Kian76

Originally posted by bigfish at 2006-4-20 01:05 AM:

卡卡帶波速度超快, 唔駛假動作就過到人, 不過佢身型單溥, 又冇乜乖巧技術, 仲未好似朗拿甸奴咁挑挑剔剔

卡卡唔係唔識乖巧技術，只要看過他以前第一年踢AC米蘭就會知，只係佢唔需要用，在意甲中，這些技術係禁招，太過花巧，簡單一個假腳就能越過對手，為何還要那麼花巧增加出錯的機會？？卡卡身材單唔單薄真係難講，我只知佢其實好陰濕，好多時人地跌左佢都末跌，佢既護球加入左好多巴西人既陰招架！！

kakeidevil

Originally posted by Kian76 at 2006-4-20 14:32:


教練要陪住球員操，或親自示範教...

睇片淨係見到d教練企o係度指指點點..
得球員得o係度操......(同我老細一樣~)

Kian76

Originally posted by 清揚 at 2006-4-20 02:09 PM:

其實唔比碧咸打仲好,可以出WPS佩合...

碧咸既地位係遠至英國皇室度，係英國既標誌性人物，一早己超越了足球的範籌，莫講話艾歷臣呢個外國人，就連區區一個英格蘭足總又有何能奈唔用碧咸？？？除非碧咸自己唔代表國家隊，如果唔係真係會長選長有。唔用碧咸只是一些理智的球迷作出的妄想。

Kian76

Originally posted by kakeidevil at 2006-4-20 02:41 PM:


睇片淨係見到d教練企o係度指指點點..
得球員得o係度操......(同我老細一樣~)

o個d咪衰領隊囉。連黑燕子咁老都要親自落場撲俾簡尼睇點樣撲波呀！！

Kian76

Originally posted by 清揚 at 2006-4-20 02:19 PM:

卡卡系巴西少有既創造式中場,邊D系...

踢得中場中路，若果濫用花招，只會自招惡果，再加上卡卡本身有足夠既速度，仲使乜同你玩野？？一推就過啦！！！

lovedlove

技術與速度同等重要！！！

bigfish

Originally posted by 清揚 at 2006-4-20 02:19 PM:

卡卡系巴西少有既創造式中場,邊D系...

係國家隊入面, 朗拿甸奴係創造型中場, 卡卡就多數以速度突破, 時左時右, 好似傑斯, c 朗咁, 佢用速度多過用技術過人喎
茅唔茅我就唔知, 不過我估佢去英超一定食唔少紅牌, 係意甲先咁多毛手毛腳o者

Kian76

Originally posted by bigfish at 2006-4-28 12:11 AM:

係國家隊入面, 朗拿甸奴係創造型中...

擅用技術來配合高速度都係技術既一種，在邊線利用高速爆人同在中路利用高速壓人係有好大分別，在邊線係跑得快既話大推一下就己夠，但在中路要保持著高速度下控穩腳下球，少一點技術都不能做到，還要隨時作出變向、假身......在人馬疊壘的中路是很難的。

還有，技術有分好多種，唔用插花唔代表技術不足，用插花唔代表技術好，你認為卡卡技術好還是維拉利爾的法蘭高技術好？？一個會簡單一個假身推過對手，一個會插幾下花扭過對手。記憶中國家隊前鋒"郭"海東都好鐘意狂插花扭人，但記得佢一次都末扭得過卡路士。