擊敗車仔 是禍是福~????

mokbobby

費格遜：要進攻車路士的弱點


費格遜爵士希望英超的各支球隊能夠在曼聯的勝利中得到啟發，找到擊敗車路士的方法。曼聯此前經歷了困難的一周，他們先後負於米杜士堡及里爾，但在周日進行的英超聯賽裡，他們苦盡甘來，以1-0擊敗車路士並終止對方40場聯賽不敗的記錄。

在本場比賽中，費格遜採取了快速將球傳送到前場的戰術，希望借此能夠穿越艾辛及馬基里尼這兩位車路士中場球員，然後讓朗拿度及朗尼用積極跑動來調動對方的後衛球員。

這樣的戰術跟莫耶斯在對陣車路士時所採用的戰術相似，類似的戰術艾拿戴斯及曉士都曾採用過。費格遜認為曼聯已經把車路士的弱點暴露出來了，他希望車路士接下來的對手將會學到攻破藍軍的方法。

費格遜說：「我希望比賽的結果能夠帶來一些提示，其他的球會也因此能注意並且能做到。我們總是希望把球傳到朗拿度、朗尼及雲尼士杜萊的腳下，因為我們認為他們能夠對車路士造成很大的麻煩，而他們也的確做到了。」

「當我們開始實行自己的戰術時，我感覺我們表現得比他們要更出色，只是當下半場時球員變得有些焦慮，開始退回來防守，這個時候我們的局面才變得危險。」

「的確，最後的25分鐘有點驚險，但是我們還是堅持到最後，我並不認為車路士是不可擊敗的。」  


冇錯曼聯係贏左
但係其實除左贏左啖氣之外
乜都得唔到
費格遜剛愎自用係人都知
皆因有實質成績支持
但係曼聯已經陷落係不爭的事實
如今畀佢附碌入到波仲贏埋
只會減慢曼聯革新的步伐亦令費sir下台的壓力大降

老費仲要寸寸貢咁
只會令班車仔更加集中

有睇過場波的朋友就知道
曼聯下半場守得幾辛苦

下場紐卡素作客車仔真係多得老費唔少~

全個人見解希望大家討論~

[ Last edited by mokbobby on 2005-11-8 at 06:41 PM ]

abc123aa

如果照你咁講,如果曼聯輸左呢場波又一定可以改革成功咩= ="如果曼聯下半場守得唔辛苦就真係奇嚕,以車仔既攻力一定係會令到曼聯既後防打得辛苦
曼聯贏左車仔之後,車仔既弱點即刻暴露左出黎,更加肯定就係佢地一直引以自豪既林柏特,睇埋下場對紐記先啦,或者車仔真係又失分呢

skjeiw

我睇曼聯今鋪係虛火,車仔如果唔快d分擔林柏特工作的話,有排佢地受

abcde1918

Originally posted by skjeiw at 2005-11-8 06:45 PM:
我睇曼聯今鋪係虛火,車仔如果唔快d分擔林柏特工作的話,有排佢地受

55

skjeiw

Originally posted by abc123aa at 2005-11-8 06:44 PM:
如果照你咁講,如果曼聯輸左呢場波又一...

其實大家一直都以為車仔個個位都掂,所以就唔會針對一個人守,點知一守好林柏特就掂晒,日後其他球隊就好做啦

196560711

從知前果幾場黎睇番曼聯,,,令到我覺得只係幸運

abc123aa

Originally posted by skjeiw at 2005-11-8 06:48 PM:

其實大家一直都以為車仔個個位都掂,所以就唔會針對一個人守,點知一守好林柏特就掂晒,日後其他球隊就好做啦

係呀,起碼令到車仔攻力少緊一半,你睇林柏特對曼聯果場佢多次想遠射都射唔到就知咩事......

abc123aa

Originally posted by 196560711 at 2005-11-8 06:48 PM:
從知前果幾場黎睇番曼聯,,,令到我覺得只係幸運

幸運好過冇運丫

babo

um...曼聯可能真係虛火唔出奇--
但場波來計..又唔可以話佢入符碌波...車仔後衛唔走甩費查...邊會俾佢頂到..
況且呢場波曼聯為啖氣而戰...上半場無入波的話...下半場都會照攻.
但因為上半場有一球在手的關係...曼聯下半場就擺明守波..呢個情況近兩季都係..
好彩就守到..唔好彩就和波or輸埋..

我認同你曼聯係需要革新...
但覺得費sir又唔係寸寸貢...如果咁都叫寸..先前查爾頓領隊都係啦..
英超講寸...摩仔唔寸?

skjeiw

Originally posted by abc123aa at 2005-11-8 06:49 PM:

係呀,起碼令到車仔攻力少緊一半,你睇林柏特對曼聯果場佢多次想遠射都射唔到就知咩事......

我覺得係因為林柏特今季入得太多波所致...