[轉貼]接線奇談[00+]

大優勢

本人: 你好, 電話查詢, 請問有咩幫到你?

小姐: 唔該我想查咆哮?!

本人(咆哮?) : 請問係咪口字一個包, 口字一個孝呀?

小姐:係呀!

本人(?):  唔好意思, 無呢個登記喎!

小姐: 唔係丫嘛! 佢係連鎖時裝店黎架, 或者你用英文試試?!

本人:係, 請講!

小姐:B…A…U…H…A…U…S

本人(嘩...小姐, 你無野呀化? 咁譯都得呀?): 哦…Bauhaus呀, 請記低…
================================================


本人: 你好, 電話查詢, 請問有咩幫到你?

亞嬋: 唔該幫我"話沙池"?!

本人: 係, 請等等! (嘩…亞嬋咁型,著versace) , 小姐, 請記低2xxx xxxx!

亞嬋: 咦! 個效碼好似唔係拱架喎, 響田門架, 應該2 4字頭.

本人(屯門有versace咩? 本人開始意識到d野?……) : 小姐, 請問係咩公司黎架?

亞嬋: 振府睇醫生架!

本人(頂…) : 小姐, 衛生署下話?

亞嬋:係呀!

本人(比你玩死!) : 係, 請記低號碼……

================================================


本人: 你好, 電話查詢, 請問有咩幫到你?

亞嬋: 唔該我想查田門o個個法演隔離個政府合似裡面個入境似裡度個
婚姻志冊似樓下o個個保安部

本人(妖....咪即係屯門政府合署保安部囉, 講咁多把鬼咩?!) : 唔好意思, 政府合署無保安部電話登記架!

亞嬋:哦! 拱…唔該晒!

================================================


本人: 你好, 電話查詢, 請問有咩幫到你?

亞伯:喂!我要個"朼肉粉蓮葛"同"蒸瘦雞根"

本人(亞腥, 呢度無外賣叫架喎!) : 先生, 唔好意思, 請問係咪公司名?架?

亞伯:唔係呀…獨私架!

本人(死火…完全無idea) : 先生, 唔好意思, 咁可唔可以重複一次?

亞伯(開始想發老脾) : 都話"朼肉粉蓮葛"同"蒸瘦雞根"咯!

本人(你老闆, 我都未發老脾呀!) : 請問係咩機構黎架?

亞伯:都話獨私咯, 獨私o個d雞根呀, 乜你咁蠢架?

本人(我蠢都起碼講野講得清楚先啦, 亞腥!) : 麻煩你等等!


本人hold住條線諗左10秒, 終於有d眉目. . . . . .

本人:先生, 你係咪想查"進修基金"呀?

亞伯:係呀, 死蠢!

本人(本人火都黎埋,"死蠢"佢又講得好清楚喎) : 先生, 咁"朼肉粉蓮葛"又係咩呢?

亞伯:粉蓮o個d朼肉粉蓮葛呀, 你唔知呀?!

本人(根據本人o既經驗, 呢味同o個味"蒸瘦雞根"一定有關係) : 先生, 請問係咪....
.
.
.
..
.
.
.

"職業訓練局"呀?

[ Last edited by sfxc0000 on 2006-4-10 at 11:51 AM ]

apc908

good~~~~~thx哈哈