好想講下尋晚曼車大戰個位爛球證

wai0818

費sir 賽後批評球證就係例行公事 , 尋晚相信亦不例外

就我尋晚睇直播, 已經有四樣好明顯既錯判 , 睇到我火都黎埋

1) 泰利同伊雲勞域跌低之後 , 佢地都賴得理咁仍然進攻 , 既然都唔理自己人踢個波出界
但曼聯搶到個波 , 球証即刻吹停 !!

唔知點解腦海立即諗起社區盾波力克入果球 , 明明朗尼比容祖兒踢跌仍然進攻唔理人地 ...


2) 泰利入果波, 好明顯豬油巴係越位, 佢唔旭隻腳都仲有情講話佢無參與進攻 , 佢起腳果下動作好明顯影響到雲達沙..


3) 雖然我係曼聯 fans , 不過伊雲斯果腳紅牌真係唔抵幫.... 話雖如此 , 伊雲斯唔咁起腳保護自己 , 好大機會比隻蠻牛撞到成個元寶咁 360 撻落地  , 但睇見豬油巴心口成個鞋印...連我響電視都見到 , 仲
可以比個黃牌豬油巴

4) 上次曼聯對曼城補六分幾鐘果件蛋散球証 ( 正正就係佢 - "馬田艾堅遜" ) , 響補時同樣車仔都有換人 , 上次補六分幾, 今次正一正一到五分鐘就吹雞完場 , 好難令人認同佢對額外補時既標準 !!


約球証走漏眼, 賽後都會向球員或領隊就罰停賽或向球會罰款, 點解好多時明顯係球証犯錯就不了了之

sssyyy

好多都係觀點角度既問題,
其實車仔入果球,車仔好似有人犯規,
同埋果陣一堆人在禁區,球證一個都睇唔晒,
或者當時球證既位置係睇唔到杜xx,
所以旁證既責任應該大d(越位果度,應該旁證要see清楚d)

艾官

算啦~曼聯今場真係打返出本身既水準~都值得開心既~
希望可以繼續落去~

Shaqleung

球證真係差,又好難話佢係咪偏幫.始終雙方都受佢既影響.唔好彩地曼聯受既影響大d.

不過較為得意既野係,旁證既水準同時下跌.上半場誤判朗尼越位,泰利訓低果野亦都應該要由旁證提球證,伊雲斯飛腳,到杜奧巴越位.

足總係咪應該考慮俾番d有經驗既球證去執法大賽?

leungman

冇理由杜奧巴比人侵犯都仲要食牌嘛

Rated-R

總知伊雲斯水就抽左喇,唔追究佢就講唔通,話就話保護自己,但佢心底系咪真系咁諗邊個知ar???

kuru

冇理由杜奧巴比人侵犯都仲要食牌嘛
leungman 發表於 2009-11-11 06:01 PM

我睇到都呆左, 唔明佢比牌做咩, 好在冇紅牌, 唔係真係唔知事, 冇姑姑咁出左場