[散文小品區] 情情塔塔對男人的不公平遊戲規則, 大家覺得邊樣最應??

godsonno

1. 男人失業、有經濟困難, 女人飛佢就係男人抵死,「冇錢咪學人拍拖、餓死老婆瘟臭屋」;女人失業、有經濟困難, 男人貼少個崩都係不負責任、見死不救 、唔夠愛佢


2. 女人對男人開條件就好地地; 男人對女人開條件就係「愛佢個人定係愛呢d條件」


3. 搵話題、安排節目、攪驚喜攪新意...總係男人單方面責任, 當出現冇話題、「來來去去行街睇戲食飯幾味, 好悶好冇新意」既時候, 就算個男既唸爆頭都再唸唔到乜野, 個女就乜都冇唸過都好, 都淨係男人既錯, 係男人「冇情趣」、「悶親個女仔」....


4. 男人就晒條女, 就係「冇主見」、「唔識take care, lead女仔」; 但當男人渣fit話事, 就係「大男人」、「乜都要話事」、「唔讓女仔」、「唔尊重女仔意見」


5. 去餐廳、搭車, 錢就男人俾, 舒服位就女人坐

6. 男欠女錢, 還少個崩都係騙財騙色; 女欠男錢, 一個仙都唔還仲可以好地地.....男人追債, 仲係「冇風度」、「蝦女仔」、「斤斤計較」、「小家」....


7. 女人發脾四、話呢樣果樣唔公平就好應份; 男人照辦煮碗就係「小家」、「唔大方」、「好男不與女鬥」....


8. 男人服侍女人、做女人阿四就叫風度; 女人服侍男人、做男人阿四就叫大男人、蝦女人.....


9. 女仔夜晚單獨返屋企危險, 所以男人「應該」送女仔返屋企; 咁你話當冇男人送返屋企時, 叫個女朋友就唔好去夜街, 你估下有乜後果?


10. 男人既錢, 使係自己度就叫揮霍、浪費、玩物喪志; 使係女人度, 就係細心、風度、浪漫、溫柔體貼.....


11. 無論男人為條女使左幾多$$$, 只要條女認為唔夠多, 就係個男既孤寒、小家，即使條女所使既$$$遠遠唔及個男既咁多, 甚至一毫子都冇出過都好. (其實同第3點幾似)


12. 男送禮俾女, 唔可以細份得過少得過個女所送既, 個女既唔滿意, 可以發爛渣; 女送禮俾男, 男人幾唔滿意都要扮鐘意, 唔送都得, 男人稍有微言, 就「唔送味唔送囉, 你同人拍拖, 都唔係為收人地份禮物掛, 仲有你知唔知送野俾男仔係好難架, 都唔知揀乜野好....」(我見過有個有bt既forum既love板, 有條仔話二月十四條女連毛都冇條俾佢, d女 users就咁回應)


13. 一個唔好彩散左, 個女既周圍唱衰個男既就一定得, 仲可以振振有詞話係想其他姐妹認實個衰佬, 唔想再有下一個受害者; 掉返轉? 冇風度、趙完唱、唔係男人......


大家有冇遵守到依d 遊戲規則, 覺得邊樣最應呢?

[ Last edited by toro on 2006-2-28 at 01:17 PM ]

tomken

如問下邊個無中過可能會好d~~
我都想搵佢女朋友^^~

jesus1016cheung

樣樣中哂.............
仲有就係女仔有第三者或者"跟佬走"就話男仔唔識珍惜對佢唔好,人地有錢D就話人地成熟穩重,搵個第三者同個男仔比,男仔有第三者或者要第二個話人地"賤",花心,玩女
但係D女仔又唔諗下自己對個BF平時係點