【至hit加分討論第二炮】有關現今足球越位條例

michael86

大家睇波既朋友有時有冇發覺
同一個入球既方式o係兩場波比賽入面可能係唔同既版本

第一個版本：朗尼身處越位位，史高斯o係中場放過長傳上去，雲佬接應之下單刀射入，但旁證舉旗示意朗尼越位在先，入球作廢，眾曼聯球員向球證投訴雲佬冇越位，應該係入球．．．．．．．．

第二個版本：朗尼身處越位位，史高斯o係中場放過長傳上去，雲佬接應之下單刀射入，球證判入球，對方投訴朗尼越位，球證則示意朗尼冇接到波冇影響球賽，所以入球當入．

其實並沒特定說明這個應該是入球還是越位，只是視乎球證怎樣去看
所以有時有一d球隊自己咁樣入波就當唔入，下一場人地咁樣入就當入，好無奈．．．

大家覺得足總有冇必要訂下球例，說明係呢個情況下
身處越位位呢個球員係冇影響球賽丫，定係被判越位呢？
定係依然維持現狀，視乎球證既看法而去判決呢 ?

歡迎大家一齊討論!
(希望大家積極回覆，見解獨到、口水多多既會員版主會加分 )

[ Last edited by abc123aa on 2005-6-30 at 11:08 PM ]

joycejo

我支持第二個point,似終朗尼佢冇直接參與到戈個進攻,所以佢一定唔算offside囉....
所以最好定左一條例係球員冇參與進攻就唔算offside
版主,順帶一提,如果成個波係一個直接攻勢,由scholes中場直傳,尹佬接應,then尹佬帶埋個波入去,由佢直接射入,咁就唔算offside
相反,scholes中場直傳,尹佬囉到個波再交比後上既朗尼,咁就offside囉
我知咁講係會另到個旁證同球證亂.不過係咁啦,佢地d 反應係要快啦,要好快咁做決定

另外我都想版主討論下另一個offside問題,就係阿尹佬戈種接罰球方式,就係一到佢地隊有罰球戈陣,佢一定會企係offside位,then罰球一開,佢走返出黎接應,呢招佢成日用,但係國際足協遲遲都未決定呢招算唔算offside...大家都可以討論下啦!

[ Last edited by joycejo on 2005-6-30 at 11:38 PM ]

wanmankit

可唔可以你呢個版本分別係幾時既呢?因為依家改左例，好似第二個版本，係越位既朗尼冇參與進攻所以唔算越位，所以當入。
依家呢個例可以令進攻又多樣野打，防守又要諗計，此消彼長，對成個球壇既可觀性更高。但係依家要攞左個波先係越位，可能會難適應d咁ja，咁旁證有更多時間舉旗，可以睇清楚d
所以我支持新例既~

abc123aa

Originally posted by wanmankit at 2005-6-30 11:27 PM:
可唔可以你呢個版本分別係幾時既呢?因...

我都支持新例,
因為我以前都有咁諗,如果細哨傳比阿祖,阿祖企係越位位,但阿祖冇攞波,後面既卡卡後上射入,咁點做呢,
好彩依家足總改左例.....條例就好好多

michael86

Originally posted by wanmankit at 2005-6-30 11:27 PM:
可唔可以你呢個版本分別係幾時既呢?因...

基本上我見上季好多時都有d咁既情況

段云

Originally posted by michael86 at 2005-6-30 11:30 PM:


基本上我見上季好多時都有d咁既情況

好似都係州際國家盃開始前先解釋過呢一類CASE唔會判越位。

不過雖然個越位球員無參加進攻
但其實都會有少少影響到對方守衛，因為對面隊班球員可能掛住舉手，
投訴對方越位，咁就可能慢左半拍而被對方另一個無越位既球員佔左先機。

joycejo

大家可以睇返我第一個post,我改左d野

michael86

Originally posted by 段云 at 2005-6-30 11:42 PM:


好似都係州際國家盃開始前先解釋...

係呀..諗返起我睇有一場真係見到旁證o係越位球員正式拎到波既時候先舉旗....
以往基本上o係交波既時候就會舉...

michael86

Originally posted by joycejo at 2005-6-30 11:18 PM:
我支持第二個point,似終朗尼佢冇直接...

其實雲佬o係曼聯都係咁，基本上佢多數係正式交到波之前都會走返出個越位位，所以基本上都應該唔越位

但係唔知咁多位bro有冇印象上一季定前一季...
唔記得左邊隊(伯明翰定保頓?) ，o係開罰球之前擺左兩個球員o係門柱度，但係冇敵方球員，即係佢兩個係越位，但係交波之後佢兩個先慢慢走返後(即係佢地依然係越位越好多)，跟住就有一個後上既球員射入左．．．個球算入波，之後對面ｏ個隊就投訴．．．

如果有兄弟睇過呢球波，點睇?

段云

Originally posted by michael86 at 2005-6-30 11:44 PM:


係呀..諗返起我睇有一場真係見到旁證o係越位球員正式拎到波既時候先舉旗....
以往基本上o係交波既時候就會舉...

但以我黎講唸個並唔算一個好既做法，因為真係浪費左幾秒時間。
而且個球員又唔知佢自己有無越位，追左十幾碼攞到波先話佢越位，
個球員條氣肯定唔順，追左咁遠點知得個桔，真係有無搞錯。

我覺得其實可以將個尺度改得彈性D
例如:如果剩係得處於越位位置果位球員去搶波，可以即刻吹佢越位
反正遲早都要吹，咁不如早Ｄ吹仲好。
如果有一位處於越位位置同一位無處於越位位置既球員一齊去搶波，
咁就可以睇定D先吹，係越位果個球員攞波既就吹，無越位果個球員
攞波既就唔吹，俾個攻擊繼續。
不過又會有頭先我講既問題，越左位果位可能影響左對方守衛，
令情況對攻方較有利。