|
- 帖子
- 514
- 精華
- 0
- 威望
- 271
- 魅力
- 36
- 讚好
- 0
- 性別
- 男
|
1#
發表於 2007-11-1 06:46 PM
| 只看該作者
賽前分析 (阿仙奴 對 曼聯)
以下係個人意見分析討論, 歡迎討論
阿仙奴
成績:
場:10 分: 26 得失球: 15
近況:
D-W-W-W-W
今季阿仙奴既表現的確令人眼前一亮, 當大家以為 亨利 既離開對 阿仙奴 既爭標一定有影響, 但係事實剛剛正好相反, 一班小將表現得更加好, 特別係有睇 阿仙奴 今季比賽既朋友都會知道, 佢地既進攻非常悅目, 走位, 傳送, 觀察隊友既位置, 唔貪功, 都令人睇到如痴如醉, 不禁要舉手讚嘆, 大叫 "傳得靚呀", 特別今季睇到 法比加斯 既傳送, 觀察, 射門真係變得好成熟, 也有中場主力既影子.
睇番上場對 利物浦 既比賽, 阿仙奴 雖然係作客, 但係好明顯睇到 阿仙奴 踢得好似係主場咁有生氣, 平心而論, 我相信就算係 利物浦 既fans也同意吧, 上場 阿仙奴 係絕對有能力或者值得奪得 3分而回.
不過 阿仙奴 都有缺點既, 就係佢地始終太過年輕, 經驗比較少, 睇番有好多時佢地都好心急, 火爆, 上場對 利物浦 既比賽後段有點氣力不繼, 而且有時唔識得去控制進攻節奏, 當控球時就不斷心急地作傳送去爭取入球, 90分鍾都想不斷進攻, 因而氣力有下降既跡象.
預計陣容:
艾蒙尼亞
托尼 加拿斯
沙格拿 基歷治
費林明
伊保 法比加斯 路斯基
希比
艾迪巴約
曼聯
成績:
場: 11 分: 26 得失球: 15
近況:
W-W-W-W-W
今季曼聯簽入 夏格維斯, 未開季前, 大家都認為曼聯一定更勝從前, 不斷鑽研中場到底點同 卡域克 跟 史高斯 去配搭, 前線更加入 迪維斯, 安達臣, 加上替補 傑斯 既 蘭尼, 大家季前對曼聯既進攻跟防守都好期待, 不過開季既2場和波, 之後不斷 1-0 既比數, 輸埋俾曼城既時候, 大家都完全對曼聯跌哂眼鏡, 夏格維斯 既傷加上未融入球隊既進攻, 蘭尼 既未成熟, 加上 c.朗拿度 既停賽, 朗尼, 沙夏 既受傷, 大家都對曼聯開始失望, 好既一方面睇到, 佢地既失球係真的比較少, 壞既一方面睇到曼聯既進攻真係令人慘不忍睹, 完全跟阿仙奴既進攻係一個對比, 反比.
不過隨著主力既復出, c.朗拿度, 朗尼, 令佢地既進攻開始慢慢變得悅目, 4 - 0 贏維根既比賽後令佢地既士氣大增, 更懂得去控制進攻既節奏, 令進攻變得流暢, 應慢應慢, 應快得快, 上場對米杜士堡既比賽, 朗尼 跟 迪維斯 合作既入球真係有以前 約基 跟高爾 既影子. 曼聯既近四場既比賽, 每場都能夠入四球, 畢竟佢地係有經驗, 而且像魔鬼一樣, 開始慢慢變得比較令對方害怕己隊, 佢地既進攻, 走位, 不像阿仙奴既悅目, 但表現出成熟, 紅魔鬼既風格.
不過曼聯雖然近幾場大勝, 後防卻4場失3球, 夏格維斯 始終未能夠做到中場keyman分波既職責, 4人既後防加埋1個防守中場, 令進攻變得只有5個球員, 令對手易於防守, 仲有 夏格維斯 既觀察也有待改善, 之前對新特蘭既比賽中就曾經俾史高斯怒罵佢既傳送, 對阿仙奴既比賽 夏格維斯 應該有正選, 希望佢可以慢慢去享受同埋參與曼聯既進攻. 另一方面, 個別曼聯球員既獨食風格一定要改善, 佢地每個人既質素係有, 不過更加要考慮隊友既走位配合才可有漂亮既進攻.
受傷名單:
史高斯 (3個月), 沙夏 (不詳), 加利尼維爾 (剛傷癒)
預計陣容:
1. 雲達沙 (GK)
6. 布朗 (DF) 5. 里奧費迪南 (DF) 15. 維迪 (DF) 3. 艾夫拿 (DF)
4. 夏格維斯 (MF) 16. 安達臣 (MF)
7. c.朗拿度 (MF) 11. 傑斯 (MF)
10. 朗尼 (CF) 32. 迪維斯 (CF) |
|
