coolcoolman

事實教訓大家...
世界排名不代表一切...
四個國家...國際排名最高是澳洲...
但係事實是...四隊中澳洲表現是差...
輸比國奧...重要2:0...

locklock

丁亥年賀歲盃
港聯 1:1 (十二碼 3:5) 牙買加
中國 2:0 澳洲

今午大年初一 (2月18日) 在香港大球場上演兩場丁亥年賀歲盃初賽，頭場港聯與牙買加激
戰90分鐘後，雙方以1:1殺成平手，最後牙買加憑互射12碼以總比數6:4擊敗港聯，而尾場
中國奧運隊則以2:0力克澳洲奧運隊，雙雙晉身年初四的決賽。今天共吸引了14,633名球迷
入場欣賞賽事，門券收入港幣$1,127,595元正。

頭場賽事，由港聯迎戰牙買加，雙方先禮後兵，比賽立即展開。身穿紅色球衣的港聯首先
採取主動出擊，上半場9分鐘，利偉倫右路擲入界外球，基夫接應輕力撥回給利偉倫推入邊
線大腳斬向左路，卓卓控定第一時間吊前，T史高斯側身施展頭槌攻門，可惜角度太正，麥
卡倫輕易接牢。16分鐘，牙買加反撲，史超活沿左路引球推進橫傳菲力，菲力帶至峨嵋月
邊交後，芬里臣衝前離門30碼抽射斜出。20分鐘，牙買加中路獲得一個罰球，F.泰萊直
射，皮球僅越楣而去。24分鐘，基夫接應利偉倫的界外球吊入禁區，歐偉倫二傳頂交T史
高斯，T史高斯力壓牙買加後衛頭槌跣向近柱，皮球竟告貼柱出界，錯失良機。30分鐘，F.
泰萊中路推進至禁區邊彈橫，史偉比接應離門25碼怒射，張春暉封位沒收。41分鐘，牙買
加再度策動攻勢，龐馬沿右路出擊橫傳拜恩推至K角位傳中，F.泰萊楔入禁區在無人看管下
頂向遠柱入網，1:0牙買加先拔頭籌。44分鐘，港聯峨嵋月前逼得一個罰球，李海强拉向楣
底，可惜皮球僅貼楣高出，未中目標，上半場牙買加以一球佔先。

換邊續戰，港聯調入文彼得替李海强，牙買加原陣應戰。下半場46分鐘，史偉比大腳傳
中，龐馬中路接應彈後，芬里臣趨前順勢拉弓抽射僅高出。51分鐘，芬里臣乘高尼路頭槌
解圍不遠衝上勁射，但竟告中楣角彈屴出。58分鐘，卓卓左路推進交入中路，文彼得帶順
離門30碼突施冷箭，麥卡倫抝腰托出底線。64分鐘，港聯禁區邊逼得一個罰球，歷高彎過
人牆，皮球直飛遠柱，麥卡倫飛身拍出底線。79分鐘，港聯後備上陣的李健和右角球斬入
禁區，卓卓頂前，基夫接應撞射破網，港聯扳成1:1平手。完場前歷高接應李健和右路角球
頂向楣角，麥卡倫反應快及時擋出，力保不失。最後雙方以1:1殺成平手，需要互射12碼來
決勝負。結果牙買加芬里臣、列特、泰萊、菲力和龐馬五射俱中，而港聯只有卓卓、基夫
和蔣世豪命中目標，歷高的12碼則被麥卡倫用腳閂出，結果以總比數4:6不敵牙買加，未能
殺入決賽。

尾場賽事中國奧運隊在開賽僅7分鐘便因澳洲奧運隊的哥夫韋迪誤把皮球射入自己龍門而先
開記錄，領先1:0。15分鐘，姜晨右路引球扣回中路起左腳勁射僅僅斜出。21分鐘，史丹利
主射罰球被曾誠飛身撲出。半場中國奧運隊領先1:0。

下半場開賽3分鐘，于海接應隊友直線妙傳後順勢起腳僅僅柱邊出界。7分鐘，後上的呂建
軍右路大腳傳中，朱挺搶點頭槌一頂貼柱出界。落後的澳洲奧運隊雖然力圖平反敗局，但
始終未能爭取入球，反而中國奧運隊在下半場尾段由後備入替的姜寧在禁區外半窩利抽射
破網，瑣定2:0勝局完場。打入年初四的決賽。

年初四的賽事，頭場將會由主隊港聯迎戰澳洲奧運隊，而中國奧運隊和牙買加奧運隊將會
在尾場賽事爭奪丁亥年賀歲盃冠軍。

　　　　　　　　　　　　　　　　　　　　　　　　　　豬年快樂

[ Last edited by locklock on 2007-2-19 at 11:45 AM ]

locklock

比賽詳情：－

次天比賽 2007年2月21日（農曆大年初四）
季軍戰　　　：　18:00　港聯 vs 澳洲
冠軍戰　　　：　20:15　中國 vs 牙買加

比賽地點　　：　香港大球場

　　　　　　　　　　　　　　　　　　　　　　　　　　豬年快樂

iknow

咁樣睇法...國奧隊應該大d機會贏到~
佢地贏澳州比起牙買加贏港聯說服力教大...

vv1668vv

恭喜發財。。。。

過左年。。。眼鏡鋪 可能 發大財。。。。

locklock

Originally posted by vv1668vv at 2007-2-20 06:07 AM:
恭喜發財。。。。
過左年。。。眼鏡鋪 可能 發大財。。。。

我係投了中國國奧隊神聖一票的，我的眼鏡還在！
初一就無乜睇波啦，因為整天拜年，拜到五點幾先可以坐吓！
所以無乜發表。其實澳洲隊係無心戀戰。而港聯遇牙買加就無運行，
因為米路對中國足球認識十分清楚，香港用兩鬼佬帶隊都打佢唔贏！
季軍戰我睇好香港可以小勝而回，因為澳洲係旅遊心態，而牙買加
會識做，放水比國奧隊，因為米路和杜伊私底下好老友，送秋波！

　　　　　　　　　　　　　　　　　　　　　　　　　　豬年快樂

[ Last edited by locklock on 2007-2-20 at 09:19 PM ]

vv1668vv

Originally posted by locklock at 2007-2-20 21:18:

我係投了中國國奧隊神聖一票的，我...

哈哈哈。。。
LOCK LOCK… 有眼光。。
（哩兩場波搞到我。好似80年代某大學教授。用D膠紙疵住副眼鏡 )。。

会唔会好似 意甲假波事件後。義大利搏曬老命系世界盃證明比世人睇，
距地有料到。。唔系 浪得虛名。？
雖然事件不盡相同。。不過。睇起黎。会唔会有D  二曲同弓 之妙。呢？

國奧隊 出外連環打交事件後。。 再黎香港再踢，交戲 既時間到。。應該比平時進取。

（可能覺得少少馬後炮。。。不過投票之前 真系 唔知距地 0甘 鬼鐘意打交  架。)

不過呢。。米路 。。系咪會放水 就覺得 比較難講。。
因為 始終帶國家隊出外 比賽 ,雖然話系友誼賽 。。教練都要 同 所屬國家交待。
尤其 國際級教練。。重名聲多於一切。。

[ Last edited by vv1668vv on 2007-2-20 at 11:08 PM ]

王晶

當我知道國奧 少左 王大雷 馮潇霆 陳濤 同埋打交主角郜林 都因為各種原因無隨隊
黎香港踢賀歲杯 我諗國奧實力大打折扣~未必羸硬牙買加

不過都仲可以睇下 荷甲岩岩簽左果個國奧小將于海有咩咁特別

[ Last edited by 王晶 on 2007-2-20 at 10:48 PM ]

vv1668vv

2月 21日 星期三 23:50 更新

賀歲盃國奧隊被牙買加擊敗

大球賽舉行的賀歲盃冠軍爭奪戰，國奧隊與牙買加奧運隊互射十二碼決勝，牙買加以5:4取勝。

國奧隊與牙買加全場打成0:0，加時30分鐘，亦沒有入球，最終以互射十二碼決定勝負，
國奧隊一度領先3:2，但球員其後接連射失，最終以4:5輸波，獲得亞軍。

vv1668vv

2月 21日 星期三 21:05 更新

賀歲盃港聯被澳洲擊敗

大球場晚上舉行的賀歲盃，港聯在季軍爭奪戰中，
與澳洲奧運隊互射十二碼，最終輸5:7。

港聯在比賽中一度落後2:0，最後由法圖斯及基夫建功，追成2:2平手，但直至完場，
兩隊均沒有再入球，最終以互射十二碼決勝。港聯以3比5落敗，敬陪末席。