,果時4條A勁爆
巴塞就上年先開始,都係因為細哨和沙維

leungman

最鍾意就係車仔同埋巴賽。其實我係Zola年代果陣開始鍾意車仔，因為有Zola囉。果陣成班波都年齡偏大，但係都可以踢到頭三甲(1999年)。之後車仔窮到褲都冇果陣我真係勁鍾意喇，成隊波真係靠Zola古莊臣哈索果陣真係幾型，又入前四。到依家D人成日都話憎車仔係咁買球星，狂使錢。我就唔明喇，你有錢果陣會唔會同冇錢果陣一樣用咁多錢先？有錢就緊係用得多少少嫁喇。
唔鐘意祖記！！！！！！

Kian76

Originally posted by leungman at 2006-4-4 12:24 AM:
最鍾意就係車仔同埋巴賽。其實我係Zol...

認同，最憎d人憎人富貴厭人貧。

abc123aa

Originally posted by Kian76 at 2006-4-4 12:36 AM:


認同，最憎d人憎人富貴厭人貧。

我都係~特別係某d隊既球迷,成日攞呢d野出黎講,自己支持果隊波又唔係未試過搵幾多千萬買球員喎,多餘到極

Kian76

Originally posted by abc123aa at 2006-4-4 12:39 AM:

我都係~特別係某d隊既球迷,成日攞呢d野出黎講,自己支持果隊波又唔係未試過搵幾多千萬買球員喎,多餘到極

係，真係煩到極點！！！人地車路士身家過百億鎊，每年只係用二、三千萬黎擴軍，己經算係非常慳家架喇！！！係咁唔扺得人地既，就怪自己既會長無能唔夠人地多錢。同埋怪自己冇錢幫唔倒球會。

abc123aa

Originally posted by Kian76 at 2006-4-4 12:50 AM:


係，真係煩到極點！！！人地車路...

咪係~
而且車仔既球員又唔係特別茅,球品亦都唔差,而且又唔係冇成績支持,我真係諗唔到一個理由佢地要比世人所插,而其他既球隊就唔洗比人插

Kian76

Originally posted by abc123aa at 2006-4-4 01:32 AM:

咪係~
而且車仔既球員又唔...

有理由，就係永遠天才係被庸才所排濟，突出的成績與實力，難免引起一大堆蛇鼠走出黎賴地硬，發窮惡。

李家誠俾人一日鬧到黑，而家車路士都係咁，胡禮插一次水俾人化大十萬次插水，C.朗插十次水都冇人會記得，杜奧巴手球就係世紀賤人(雖然我都好憎佢)，馬勒當拿手球就係球王中既球王，基士文失準就永不超生，科蘭、施斯、摩連迪斯、科拿失準就情有可原等等不公平的對待。都仲末計摩連奴既口術就賤咀，費格遜既口術就老路蹤橫，雲格既口術更可能冇人當係一回事。

abc123aa

Originally posted by Kian76 at 2006-4-4 01:55 AM:


有理由，就係永遠天才係被庸才所...

哈哈,笠臣係咁「f字頭」摩連奴就冇人提起,摩連奴講野寸d就係咁比人插,呢個咩世界黎嫁
雲保美插水又唔見有人提起.........