香港足球甲組出場加多左外緩名額, 係好定壞?

bloodyomass

每隊可以有十二個外緩及國緩, 而出場加到七個,
講真悅目性的確係好好多,
但係對 d 本土後生足球來講, 就越來越難搵食了,
咁做究竟係對香港球壇好定壞呢 ?
好係可以振興球壇, 但香港青訓系統都未有,
班甲組波踢到識飛都無用啦, 香港隊一出去踢咪又係慘敗 ~

edward1906

要搞番起香港球壇,目前最重要係提升球賽質素
吸引人入場睇,而家隊隊都開始搞青訓
有實力一定出到頭,所以唔洗咁擔心

3d16yeah

其實唔關事,
以前都係4外援+3外援
華人好多時都係得4個出倒場

宜家只不過外援同國援配額合併左姐,
可以踢走d屎國援既位,用埋外援,增加可觀性
對華人基本同以前 一樣

rm6

其實某程度上黎講
絕對係好事
多數外援既技術都唔錯
對華人黎講真係良性競爭
而且有班好波既隊友係度
點都學到d掛
但係就真係唔想買外援只係用黎打d高空波
好似上年南華咁
迪天奴一個頂晒
係香港就有用囉
但出到亞洲杯就收左皮
同埋香港人打慣高空波就死囉
學樓主咁講.."香港隊一出去踢咪又係慘敗 "

自由神

對香港既足球係好事
對香港既足球員係壞事

對香港既足球係好事：
多外援除左可以提升港甲質素外，仲可以吸引更多球迷支持
此外，香港隊往往失波大多都係俾人地屈角球/身高/速度
球壇老大哥“和佬”都話，o係香港搞波，中堅，前鋒都一定要用外援
因為香港球員永遠唔會落時間去練身體對抗性
無挑戰既話，香港球壇係唔會進步
難得而家有幾隊波都願意落本大搞
與其做井底蛙
倒不如一早要佢地受挑戰
將香港未來既足球員精英化

對香港既足球員係壞事：
競爭大左，唔可以再呃飯食
其實而家有好多華人球員都係半職足球員
佢地好多出面有另外既工作
就算無打第二份工，都會搞下生意
因為大部份球會既練波時間每日只有3個鐘
仲有21個鐘俾佢地做自己野
如果競爭大左，佢地要落既時間就會多左
對佢地都會有明顯進步

bigfish

以往香港重用英援就橫掃亞洲, 依家重用國援就變成三流球隊, 所以我贊成足總資助一d 引入英援o既球隊

rm6

Originally posted by 自由神 at 2007-8-31 12:05 AM:
對香港既足球係好事
對香港既足球員...

嗯...
都係既,而家真係難得有人大搞
真係不如順勢搞好埋佢
加多d外援,比華人真係多d接觸一下其他國家既足球員
從中學下野

但係香港人始終都係要搵飯食
半職足球員訓練時間不足
而且做完野已經累
仲邊有咁好精力練波
最終只會兩頭唔到岸

全職就仲慘..
人工低
前途,錢途一樣黑暗..
係呢2年先好左d
咁又被迫要轉做半職啦

所以華人足球員既人工係咪真係要提高返d呢....

kaka0310

Originally posted by rm6 at 2007-8-31 03:52 AM:

嗯...
都係既,而家真係難得有人大...

都係供求問題姐，港甲邊有人睇？無人睇球員人工自然低。
我就從來都無睇

Foxcom

要用外援來提高本地足球的吸引力是亳無疑問的, 想起十幾年前唔知邊條友提出全部要全華班, 搞到本地足球死咗咁多年

但如今應是數量多少的問题, 我諗應以不多於半隊(若5至6個)出場較為合適, 如果唔係都冇哂香港足球feel啦! 個個都係鬼佬我睇返外國波好過啦!

pchong

全華班搞到本地足球死咗咁多年
本地創作搞到本地唱片愈賣愈差
唔通香港已死?