elvisfong2003

快d叫你個朋友比個結局你啦

手田水

~愛~9  
~愛~

作者﹕Didi

<第九回>

(o係班房)

軒﹕果班女仔有冇洽妳ar?

Toby﹕冇ar! (挨落軒仔度)有都唔駛怕la! 有你o係我身邊!

軒﹕(輕輕摸摸佢個頭)妳記住要小心D ar!

輝﹕好心你地一朝早唔好做埋D咁ge動作la!

Toby﹕咩動作ar!!\_/

軒﹕你唔抵得ar?

輝﹕你好野la! 有左女就唔理個fd!

軒﹕原來係呷醋!

輝﹕你唔好講到我好似個基佬同人爭仔咁la!

軒﹕得la! 我有異性時都有人性! 好未?

輝﹕算你la!

Toby﹕hehe! 所以我話軒仔係最好ge! (阿輝見到佢地咁親密又有D唔開心)

(之後, Vivian去左搵軒仔, 佢地o係花園坐)

軒﹕做咩無端端搵我?

Vivian﹕傾下計之ma! 近排點ar?

軒﹕ok la! so far so gd la!

Vivian﹕識左好多新朋友la?

軒﹕算係掛.......(心諗﹕好似得阿輝一個......~.~)

Vivian﹕仲識左新女朋友添! (軒仔面紅)

Vivian﹕我見你都開心左好多la! 要開心D ar! 我知Toby係鍾意開心ge軒仔ga!

佢知道我拍拖之後, 一D都唔在乎...........究竟我o係佢心目中ge地位有幾高呢? 我都知係好低ga喇.........不過唔關我事ya........o係Toby心目中地位高咪得lor~

(放學之後, Vivian都o係呢個時候收工, 軒仔見到Zigzag開車o黎接佢)

係喇........佢有男朋友個喎.........佢地都好愛對方..........所以我更加唔應該再在意佢ge諗法.........佢心裡面得佢男朋友.........我唔可以破壞.........不過我都唔會破壞la! 我同佢又冇關係! 我都有女朋友la!

Toby﹕(走埋o黎)軒仔~!! 做咩唔等我ar?

軒﹕我......其實等緊妳ga! (跟住佢地見到阿輝o係隔離粒聲唔出咁行過)

Toby﹕阿輝做咩ar?

軒﹕唔知ar.....佢呢幾日好似都係咁........佢今朝仲叫我理佢個喎......而家佢又唔理我..........

(o係Zigzag車裡面)

Zigzag﹕記唔記得今日係咩日子ar?

Vivian﹕梗記得la! 拍拖紀念日ya ma!

Zigzag﹕抵我送咁大禮俾妳!

Vivian﹕你送咩大禮俾我ar?

Zigzag﹕返到去先講la!

(之後去到Zigzag屋企, 點晒洋燭咁好好氣氛)

Zigzag﹕Vivian! 妳睇下! (拎出一個戒指盒, 打開之後係一隻鑽石戒指)

Vivian﹕嘩! 好靚ar! 不過呢隻唔會係.........

Zigzag﹕妳放心la, 我唔係求婚, 當呢隻訂婚戒指o者! 其實我地都係時候結婚la!

Vivian﹕咁快做咩o者? 而家先23歲, 仲有ar, 我點知你係咪就係我要搵ge人ar?

Zigzag﹕妳唔信我??

Vivian﹕呃你咋!!

Zigzag﹕係喎, 我送左野lor喎, 妳有冇野送ar?

Vivian﹕就送你香吻一個la! (錫左Zigzag塊面一啖)

Zigzag﹕.........Vivian, 你愛唔愛我ar?

Vivian﹕做咩又問ga? 梗係愛la!

Zigzag﹕妳係咪呢一生一世都會跟住我ga喇?

Vivian﹕唔~睇下點la~

Zigzag﹕嘩~答得咁唔肯定ga~

Vivian﹕總之我而家最愛就係你la!

Zigzag﹕冇第二個?

Vivian﹕冇第二個喇! Zigzag, 你做咩ar?

Zigzag﹕問下o者........

Vivian﹕...........Zigzag...........你懷疑我ar?

Zigzag﹕(心虛)邊........邊有ar??

Vivian﹕你唔係咁都懷疑我ar?

Zigzag﹕我冇ar! 我對妳係最有信心ga!

Vivian﹕真ge?

Zigzag﹕(堅定)嗯!

Vivian﹕咁我送多幾個香吻俾你la! (係咁錫Zigzag)

Zigzag﹕嘩! 咁正ar...........

(夜晚, Vivian訓緊覺, 夢見佢同軒仔o係度kiss緊! o係就快kiss到果陣, Vivian就扎醒左)

Vivian﹕點解會發埋D咁ge夢ga??

~待續~

手田水

~愛~10  
~愛~

作者﹕Didi

<第十回>

(Vivian返到學校, o係度諗緊尋晚個夢, 之後佢見到軒仔同Toby一齊返學)

Vivian﹕(心諗)我又有男朋友, 佢又有女朋友, 點解我仲會發埋D咁ge夢ga?

(之後Toby去開locker時, 發現locker裡面D野亂晒)

Toby﹕軒仔你睇下! 佢地又o黎喇!

軒﹕有冇搞錯ar!

Toby﹕點算ar!

軒﹕我去搵佢地! (之後佢地返左班房搵果班女仔)

軒﹕喂!

女1﹕軒軒軒軒軒......軒仔??

軒﹕係咪妳地做ga?

女2﹕咩.......咩ar?

軒﹕唔好扮唔知ar! (班女仔靜左一陣)

女1﹕咁我地都係睇唔過眼之ma! 你唔係唔知我地對你有咩意思o格!

軒﹕你地咁做都冇用個喎! 我唔會鍾意你地個喎!

女1﹕咁我地嬲ya ma!

軒﹕妳地咁我會好憎妳地ga! 妳地係咪想咁樣ar? (班女仔冇出聲)

軒﹕唔該你地唔好再做呢D無聊野喇! 我點都係鍾意Toby ga喇!

冇錯! 我點都係鍾意Toby ga喇! Toby咁可愛, 我點捨得鍾意第二個?

(阿輝聽到又唔開心喇=.=)

(呢個時候, Vivian入左班房, 佢都聽到ar)

Vivian﹕好喇, 上堂喇, 全部返埋位! (跟住D人就返晒埋位)

(Vivian又不自覺咁望住軒仔)

(小息果時, Vivian又去搵軒仔, 又去左花園^^" )

軒﹕又傾計ar?^^"

Vivian﹕傾計唔好咩?

軒﹕咁好la~

Vivian﹕軒仔, 你係咪好鍾意Toby?

軒﹕係ar。

Vivian﹕記住對人好D, 唔好三心兩意ar!

軒﹕.........哦............

佢做咩無端端同我講D咁ge野? 唔通佢發現左............點會ar? 我都冇野俾佢發現la! 跟住
佢又會講咩ar......會做咩ar.........唔知點解........我唔想聽ar.......都係快D閃人!

軒﹕(緊張)我.......我要去廁所........(想乘機走人ge時候, 唔小心kick到, 仆左落Vivian
度, 搞到Vivian都跌低埋, 佢地仲差D kiss到! 呢個時候, o係D矮樹叢裡面有D野閃左一下)

(之後佢地好緊張咁縮開)

軒﹕(緊張)Sorry ar! Sorry ar!! (Vivian都緊張到出唔到聲)

軒﹕...........係喎..........我頭先好似見到果邊有D野閃左一下!

Vivian﹕(緊張)唔.......唔通有人影相??

軒﹕唔係ar ma?? 我去睇下! (追過去, 但突然又停低).......係喇, 我地要當咩事都冇發生過
喎!

Vivian﹕咁梗係la! (之後軒仔就走左去)

Vivian﹕(望住軒仔, 嘆左一口氣)差D夢境成真..........

點解我會咁唔小心ga? 點解我會kick親ga? 又邊個咁衰ar? 佢影左幅相用o黎做咩ar? 好亂ar個腦..........不過.......頭先果種感覺........點解會有D.......興奮?? 佢冇理由令我興奮個喎........點解會咁ga.........呀.......好亂ar.............

(軒仔跑過去, 但一個人都冇, 之後佢返左班房)

軒﹕阿輝!

輝﹕唔?

軒﹕知唔知今日邊個有帶相機?

輝﹕.........唔知ar...........你問o黎做乜? (軒仔細細聲同阿輝講)

輝﹕(大聲)唔係ar??

軒﹕殊!

輝﹕不過我真係唔知喎!

軒﹕如果俾我知道係邊個做ge.......

輝﹕(緊張)就點ar??

軒﹕知道左先算la!

輝﹕........嗯............

(Vivian放工果時, Zigzag又開車o黎接佢, 軒仔同Toby都o係呢個時候放學, Vivian同軒仔見到對方果時, 都即刻低頭行過, Zigzag見到)

(Vivian上左Zigzag車, 但Zigzag冇開車)

Zigzag﹕Vivian! 妳愛我ga可?

Vivian﹕係ar, 你問第三次喇喎! 做咩ar?

Zigzag﹕咁我地結婚la!

Vivian﹕o下??

~待續~

elvisfong2003

Vivian會唔會答應佢呢

手田水

~愛~11  
~愛~

作者﹕Didi

<第十一回>

Vivian﹕點解ar? 我話過唔想咁快結婚個喎!

Zigzag﹕我地遲早都結婚ga la!

Vivian﹕唔......唔講呢D住ar! 開車先la!

Zigzag﹕哦! (之後佢車左Vivian去教堂)

Vivian﹕你車我o黎呢度做咩ar?

Zigzag﹕Vivian ar, 我ge願望就係同妳o係呢度舉行婚禮, 唔駛太豪華, 唔駛太隆重, 只要可以同妳開開心心咁過生活, 可以照顧到妳就好ga喇! 呢個係我ge願望o黎ga! 妳睇下妳隻戒指! (拎起Vivian ge左手)妳將隻戒指戴o係妳左手無名指上面, 即係話妳都希望佢可以成為結婚戒指la? 咁妳可唔可以提早將佢變成結婚戒指呢?

Vivian﹕...........唔............

Zigzag﹕我地父母都讚成我地結婚o格! 點解唔聽佢地老人家話? 妳放心嫁俾我la! 我一定會好好照顧妳ga!

Vivian﹕..........咁樣..........(之後Zigzag就抬起Vivian個頭, 深情咁kiss落去, Vivian都感受到呢份愛)

(之後o係學校, Vivian教緊書)

Vivian﹕今日就教到呢度, 返去做Ex.6 ge單數題目。(跟住D學生就o係筆記薄上面寫低要做ge功
課)

Vivian﹕我仲有野宣佈喎!

男同學A﹕(緊張)做咩ar Miss? 唔係要加碼ar??

Vivian﹕唔係, 我想講.......我下個月結婚喇!

全班﹕Wow~(軒仔聽到之後, 成個呆晒)

Vivian﹕我想請你地做花仔花女ar!

男同學B﹕咁咪要俾禮金?

Vivian﹕(笑)你地肯o黎就得ga喇!

全班(除左軒仔)﹕我要去!! 我要去!!

佢結婚我應該開心個喎! 但我反而唔開心........仲即刻全身軟晒........點解會咁? 我已經有Toby喇............我無理由仲在乎佢o格.........唔通我又唔舒服??

(放學後[好快!!^^"], Toby攬住軒仔ge手臂一齊行)

Toby﹕軒仔ar, 你去唔去Miss Yau ge婚禮ar?

軒﹕唔去ar!

Toby﹕點解ar? 咁開心........

軒﹕我.......我見唔慣大場面ar!

Toby﹕咁好la! 你唔去我都唔去! 希望Miss Yau唔會嬲la~

軒﹕佢唔似咁小器掛?

Toby﹕咁又係~

Toby對我咁好, 我應該專一D, 我希望可以同Toby至少維持到一個月........一個月又太少喇! 點都好la, 總之我心裡面淨係得Toby o者!!

(一個月後[仲快!!^^"], o係教堂, 佢地交換完戒指, 又kiss左, 跟住出左去影相)

Vivian﹕阿輝, 點解唔見軒仔ge?

輝﹕佢話佢見唔慣大場面喎, 所以唔o黎。

Vivian﹕咁Toby呢?

輝﹕軒仔唔o黎所以佢都唔o黎喎。

Vivian﹕恩愛成咁ar, 唔知佢地幾時會好似我地咁呢?

輝﹕(唔開心)..............

(之後Vivian掟花球, 在場所有女性都爭住搶^^)

(Vivian見到阿輝好似唔多開心)

Vivian﹕阿輝, 我結婚你做咩咁唔開心ar?

輝﹕唔係ar...............

Vivian﹕做咩o者? 有咩事可以同我講個喎!

輝﹕........即係呢........我有個朋友.......朋友咋...........佢鍾意果個人同佢最好ge朋友拍緊拖........咁我.......佢應該點呢?

Vivian﹕唔........俾我我就會放棄鍾意果個人lor..........

輝﹕但係佢好鍾意佢個喎..........

Vivian﹕呢個世界唔係淨係得一個人可以揀ga ma! 而且果個係佢好朋友, 咁就更加唔應該出賣佢
lor! 呢D係我ge意見o者!

輝﹕咁又係..........我都覺得佢唔應該出賣佢朋友..........咁樣好衰仔ga可?

Vivian﹕係ga!

Zigzag﹕老婆~我地去酒店喇~

Vivian﹕知喇老公~(拍拍阿輝膊頭)好喇! 唔好咁擔心喇! 去酒店喇!

輝﹕............

~待續~

elvisfong2003

估唔到會結婚

手田水

~愛~12  
~愛~

作者﹕Didi

<第十二回>

(之後, Vivian同Zigzag去渡蜜月, 佢D朋友同學生去晒機場送機)

女同學A﹕Mrs Yip!

Vivian﹕唔好咁叫la! 叫到我老晒! 叫返Miss Yau la!

女同學A﹕知喇Miss Yau, 妳記住買手信俾我地ar!

Vivian﹕你班衰野淨係掛住呢樣野!

女同學B﹕Miss Yau! 我好唔捨得妳ar!

Vivian﹕咁就差唔多! 我好快返o黎ga喇! 你地記住要聽老師話ar! 要交齊功課ar!

(軒仔都o係果度, 但佢一個人行左去第二度)

Toby﹕(走埋o黎)軒仔! 你做咩ar? 你唔同Miss Yau講返幾句?

軒﹕唔喇! 同佢唔係好熟咋!

Toby﹕你好似唔多鍾意佢咁ge?

軒﹕因為我淨係掛住妳。(跟住Toby就好開心咁挨落軒仔膊頭度, 阿輝見到有D嬲)

(Vivian走果時, 見到軒仔冇同自己揮手, 有D唔開心)

(佢地送完機之後, 軒仔同Toby一齊走, 阿輝o係側邊行過)

Toby﹕阿輝! 你同唔同我地一齊去食野ar?

輝﹕.....o下? 哦.........

Toby﹕係lor! 唔好成日一個人好似好悶咁la!

阿輝今日好似都唔多開心..........唔通佢又鍾意Miss Yau........唔會掛? 咦.......我做咩
加個「又」字ar.........我都唔鍾意佢...........我鍾意Toby ga ma...........

(軒仔同Toby一路行一路打情罵俏, 阿輝又有D嬲)

Toby﹕咦! (指住上面)軒仔你睇下! (軒仔望下上面, 原來有個男仔o係電子板向一個女仔示愛)

Toby﹕好浪漫ar! 如果你都咁樣同我示愛ge話...........

軒﹕電子板好貴ga.........

Toby﹕人地鍾意ya ma!

軒﹕我諗電子板浪漫極都唔夠呢樣野浪漫掛? (之後軒仔就抬起Toby個頭, 深情咁kiss落去, 隔離
ge阿輝見到之後好嬲)

(之後, 佢地行過公廁)

軒﹕我去廁所先。

Toby﹕好ya, 我同阿輝o係度等你。(之後軒仔就入左廁所)

(阿輝望住Toby)

Toby﹕唔? 我塊面有野ar?

輝﹕唔係ar。(望左Toby一陣)

輝﹕Toby...........

Toby﹕唔?

輝﹕(自言自語)Sorry ar Miss Yau.......我一定要做!

Toby﹕咩話?

輝﹕Toby.............我有野同妳講。

Toby﹕咩ar?

輝﹕其實.........軒仔係鍾意Miss Yau ga!

Toby﹕(驚訝)咩ar? 你講咩ar??

輝﹕我俾D野妳睇下。(阿輝俾左部電話Toby睇, 畫面上就係當日軒仔差D kiss到Vivian果幅相!)

Toby﹕(好驚訝, 但盡量令自己冷靜)可.....可能佢係唔小心ge o者! 佢唔會咁做ge!

輝﹕咁妳睇錯佢喇! 其實佢一路都好鍾意Miss Yau ga! 佢偷偷地講過俾我知喇! 果日我o係花園
見到佢忍唔住咁樣ar! 我睇唔過眼咪影左呢幅相lor! 妳睇佢個樣幾enjoy ya!

Toby﹕(激動)冇可能! 冇可能ga! (之後軒仔行左出o黎)

Toby﹕(衝埋去)軒仔! 你係咪淨係愛我一個?

軒﹕係.........係ar, 做咩ar?

Toby﹕咁你點解釋呢幅相? (俾左幅相軒仔睇)

軒﹕(激動)我........我唔小心ga咋! 我真係唔小心咋!!

輝﹕做得出唔怕認喎!

軒﹕阿輝, 幅相係你影ge?? 你點解要咁做??

輝﹕你夠膽話你唔鍾意Miss Yau?

軒﹕我.......我點會鍾意佢ar??

輝﹕咁點解你上堂成日偷望佢?

軒﹕我.......我邊有ar??

輝﹕答到咁唔肯定就知你心虛la!

軒﹕Toby, 妳一定要信我.......(但Toby冇聽佢講, 佢摑左軒仔一巴, 跟住喊住咁走左)

軒﹕Toby!! (拎轉頭望住阿輝)你.........你點解要咁做??

輝﹕你都好賤格o者! 自己做左又死口唔認! 枉Toby仲成個心俾埋你! (軒仔冇聲出)

輝﹕點ar? 冇聲出拿?

軒﹕我真係諗住真心對Toby ga! 但係你........枉我當你係兄弟.........

輝﹕因為我唔想Toby俾你呃ar!

軒﹕做咩ar! 你鍾意佢ar?

輝﹕(深呼吸)係, 我鍾意Toby, 仲好鍾意添! 每次見到你同Toby點樣親密法, 我都好嬲, 但因為
你係我好朋友我先至冇出手, 不過今次我真係忍唔住喇! 我唔想Toby再俾你呃落去!

軒﹕你.........咁好la! 以後大家冇fd做lor! (好嬲咁另轉頭走左)

輝﹕.............

~待續~

手田水

~愛~13  
~愛~

作者﹕Didi

<第十三回>

真係估唔到我同Toby真係淨係維持左一個月.......但更估唔到係阿輝竟然出賣我........有左愛真係會開心D? 但o係一日之內我已經冇左愛情同友情............不過...........究竟我係咪真係鍾意Miss Yau呢? 唉..........好亂ar.............

(o係軒仔對面, 有個北姑o係公寓樓下拉生意)

姑﹕(拉住個男人)阿生~食唔食私房菜ar~

男﹕我老婆等緊我開飯.........(急急腳走左)

姑﹕車! 大把男人o係女人背後偷食la!

(軒仔冇睇路, 唔小心撞到個北姑)

姑﹕有冇搞錯ar! 行路唔帶眼!

軒﹕Sorry.......

姑﹕(望住軒仔)乜而家D o靚仔咁猴琴ga~

軒﹕喂! 妳講咩ar! 我咁o岩行過咋喎!

姑﹕我明ge, 你都係男人ya ma..........

軒﹕我都話我只係咁o岩行過咯!!

姑﹕咁細個應該冇幾多錢.......收你平D勒!

軒﹕我.......我廢事同妳講! (走左去)

姑﹕原來而家D o靚仔都幾得意個喎!

唉.......點解o係我又失戀, 又冇左個好朋友ge時候, D北姑仲咁唔識做, 走o黎搵我拉生意呢.........咦? 點解冇左Toby之後, 我都好似唔係太傷心咁ge........唔通我真係鍾意Miss
Yau? Miss Yau........究竟佢幾時返o黎呢?

(第二日, o係學校, 軒仔, Toby同阿輝都好沉默, 見到大家都冇打招呼, 搞到個局面好彊)

唉...........我真係唔想搞到咁............有左愛其實係咪根本唔會開心D? 只會增加煩惱?

(上Maths堂果時, 代課ge Miss走左入o黎)

Miss﹕Miss Yau請左假, 呢幾日就由我o黎同你地上Maths堂。Good Morning Class.........

全班﹕(起立)Good Morning Miss Lee。(坐返低)

Miss﹕打開你地本書第76頁.........(軒仔望住個Miss, 腦裡面出現Vivian教書ge樣)

唔知點解, 我而家真係好想好想見到Miss Yau..........唔通我真係鍾意佢? 但佢已經結左婚..........我唔可以再諗咁多ga喇.........但o係呢個時候, 我真係好想佢可以好似以前咁, o係我身邊安慰我同開解我..........但係點解o係我最需要佢ge時候, 佢偏偏就唔o係度呢?

(放學之後, 軒仔一個人行, 佢望下隔離, 平時總會有Toby癡住o係隔離, 但今日Toby就走左去同D
朋友一齊放學, 軒仔突然覺得好孤單)

(佢又望下另一邊, 平時如果Toby陪唔到佢放學, 都有阿輝陪住佢等佢冇咁悶, 但今日阿輝都走左去同其他朋友一齊行, 軒仔覺得更加孤單)

如果當初冇識到阿輝........冇同到Toby一齊........根本就唔會搞到咁樣..........以前雖然都係一個人.........但果種孤單感都唔夠依家大...........究竟愛呢樣野係真係可以令人開心ya.......定係累人累物ge呢?

(軒仔行過一條暗巷, 佢見到有幾個麻甩佬圍住一個女人, 睇真D原來係尋日果個北姑)

姑﹕........你地想點ar?

麻甩1﹕妳唔係想食私房菜咩? 我地請你食ya~

姑﹕有......有冇錢ge先?

麻甩2﹕話明請妳食, 點會有錢ar? (之後班麻甩佬就捉住左個北姑)

姑﹕唔好ar! 救命ar!!

麻甩1﹕妳大聲嗌都冇用ga喇~冇人會救妳ga~(突然, 一枝木棍o係個麻甩佬個頭度扑落去, 之後個
麻甩佬就暈左, 個北姑睇下係邊個, 原來係軒仔)

麻甩2﹕死o靚仔! 郁佢!! (跟住班麻甩佬就衝埋去軒仔度, 軒仔即刻用枝木棍起勢咁打, 但人多
勢眾, 班麻甩佬又孔武有力, 結果軒仔俾班麻甩佬禁住o黎打, 但軒仔好努力咁反抗)

(個北姑見到咁ge形勢, 就即係執起一張摺凳幫手打, 最後佢地終於都打低晒班麻甩佬)

姑﹕(拉住軒仔隻手)快D走la! (拉左軒仔去一個公園度, 搵張長凳坐低)

姑﹕唔該晒! 你冇野ya ma?

軒﹕冇野ar..........

姑﹕你左邊額角流緊血喎。

軒﹕(用手抹左)冇野就冇野la!

姑﹕咦? 你咪尋日果個o靚仔?

軒﹕........妳而家先記得ar...........

姑﹕咁我一日拉咁多客, 點記得邊個打邊個ya!

軒﹕我都話我唔係客咯!!

姑﹕我冇話你係ar!

軒﹕係喎, 你係北姑o黎ga ma, 唔係唔介意俾人咁樣ge咩?

姑﹕我要有錢收先肯制ga!

軒﹕妳D北姑真係..............

姑﹕係喇, 你叫咩名?

軒﹕妳問o黎做咩?

姑﹕我點都想知道下係邊個救左我同埋第時要報答邊個ga ma!

軒﹕叫我軒仔la! 到我想知我救左邊個喇喎!

姑﹕我就係鼎鼎大名, 人稱北姑界一姐ge菲菲姐。

軒﹕咁犀利?

菲﹕好話勒。

軒﹕睇妳個樣唔似喎~

菲﹕咩意思ar你!

軒﹕我講緊我對眼睇到ge事實。

菲﹕蝦! 你........淨係你呢樣你阿媽已經可以生舊叉燒好過生你喇! 不過好彩你仲有樣英勇!

軒﹕............我阿媽...........唔好提我阿媽............

菲﹕唔? 做咩ar?

軒﹕我真係寧願我阿媽生舊叉燒都唔好生我lor.........生完我又唔要我............

菲﹕.........你話...........你阿媽生完你又唔要你? 佢係咪十七年前......將你擺左o係呢個
公園度?

軒﹕(驚訝)係ar! 妳點知ga?

菲﹕原來生舊叉燒果個係我............

軒﹕o下?

菲﹕我話........如果我話你知........我就係十七年前將你擺o係呢度果個............

軒﹕(驚訝)咩話??

~待續~

elvisfong2003

軒仔阿媽出現................

手田水

~愛~14  
~愛~

作者﹕Didi

<第十四回>

軒﹕妳話..........妳係我阿媽??

菲﹕係ar, 軒仔.........我就係你阿媽喇! (攬住軒仔)

軒﹕(縮開)妳咪埋o黎ar! 我冇阿媽ga!!

菲﹕........對唔住ar軒仔, 我知我掉低你, 你一定好唔開心..........

軒﹕(激動)點解? 點解妳要掉低我??

菲﹕(嘆氣)其實........我係有苦衷ga! 我細個果時屋企好窮, 讀完中三就要出o黎賺錢養家, 果
時老豆爭人一身債, 我打D散工根本就唔夠幫佢還債, 咁咪唯有撈呢行lor.........後尾終於都還到債, 但有次做野果時唔小心有左........果個........就係你喇............

軒﹕咁........咁點解妳要生我出o黎ar??

菲﹕(嘆氣)還完債之後, 我地又變到冇晒錢, 根本冇錢墮胎.........所以最後都係生左出o
黎........但我知我冇能力養你..........又唔知點做...........諗唔到辦法咪唯有擺你o係公園等人帶你走lor..........你要明白我ge苦衷ar..............

軒﹕苦衷? 我覺得妳根本係不負責任lor!! 妳知唔知就咁擺個BB o係公園好危險ga?? 如果唔係孤
兒院D人發現得早, 我可能已經俾雨淋死左喇!!

菲﹕對唔住ar........其實我都好唔捨得你ga.........但果時我真係冇路行............我求下
你........俾個機會我補償ya............

軒﹕妳走la!

菲﹕軒仔..............

軒﹕妳唔走我走!! (即刻走左去)

菲﹕軒仔!!

點解? 我已經受左咁多打擊, 點解o係呢個時候要走個咁ge女人出o黎?? 明知我唔想見佢ga ma! 點解個天要同我作對?? 點解??

(軒仔衝左返屋企)

軒媽﹕返o黎拿軒仔............軒仔?? 你做咩ar?? 流晒血咁ge?? 喂! 軒仔!! (軒仔衝左入房, 大力關門)

(軒仔攤o係張床上, 真係好想當係發左一場夢)

(第二日放學[又好快喇^^"], 有班女仔跟住軒仔)

軒﹕妳地唔好跟住o黎la!

女1﹕軒仔, 你唔開心ar?

女2﹕唔好唔開心la~快D開心返la~

軒﹕好煩ar妳地! 唔好再跟住o黎喇!! (之後菲菲走o黎拉走左軒仔)

軒﹕妳拉我去邊ar??

菲﹕你成日都俾果班女仔煩住ga?

軒﹕(甩開佢隻手)關妳咩事ar??

菲﹕(微笑)見到你大個左, 靚靚仔仔咁, 又有女人緣, 都算安慰喇!

軒﹕妳收聲la! 我o岩o岩先失戀咋!

菲﹕o下? 你失戀? 邊個咁唔識貨ar?

軒﹕.........妳點會明ya!

菲﹕你唔怕同我講喎, 我係你阿媽..........

軒﹕妳唔好亂講ar! 妳唔係我阿媽!

菲﹕軒仔........

軒﹕妳都唔好跟住o黎ar!! (即刻走左)

菲﹕(嘆氣)唉.......軒仔.........我淨係想你叫我一聲阿媽咋............

(夜晚, 軒仔屋企, 軒仔伏o係張書檯度)

軒﹕唉..........又失戀..........又冇左個fd...........Miss Yau又唔o係度...........又無端端走個阿媽出o黎..........點算ar? Miss Yau..........妳o係邊ar..........妳快D返o黎教我點做la..............

軒媽﹕軒仔! 食飯喇!

軒﹕哦............

軒爸﹕今晚好好送喎..........

我得一個阿媽ge o者, 佢而家同我生活得好好, 果個女人想認返我? 發夢la! 佢邊忽似阿媽ar? 果D不負責任, 由得個仔死ge人冇資格做人阿媽lor! 佢仲要唔知我阿爸係邊個喎! 點都好la! 佢做乜我都唔會認返佢ga勒!

(之後, 菲菲日日去等軒仔放學, 但軒仔次次都冇理到佢, 終於有一日, 軒仔忍唔住喇!)

軒﹕算把la妳! 我係唔會認妳做阿媽ga!

菲﹕軒仔...........

軒﹕唔該妳快D走! 我唔想見到妳ar!! (走左)

菲﹕軒仔ar! (捉住軒仔隻手)

軒﹕放手ar! (甩開隻佢手)

菲﹕呀!! (跌低)

軒﹕(想走, 但又返轉頭)........妳冇野ya ma...........

菲﹕(攬住軒仔)你.........你肯返o黎拿??

軒﹕(縮開)妳..........妳唔好發夢la! 我問妳有冇事唔代表我肯認返妳ga!!

菲﹕..........咁好la............你唔駛認我..........但你起碼都俾我睇住你ya............

(軒仔望到菲菲對眼, 佢對眼流露住母愛, 軒仔突然面紅, 即刻走左去)

菲﹕軒仔!!

冇理由望佢一眼就俾佢感動到o格?? 我應該係覺得佢做咩都係虛偽個喎...........但點解我突然覺得佢真係我阿媽呢?? 冇理由ga!! 呢D人點會係我阿媽ar??

(軒仔跑跑下突然停低抖氣)

軒﹕(索氣)我要冷靜D........佢唔係我阿媽...........

(呢個時候, o係軒仔隔離ge地盤ge一個大鐵架突然塌落o黎, 就o黎壓落軒仔度)

菲﹕(追上o黎)軒仔!! (極速衝埋去, 推開左軒仔, 軒仔失左平衡跌低o係地上, 呢個時候個鐵架
已經塌左落o黎, 菲菲就代替軒仔俾個鐵架壓住左.........)

軒﹕(呆左一呆, 之後好震驚)..............媽.............媽!!

~待續~