覺唔覺而家76愈打愈堅料？？

sayno4ever

AI今季既表現分分鐘比上季既超人表現更出色添......韋伯今季打番出水準，76人內線進攻力加強唔少，再加埋個夏達估唔到雖然防守麻麻，但進攻又有番兩度，高華就差左d，d三分命中率......唉......希望佢改善，伊古奧拿如果場場都打出封殺高比既水準，就真係球迷之福喇！！希望達林拔早日復出啦，到時既76人仲恐怖呀！！

而溜馬對76的話：
C：科士打相比達林拔，在搶板能力上相信達林拔更出色。76勝。
PF：謝美奧尼爾和韋伯，兩人名氣相若，但論實力當然謝美奧尼爾更勝，無論是得分能力還是防守能力。溜馬勝。
SF：高華比起阿達斯簡直係蚊比同牛比，阿達斯打法全面，在內線相信溜馬真係贏晒。溜馬勝。
SG：史堤芬積遜的遠射不錯，而伊古奧拿則體能強勁剷籃力強，但拍起來，還是覺得有能力封殺高比的伊古較佳。76勝。
PG：添士利控球唔錯，分波都幾好，但相比艾佛遜就真係差太遠。76勝。
總括：單看各位置，相信76人絕對有能力擊敗溜馬，正是因為各位置上兩者最大差距是艾佛遜的PG位置。

但76人最大對手東岸黎講係活塞，面對活塞我有以下分析：

C：賓華萊士進攻力一般，但搶板能力極強，面對同時搶板高手的達林拔本有得鬥，但問題係有個PF幫佢拖。活塞勝。
PF：搶分能力當然韋伯更強，但拉希德華萊士既防守力絕對更出色，配合Ben，也更出色。活塞勝。
SF：高華與普林斯......普林斯經驗贏晒。活塞勝。
SG：伊古奧拿贏體能輸經驗卻是重點。活塞勝。
PG：艾佛遜一直也有剋住比納斯既感覺，加上所有能力更強，76勝。
總括：有得打，但活塞會小勝。

bigfish

打籃球梗係內線強o個隊有著數啦, 點可以咁計架

nashisthebestpg

自己的意見:76人未夠班挑戰總冠軍,
iverson比上年打得更成熟,除進攻沒退步,組織攻勢好左,turnover小過上年好多,
但係76人除左戰神外, 無一個穩定得分點,kover唔洗講啦,Iguodala 係有進步,
但進攻板斧唔多, webber傷完之後,更偏重外圍投射,但佢唔係nowitzki, 單靠外圍,的webber
if 面對防守強隊, 表現總會好飄忽~

而最最最最最最重要 ge 一點, 76人今季average失分係105分,reb 差到爆,平均少人5個,kover同webber都係防守弱點,當然Dalembert 仲未出,但我覺得佢一個人未足以好好咁改善佢地ge防守能力~
同今季無論進攻同防守都狀態大勇ge 活塞打, 我覺得76人 仲未有得同佢比~

shaqkobe

樓主既表較方法太片面啦。。。。。只以個別位置球員作比較，根本上就唔可以作準。化學作用、板凳能力、領隊質素、球隊戰術………完全忽略晒。