alantai

又輸波了...
薩爾斯堡 1 : 0 阿仙奴
今場差唔多full team,而且都踢得幾認真
對住３流球隊都輸．．．
冇眼睇　

勇勇

即管睇下佢地４國賽踢成點！！

amigofans

其實又唔會衰得過第4既, 上年大部份時候已經無左亨利, 仲要無埋雲佩斯, 都一樣第4啦....

龍格保根本出得好少, 所以如果雲加唔走, 應該ok掛...

alantai

Originally posted by filter-052fans at 2007-7-26 03:04 PM:
其實又唔會衰得過第4既, 上年大部份時候已經無左亨利, 仲要無埋雲佩斯, 都一樣第4啦....

龍格保根本出得好少, 所以如果雲加唔走, 應該ok掛...

你都好阿Q喎
唔好忘記其他三強都招兵買馬
你唔進步, 就等於退步
上年第四都危危乎，我覺得同三強已經愈來愈遠

amigofans

Originally posted by alantai at 2007-7-26 03:57 PM:


你都好阿Q喎
唔好忘記其他三強都招兵買馬
你唔進步, 就等於退步
上年第四都危危乎，我覺得同三強已經愈來愈遠

我唔係阿q, 因為我唔係阿仙奴既, 我見個個講我又吹2野o者

你講得好o岩wor, 真係有可能比前面3隊拉開架, 但個問題係, 我覺得阿仙奴同後面果幾隊又仲差好遠....所以我咪講, 佢地4名內應該係無問題既.....

我好奇怪亨利一走果時, 一大班人出黎唱好話無問題, 但到左呢個星期, d post又開始覺得阿仙奴會沉淪到第4都無...有時人心真係難以捉摸....

Kian76

Originally posted by filter-052fans at 2007-7-25 11:56 PM:


我就反而覺得雲加係野心太大, 成日想住train一班o靚仔出黎打殘曼聯車路士, 但問題一如你講佢係有點走火入魔, 成班都太後生, 而且後生仔雖然係有潛質, 但無人可以保證佢一定有進步....睇最注目既收購禾確特, 打左年半完全係平平無奇....train d後生仔出黎唔係阿仙奴既專利, 曼聯既c7, 車仔亦有洛賓, 你玩後生仔, 人家也會玩....

真係咁咩？？佢野心大？？定係話佢係對自己個方針既無謂堅持？？？定係佢係想逃避正面責任？？乜野係正面責任？？佢覺得自己隊波一定唔夠曼聯、車仔鬥，所以故意用青年班，踢得好就俾人讚佢上天，踢唔出成績就實屬正常，為球隊末來著想？？佢在市場上既叫價仲可以保持高水平，遲d另謀高就都可以傾高d條件。



而你講曼聯既C7，的確當時他是冇乜人識，但他那誇張的踢法，在與曼聯友賽其間不難被眼光不弱的費格遜看中，而且當年他加盟時球隊的新秀也不太多，真正有上陣機會的只是他一個。不像阿仙奴般過份。


而車路士買既洛賓，一早就成名，唔再係新秀，而係有強大即戰力的天才左翼，我唔認為佢應該當作新秀看待。再者，車路士也不只會引入年輕球員，而且他們引入的年輕球員大多都薄有名氣的。半即戰球員。

amigofans

Originally posted by Kian76 at 2007-7-26 07:18 PM:




真係咁咩？？佢野心大？？定...

我同意閣下第一段所講既, 的確佢係有d "train班o靚仔勁過你地就死" 既心態, 我亦同意佢玩得太大, 但係咪用呢招黎"沽名釣譽"又唔好咁陰謀論, 阿仙奴有90年代到而家既成就, 功勞盡歸雲加.....

第二三段講既我有d唔同意見, 新秀既定義, 完全唔可以同名氣, 實力掛鈎, 就算你名氣幾大, 球技已經幾高, 17 8 9 係後生仔就係後生仔, c7係年青人, 維亞拿亦係年青人, 當年後者名氣更大, 但去到紐卡素進步不多, c7之成長, 功勞大部分歸於manu, even你名氣大, 無人保證你一定進步, 當年韋斯咸新秀中最出名既係祖高爾, 但最後成名最值錢既係林柏特!! 所以並不可以因為c7, 洛賓, 朗尼呢d球員已經名聞天下, 而認為佢地唔係新秀...

記得當年既天之驕子基維爾同戴亞嗎??

ch4

就算阿仙奴點差,都有能力和車仔打和
但阿仙奴真系吾多掂,吾該買番啲強勁球員

Kian76

Originally posted by filter-052fans at 2007-7-26 10:14 PM:


我同意閣下第一段所講既, 的確佢...

其實，新秀既定義在我眼中是實力末經証實的球員，而甲組經驗也不足的球員。

反而年齡唔係最主要因素。只要不大於23歲，我都覺得可稱為新秀。


但係咪任何23以下既就係新秀呢？？


朗尼今時今日算唔算？？C.朗拿度今日又算唔算？？

你舉的例子如基維爾、戴亞也明顯是有分別的，前者當年不單止停留在新秀的階段，還稱得上是球星，己成熟的階段，現在明顯是因傷走下坡。而戴亞即是半個新秀，亦是因傷而走下坡。



年輕球員可以不進步，但退步的例子大多都不會太早出現，除非有傷患，而如洛賓此等即戰力強大的年輕球星，即使日後退步起來，也只是因為例如傷患之類因素使然，而非他沒有實力。


看年輕球員有兩樣野要睇：本身能力、進步空間。

兩樣野通常都好難有平衡點，若前者比重較大，例如洛賓，我便會認為他己成熟，但後者比重較大配合經驗不足的話，我便會認為他是新秀球員，例如羅斯。

shehboy

Originally posted by filter-052fans at 2007-7-26 03:04 PM:
其實又唔會衰得過第4既, 上年大部份時候已經無左亨利, 仲要無埋雲佩斯, 都一樣第4啦....

龍格保根本出得好少, 所以如果雲加唔走, 應該ok掛...

我就無咁樂觀啦. 明星班既熱刺同實際型既保頓都有力挑戰第四架.
紐卡素可能繼承愛華頓成為神經刀.
仲有樸芧同曼城, 乜人都話買, 都唔知乜料.

賣亨利唔係問題, 但無理由整個達施華返黎就算數, 我覺得買阿積士個亨迪拿就正哂, 路數啱踢, 而且又係"姓亨".