親手

Originally posted by YFGSDFGAS at 2005-7-18 12:14 AM:
德甲最鬼悶~~~~大家悶鬥悶~~~新聞間中播D精華出來睇~~唔係射出界就中柱彈出

個個聯賽都有射出界同中柱彈出啦!!睇場精華當真正的睇波,係唔係路呢???

ciger

皇馬與巴塞財力實大強橫,講壟斷點都係西甲為先
如果你話十屆聯賽只有兩隊贏過冠軍唔係壟斷,而十屆聯賽有5隊贏過冠軍反而係壟斷,我冇野講
'西甲太多出色球員都並非由西甲直接培養的',依家係講聯賽搞得好唔好,唔係青訓,況且外援唔係由自己培訓係理所當然
'某些球員希望打得痛快點、輕鬆點,多會選擇西甲',你睇碧咸係英超幾瀟洒,但係在西甲??
'以近十多年來西班牙國家隊的表現,可見十數年來的西甲本土球員並未達致星級的行列',國家隊成績唔好有好多原因,例如聯賽球隊太依賴外援前鋒,導致本土前鋒上陣機會唔多,前鋒水平唔夠,但中後場球員唔一定差,正如意大利多年都鬧前鋒荒,但中後場球員水平卻一流頂,西班牙本土球員未必及得上英,意,但都唔係差太多
'華倫同拉科都係打鋪勁,講傳統資源真係欠奉,結果於上季主力離隊加上隊員老化,即刻打回原形',華倫同拉科唔係愛華頓,佢地過往都係緊次於皇馬,巴塞,其中華倫更入過歐聯決賽,任何球隊主力離隊加上隊員老化都會影響表現,唔通英超意甲d球隊有主力離隊都冇問題?曼聯冇碧咸,傑斯老化就即刻冇獎攞,羅馬更加唔知去左邊


'

[ Last edited by ciger on 2005-7-18 at 12:47 AM ]

親手

Originally posted by ciger at 2005-7-18 12:44 AM:
如果你話十屆聯賽只有兩隊贏過冠軍唔係壟斷,而十屆聯賽有5隊贏過冠軍反而係壟斷,我冇野講

若要談到壟斷問題,可以從奪冠狀況去談論,但我較為傾向以球會資源去論斷,西班牙前幾年聯賽打崩頭,一方面與大隊半放棄本土聯賽有關(皇馬奪歐冠之三年聯賽表現遜色,華倫西亞亦有相似情況),其二則能反映出大隊過往幾年增兵缺乏方針(如皇馬時常不買後防,妄想柏禾成為新尼士達；巴記於荷蘭化後盡買二流球員如洛查碧克、莫達、基利斯馬,龍門欠穩更不堪提)但我們從中仍能窺探出皇巴近年表現或許未如人意,但卻可發覺近五六年效力此兩隊那六十多名球員,根本個個往其他西甲球隊,也足擔上正選位置,回看其他中小型球隊,華倫西亞四大皆空了,拉科被人當魚腩般數,皇蘇前日熱身賽對南非隊竟爾敗走,馬體會、阿拉維斯、切爾達等曾於歐洲賽打好波的球隊,竟嘗到降班的苦痛滋味

親手

Originally posted by ciger at 2005-7-18 12:44 AM:
國家隊成績唔好有好多原因,例如聯賽球隊太依賴外援前鋒,導致本土 前鋒上陣機會唔多,前鋒水平唔夠,但中後場球員唔一定差,正如意大利多年都鬧前鋒荒,但中後場球員水平卻一流頂,西班牙本土球員未必及得上英,意,但都唔 係差太多

西國善攻,理應攻擊能手如雲,哪會給外來勞工搶飯碗?魯爾、摩連迪斯、謝斯坦、盧基、沙華、拖里斯、烏沙斯個個於西甲打響名堂,於本土聯賽保持高效率,出來打國際賽表現反大為失色,想必非關出場問題吧!!

西國善攻,打波有時揚棄防守,一心本着鬥牛精神拼死湧上前場,中後場可謂亳無大將可言,相比起英意後防線隨便找四五個世界級,更顯西班牙中後場之不濟,可見癥結在於西國攻擊二流,防守三流,結果一眾本土球員率先令聯賽失色,繼而由南美冗員再踩兩腳,真正星星如何閃耀也不能增添更多光芒

親手

Originally posted by ciger at 2005-7-18 12:44 AM:
華倫同拉科唔係愛華頓,佢地過往都係緊次於皇馬,巴塞, 其中華倫更入過歐聯決賽,任何球隊主力離隊加上隊員老化都會影響表現,唔通英超意甲d球隊有主力離隊都冇問題?曼聯冇碧咸,傑斯老化就即刻冇獎攞,羅馬更 加唔知去左邊

哈哈!!熟悉意甲的都知道,羅馬根本不屬傳統勁旅,多年來它只有被人陷害與玩弄的份兒

曼聯近幾年策略保守,才見成績下降,但競爭力猶存

拉科與華倫西亞一向貼緊皇巴?翻查有關資料,奪冠不是,故資源、名氣更不是,於1960-2005四十六屆賽事中,奪冠的有華倫西亞三次,馬體會五次,畢爾包、皇蘇各兩次,拉科只得一次,反而雙巨霸皇巴竟共奪三十三次,甚麼是壟斷,你能解答嗎?

ming8964

意大利足總正起訴意乙冠軍熱那亞於季尾對威尼斯打假波, 如罪成將被取消升班資格, 強迫降落意丙作賽, 咁冇公信力的聯賽, 不看也罷!!!

ciger

Originally posted by 親手 at 2005-7-18 10:09:


哈哈!!熟悉意甲的都知道,羅馬根本...

點解我只比較近十屆呢,因為近十來年球圈商業化發展得比較迅速,二三線球會可透過商業活動擴大實力,過往幾十年絕大部份都係一兩隊班霸壟斷,意甲之前50屆AC加祖雲都贏了31屆,而西甲壟斷情況已有改善,上年皇馬冇獎攞,歐聯出局後亦領先華倫,但最後都輸了,所以並不存在打歐聯放棄西甲的情況,亦反映了西甲二三線隊伍都有能力在強隊手中取分,反而英超除了三大勁旅外其他跟本相差好遠,你睇車仔95分贏聯賽,阿仙奴83,曼聯77,愛華頓61,連足總杯,聯賽杯都攞埋,頭三隊跟本壟斷哂

親手

Originally posted by ciger at 2005-7-18 11:33 AM:

點解我只比較近十屆呢,因為近十來年球圈商業化發展得比較迅速,二三線球會可透過商業活動擴大實力,過往幾十年絕大部份都係一兩隊班霸壟斷,意甲之前50 屆AC加祖雲都贏了31屆,而西甲壟斷情況已有改善,上年皇馬冇獎攞,歐聯出局後亦領先華倫,但最後都輸了,所以並不存在打歐聯放棄西甲的情況,亦反映了 西甲二三線隊伍都有能力在強隊手中取分,反而英超除了三大勁旅外其他跟本相差好遠,你睇車仔95分贏聯賽,阿仙奴83,曼聯77,愛華頓61,連足總杯, 聯賽杯都攞埋,頭三隊跟本壟斷哂

以現今資本集中的商業環境來看,球壇越趨商業化反而使壟斷更形惡化,由於足壇沒有美國NBA的薪酬限制制度,只要球會幕後巨富肯泵水,一至兩隊全星級陣容頗易儲起,中小球會如韋斯咸、帕爾馬、拉科、利華古遜等雖從買賣球員收受班霸的大筆轉會費,但當主力空缺一旦出現,創傷便難以彌補,而其他諸如零售的商業活動靠的是名氣,根本由傳統勁旅玩哂

打歐聯放棄西甲唔係全放棄囉,半放棄囉,看看前幾年的情況會更一目了然

以積分差來說,上屆西甲咪又係雙霸居高臨下,巴記84,皇馬80,然後便是中小型的主羣隊,打第三的維拉利爾都只得65,英超呢?我淨係知英超第五捧歐冠囉,同埋西甲第六的西維爾輸俾意甲十八的帕爾馬囉

ciger

Originally posted by 親手 at 2005-7-18 12:35:


以現今資本集中的商業環境來看,球...

如果只講上屆,無疑係西甲兩支班霸比較高分,不過可能你上年先第一次睇波,前果幾屆英超曼聯,阿仙奴差不多全包辦一二名,反而西甲02,04年先由華倫奪標,00年就拉科,反映西甲壟斷已有改善,而商業化足球財雄勢大係可以壟斷球壇,但正因足球係一門可以賺錢生意,就人人都可以成為領導者,只要你經營得好,細球會都可變大球會,唔係個個都靠大老闆,

[ Last edited by ciger on 2005-7-18 at 02:40 PM ]

ciger

打歐聯放棄西甲唔係全放棄囉,半放棄囉
正因實力接近先要有所取捨,你睇英超車仔洗乜放棄,聯賽對住D二三線隊伍出後備都夠殺,呢D就係真正壟斷