stereo

Originally posted by alantai at 2006-7-6 05:29 PM:
轉貼:<蘋果波網>被 傳 媒 捧 上 天
我 們 那 些 所 謂 超 級 球 星 在 世 界 舞 台 上 表 現 如 此 不 濟 ， 英 超 聯 又 怎 能 稱 為 當 今 最 偉 大 聯 賽 呢 ？ 自 1950 年 首 次 參 賽 以 來 ， 英 格 蘭 只 能 1 次 奪 冠 和 1 次 殿 軍 ， 她 配 稱 為 足 球 強 國 嗎 ？ 對 此 ， 英 國 傳 媒 也 要 負 上 責 任 ， 他 們 不 應 把 這 班 球 員 吹 捧 得 好 像 天 下 無 敵 一 樣 。

[color=Blu...

小弟只認同依點，那記者的其他觀點小弟不太苟同。

stereo

其實仲有一樣野想講，同英國傳媒都有小小關係。

之前朗尼責怪C.朗拿度單野唔知係英國傳媒作野定真有其事，每日打開報紙幾乎都係朗尼係到鬧，有關佢自我檢討既言論就真係小之有小。小弟感覺朗尼似乎想張英格蘭出局既責任推係C.朗拿度身上咁，期望令英格蘭人張憤恨轉移視線；使自己得以脫身。

就此事看來，令小弟最擔心的是英國傳媒同球迷在此事一直偏坦與維護朗尼，恐怕會令此子日後事非不分、自我膨漲同時球品日漸轉壞，最終步上當年加斯居尼或哥利摩亞後塵。

其實人誰無過，只要朗尼肯認錯與自我檢討、改掉惡習，以佢既技術與絕佳的身體質素；將來一定成為英球壇既代表人物。

王晶

朗尼 同 加斯衰肥 真係有幾分相似

Tokyo2040

Originally posted by slwong3 at 2006-7-7 05:33:
I think the England coach has the biggest reponsibility of losing the match........

look at that stupid Walcott....

絕對同意呀.  英格蘭隊嘅球員, 就算唔係頂級, 都算係唔錯, 睇吓佢地喺自己球會嘅表現就知.  擁有一班有質數嘅球員, 但球隊嘅表現唔理想, 領隊肯定要附上大部份嘅責任.

liverster

Originally posted by stereo at 2006-7-7 02:18 PM:
其實仲有一樣野想講，同英國傳媒都有...

絕對同意你的說法.

HansChan

Originally posted by cfccfcc at 2006-7-6 07:10 PM:
我覺得最唔應該講的係十二碼輸係因為球員心理質素有問題
呢睇0下england射的全部都中框,只不過是被龍門救出
我覺得唔關心理質素事

若射十二碼係"只求中框"既一門學問......
那可簡單得多了!!
你可以睇返德國班球員射既十二碼係既甘有水準!有角度同勁度!捉到路,甚至撲到都入!
你可以話Ricardo好嘢...球球捉到路...但你可以睇返夏拉維斯射嗰球..略有角度同勁度係一樣入的!(施丹你又話佢勁過龍,但佢對住同一個龍門,一樣係捉到路,一樣入,哩啲咪十二碼既質數囉!!)...反觀英格蘭其餘既球員...冇乜勁度..角度就只係唔係向住中間射甘解...基本上除咗龍門捉錯路可以入到之外,都冇乜機會入...相對啲有質數,龍門捉到路,甚至撲到都入既十二碼...英格蘭班友完全係冇質數可言!佢哋要贏除咗靠運之外,根本冇任何資格可以講贏!!所以我覺得篇報導好岩聽!! 不過我亦明白做fans既係要盲目啲既!!

HansChan

Originally posted by iknow at 2006-7-6 07:48 PM:
佢地好攰ga...成季英超咁樣踢法,連林...

正如阿叔嗰句"你受唔到壓力,唔好學人做球證!"

"班友受唔起英超既賽事,唔好學人踼國際賽!"

加斯居里,恩斯,甚至笠臣年代既英格蘭有幾掂(近十多年來)人人都有目共睹!!
睇咗英格蘭甘多年..係自98年打後我就唔鍾意睇英格蘭踼國際賽.......真係除咗有球星外, 悶到呢......
睇返以前有加斯居里嗰時, 再睇返而家既英格蘭.....真係差天共地......(不過加斯居里條友又自甘墮落.......唉....嘥晒!)

以前英格蘭啲球星有名有實.....而家就真係名大於實......以前嗰啲真係全情投入踼波既....而家??碧咸哩啲去拍戲啦,唔好踼波喇!(佢老婆真係害死佢o架喎!!)....

自荷杜之後, 就真係冇一個領隊帶得起英格蘭.....遲啲仲話由麥卡倫接手.......咪仲死多幾錢!! 佢之前試過做代領隊一段短時間啦......好似零比零多過乜........個別球星可能好有技術...但响而家既國家隊........嘥氣啦!

[ Last edited by HansChan on 2006-7-8 at 02:34 PM ]

HansChan

講開又講.....朗尼哩條友真係.....自己衰仲有資格話人咩??
佢唔係甘狼踏人賓周,又邊會出場??佢有乜資格話人挑釁或落井下石??
雖然我對C朗拿度都冇乜好感, 但成件事係朗尼自己衰之嘛!!
佢唔犯甘嚴重既規,又點俾機會對手落井下石,煮重佢米呢??
佢而家重大大聲話人唔岩......挑!!
反觀碧咸响98年嗰時既事後表現就可取好多!!當年佢真係一句話都冇講任人插......
唉......英格蘭真係成班少爺兵.....郁啲就沉唔住氣!

[ Last edited by HansChan on 2006-7-8 at 02:36 PM ]

Lyon

Originally posted by HansChan at 2006-7-8 02:28 PM:
講開又講.....朗尼哩條友真係.....自...

朗尼呢d咪 = 強姦犯賴證人告發佢, 攪到佢要坐監喎. 如果冇 c朗佢咪冇事囉.
唉..............都係個證人唔啱.

net169

你唔犯規,誰人可過你一棟呢???