[轉貼]誤會

ohmygod...

阿力平時最鍾意四圍講故仔，今日佢又講啦

力:〔響我中五時既一個夏天，會考前一個月，我響街口轉角既漫畫店遇上了她。我地一見鍾情，就響看見她既第一眼，我就知道自己己經無可救藥咁愛上了她。

果個月入面，從早到晚幾乎廿四小時都同佢一齊。每次我想起她既時候，她就會出現響我眼前，帶俾我無限既溫暖同滿足。

〔我要永永遠遠同你響埋一齊！〕記得當年年紀少。就像所有年輕人一樣衝動，我對她許下承諾。無奈，我既父母，親朋戚友，姨媽姑姐，叔伯兄弟，都反對我同她響一齊。他們一致認為她只會為我帶來傷害，吟吟噚噚咁講她的衰野。

我唔介意，亦完全唔當係一回事。我只係知道，我鍾意她！鍾意她就包括她既好同唔好！任何人任何事，都不可意改變我既想法！

會考前，家人雖然反對，但都唔敢有太大反應，最多求其鬧鬧就算。但會考後，他們就完全沒有顧忌。尤其係我媽媽，用盡所有方法，費盡九牛二虎之力要拆散我和她，母親安排有好多其他選擇俾我，仲同我吵過無數次大架。

礙於家人壓力，我同她見面題機會越來越少。原本默默守住承諾題我，終於響大學時代完完全全將她拋諸腦後。大學令我眼界大開，原來呢個世界真係有好多其他選擇！我根本有時間諗佢，慢慢地，我的心變了。我不再認為她對我重要……

突然有一日，她完完全全響我身邊消失！我曾經諗過搵返她，但次次都係得個諗字！好快，我就將她從我心上移走。原來……我己經忘記左佢己經十五年啦！〕

聽到呢度，聽阿力講故仔個班人己經聽到入晒神，更加有幾個女仔默默流淚。其中一個人問:〔咁你有冇見返佢呀？〕

阿力就話:〔唉……人老有真係冇用！我發現，我連她的名字也忘記了！這幾天我一真搜尋著記憶，希望從種種零碎記憶片段尋回這段青春記憶！我諗左好耐，好耐，諗到頭都爆終於比我記得我番啦！〕

之前個個人又問:〔係呀？咁佢叫咩名呀？〕

阿力就笑住答:〔咪就係美味牌杯裝牛肉麵囉！果時會考晚晚匿入房食，朝又食，晚又食，梗係比人鬧啦！升上大學之後就開始有卡樂B，珍珍……咁多零食，邊有時間食杯麵丫！冇幾耐美味牌又執左笠，我搵來搵去都搵唔到呢個牌子，就放棄左。過左成幾廿年，咪唔記得個名係咩囉！〕

[ Last edited by sfxc0000 on 2005-5-5 at 06:39 PM ]

junob04

haha~~~
如果標題無話明係杯麵ge話,會仲搞笑^^

sfxc0000

Originally posted by junob04 at 2005-5-5 04:34 PM:
haha~~~
如果標題無話明係杯麵ge話,會仲搞笑^^

係囉~~~
我睇左個標題就覺得成個笑話都唔好笑 =.="