點睇新南華﹖

MaxFigo

南華首仗欠驚喜 小勝業餘班球迷失望

【明報專訊】重組千萬大軍續戰甲組的南華(網站 - 圖片)昨日聯賽第一擊已遇上難關，最終在外援馬高及T史高斯(網站 - 圖片)各建一功下，才得以2﹕0擊敗升班馬港會。雖然南華最終仍要依靠外援才能高奏凱歌，有球迷直指這批以重金禮聘來港為南華「重光」的「葡、巴分子」表現欠缺驚喜，而球隊整體表現亦令人失望。

南華聯賽首仗全場總共動用了5名外援及3名國援，可是強陣出擊的南華未能在業餘球隊港會身上取得優勢，南華在開賽後4分鐘雖由新援馬高以頭槌打開紀錄，但其後漸漸失去控球權，而前鋒T史高斯更多次門前失機，最終南華半場只以一球領先。

派5外援3國援上陣

雙方易邊後港會即發動攻勢，J施利右路快放傳中，M施利近門接應後抽射，結果被南華門將張春暉單手托出。其後南華趁對手體力相繼下降重掌局勢，至75分鐘，T史高斯禁區內接應馬高傳球後建功，終在狂攻下擴大比數至2﹕0。補時階段，首次披上南華戰衣的華將文彼得接過第二面黃牌後離場，但南華最後仍能保持勝果。

首仗獲勝，救兵之一的南華教練亞曼龍表示滿意，但他補充﹕「球隊今仗製造多次入球良機，可惜只有兩個入球，確實未達到預期結果，不過第一場正式比賽往往是最困難的。」足主羅傑承則讚賞外援馬高及中場古希路表現理想，但認為再多兩個入球會更滿意。雖然球隊贏波，有球迷卻感失望，球迷佐敦表示﹕「比數未如理想，球隊表現名過其實，外援作用與華將差不多，若表現未有改善，不足以跟愉園(網站 - 圖片)及晨曦等勁敵對抗。」

MaxFigo

【明報專訊】亞曼龍（南華(網站 - 圖片)教練）﹕雖然球隊未能以大比數取勝，但球員製造不少埋門，只是對方門將表現出色，以致我們未能擴大比數。

羅傑承（南華足主）﹕陣中外援今仗表現可以接受，但相信今日的濕熱天氣對他們有很大影響，總括整體表現我會給他們60分。

歐偉倫（南華球員）﹕今仗球員間的合作似乎有欠暢順，始終球隊狀態未達到最高水平，否則可以多進幾球。

MaxFigo

我睇左果場直播...

其實南華前線進攻真係無乜板斧
單靠左路一個陳志康斬高波入去，無奈佢又落唔到底線
右邊ge馬高除左個頭搥入波之外，其餘表現真係平平無奇，
右路攻勢只靠右閘李志豪苦苦支撐，
歐偉倫下半場明顯體力不支，越踢越沉

後防文彼得明顯缺乏經驗，多個無必要犯規最終令佢紅牌出場
李志豪幾次失誤都差d累死南華
門將張春暉反應幾快，但經驗不足解圍失誤差d令佢尷尬地失守

教練阿曼龍調兵都有問題....馬高表現明顯唔掂、歐偉倫亦體力不支，佢都無換人意向
最終太遲換入黃鎮宇，無乜機會發揮，進攻難以改善
另外，佢於球隊只係贏緊一球下，下半場夠膽死打3個後衛，結果差d比人追平...

總結...可能真係第一場，球員狀態明顯唔夠可以體諒
但比較返上場揭幕戰愉園同晨曦ge後防線，南華果條防線經驗明顯不及其他強隊
e點唔改善難以爭標

[ Last edited by MaxFigo on 2006-9-4 at 03:25 PM ]

魔術師

算係咁家啦 香港波
歐偉倫邊有當年單刀橫傳咁勁...

littlenic

總覺得兩隊都係成日斬個波去前場，但自己友又接應唔到，變左交個波俾人，控球在腳搓定會比較實際D。

skjeiw

都唔係呀...
其實佢地好多球都好有威脅,就算放d直線去前面或者兩翼都做到
不過係對面個龍門上左身,救左2、3球必入波..
同埋有幾球唔爭氣中枉or射出界ja ma
我覺得要改善反而係後防...d波0係自己禁區成日都清唔到lor
所以我覺得球員質數ok,只係第一場,爭標都唔係無機會

王晶

其實今年 香港聯賽好似多左好多宣傳
入場人數都好似多左 不過唔知keep唔keep到之後都係咁呢
因為我都係為左睇南華係咪真係咁勁 先睇直播睇哂成場波

奇

葡巴?唔講以為挪威,希臘喎!!

YUEN_LOUIS

^^我就冇睇到直播,不過,由尋日報紙仲係威係勢咁話要大勝,到只係贏到2:0,好似有d西聲大雨點小的感覺,當然,可以歸咎佢地仲未夠默契,但係甲組得十幾場波,有幾多時間比佢地磨合呢...

skjeiw

Originally posted by YUEN_LOUIS at 2006-9-4 08:33 PM:
^^我就冇睇到直播,不過,由尋日報紙仲...

門前失機太多je..