南華vs水手

小龍04

點解無人提???
昨晚場波好好睇呀
雖然明顯南華的組織和體力都不如對方
但係現場睇就超正
因為主場的加油聲
每個球員都好搏
最後以12碼ko對方，算有交代

不過，我想一提的是......香港球迷的球品真係......
旁証舉旗就係咁媽差兼問候人老母
仲不斷叫囂對方的球員
香港人呀...俾d品人地睇下好唔好!

康bb

係咁嫁LA...本地對外地就會出現呢D情況
籃球又係咁...人地射罰球
O係度踢地下
SO擾人地
我都唔明點解佢地要咁做
比你贏左
都唔光彩啦

5kownwor

南華琴日表現真係都超水準ga la,話晒水手晌日本都咁勁,
2分鐘左右就入到人波,收晒貨la!!

tonyw

哈哈
我記得幾年前我去睇賀歲杯
岩岩係小食部條行見到董建華
果下都忍唔住媽左佢幾句...

hongkongpeople

日本橫濱水手今次只係派出青年軍來香港,陣中完全沒有前或現任國腳級人馬,而南華則係精銳盡出,但這班小將表演可人,令我感覺日本的足球水準確實是香港高出很多.
     這班小將作客比賽,全場與南華打成五五波,完全不落下風,全隊打法十分機動性,體力充沛,快上快落,下半場更在南華部份球員體力不支及十人應戰下壓著南華來打, 但不竟這班小將還是青年軍還欠點火喉 ,最后被南華追平!
     看來香港足球要追上日本足球水平,政府/足總/班主/球證/觀眾/球員各方面皆要加油努力!!!!

sonyguy

我昨天都有現場睇場波...
睇完場波後...就第一時間想上黎呢到吹吹水...

我諗昨天有去現場睇波既朋友...
十個有七八個都係贈卷...
我都係抱住唔駛錢心態...
又見咁耐無去過大球場...
所以同幾個朋友去睇下...
本身對場波係完場無期望...
甚至連南華對乜野唔係好清楚...

個球場...南華92/93 對 U20...
有幾樣野想講:
1) 蔡育瑜在92/93踼南華咩? 定係佢地領隊果D 呀?? 真係無印象...
2) 果班U20係邊到搵返黎架...真係唔多掂...輸身位...經驗...腳法...呢D 可以理解...
但連速度, 體能都贏唔到...呢下真係好離譜...難怪賽後山度士同羅偉志都唔比面咁批評佢地...
3) 全隊南華92/93 既人我都認得...但E+果隊...除左歐偉倫同陳志康外...其他真係唔識...

尾場: 南華對水手
唔明南華班球員做乜咁狼...係唔係好多獎金?? 有好多欄截真係過晒位...
下半場有一球飛身雙腳落...我坐山頂都嚇一跳...
我覺得某程度係因為現場氣氛"太好"...
點解我用"太好"...球迷既質素真係嚇人...
例如有D噓日本隊...
呢一點我覺得見人見智...
你可以認為係主場威力...
亦可以話係無風度...
但另外有D...
雙方球員碰撞下又大叫"打佢啦"...
佢地入黎睇波最主要目的就係想睇打交...
咁其實佢地可以諗下去睇拳賽或泰拳...
又有D坐在山頂咁高既位置...
但好似有千里眼咁..
當球証吹雞時..
佢梗有野講...
好似完場前有一球南華球員在禁區內跌低...
球証話佢插水比左個黃牌...
佢立即大鬧...有無攪錯...點會係插水...肯定係十二碼啦..
我坐低佢兩三行...
我剩係睇到幾個人撞埋一舊咁跟住跌低...
係唔係插水...應唔應該十二碼...
坐山頂既觀眾跟本無可能睇到...
但佢地就好肯定咁鬧左先...

舊屎我經常都入場睇波...(十幾年前)
E+唔會入...除左球隊質素外...球迷質素都好大影響...
好多球迷都覺得比左錢入黎睇波..
就可以亂咁鬧一餐...
...對我黎講...呢D人真係好討厭...

esterqwerty

冇錯.... 其實hk唔少球迷都....唉...
不過都恭喜south china 贏波~~ha

mayin

班u20係南華青訓球員 我朋友個細佬都有份
至於爆粗問題 尋日算係爆小左 平時甲組比賽 媽媽聲既次數係尋日唔知幾多倍
但有部份球迷真係唔多老脾  下半場差唔多完場時我坐果段有兩條人因為小問題差d開晒拖
尋晚關楚耀都有去到 坐係平民座位 小有小有

hyde_tetsu

我尋日去左睇......幾精采......好睇過賀歲盃....

D球迷都好投入....氣分正

最重要南華贏埋添!!勁!!

YUEN_LOUIS

我尋晚影到好多相,不過番到屋企張卡瓜左
我仲有同亨利仔扼手,
尋日歐偉倫走時,d球施問佢拎球衫,佢比左底果件人(面果件我諗佢要同水手d球員換),跟住d人係咁叫"褲呀,褲呀",佢即刻話"褲唔得呀,冇褲著呀"

好明顯,尋日氣氛好好,

至於鬧球證,呢d係國際性的球迷通病,同埋有呢d先叫主場嘛,唔好自己友都唔幫自己友咩,我都叫到聲都沙埋

尋日個水手28號幾好,有冇人知叫咩名(果個隊長,我幾鐘意)