取消張身份証(Funny Diary~~from web)

tik96

地點 : 羅湖出境大樓

本人係羅湖某 department 職員 , 個日係農歷七月十四 , 係十一點半既時候 ,
已經冇咩人過關 .所以個大出境大樓已經冇咩人喇 . 0個個時候因為我要寫
log book 既關係, 所以係一個黑暗既角落度寫, 順便偷下懶, 等收工.
突然, 有隻手係我背後度搭落黎, 用低沈既話氣叫: " 亞sir". 咁我向後一望,
係一個大摡80歲既亞伯. 然後個亞伯拎住自己張身份証, 問我:" 亞sir,
點樣可以取消張身份証, 申請死亡証呀?".我當時望下張身份証, 以為自己眼花,
所以再望多幾下, 點知真係個亞伯個樣. 我心諗唔係咁邪呀, 六合彩又唔見我中.
我即刻嚇度標冷汗, 腳又震, 勁想走, 但係又唔走得, 因為著住制服.我靜左十幾秒,
之後我就扮冷靜, 同佢傾計.
我問: " 幾時唔係度架?"
亞伯眼濕濕咁答: " 早兩日囉,無端端咁就唔係度喇."
我當時想叫出黎, 但係又驚我一叫, 個亞伯俾我鬼樣我睇.
我再問: " 係邊度過身架?"
佢答我: " 係深圳."
咁我就問: " 咁我以家有咩幫到你呀?"
佢就話: " 咩都唔洗, 淨係幫我老婆申請張死亡証.
我就話: " 你老婆, 乜唔係你咩?"
佢話: " 大吉利是, 我老婆, 唔係我呀."
我話 :" 咁你又拎你張身份凡証俾我睇?"
佢話: " 下, 係我個張咩." 跟住佢就望一望, 拎左第二張出黎. 佢話: " 亞sir, 唔好
意思, 我老得滯, 眼花, 睇錯左."
我就足足鬧左佢成十分鐘, 話: " 唔好玩喇亞伯, 嚇死人喇, 七月十四攪d 咁既野  ......"
個亞伯就好唔好意思咁, 係咁話對唔住.....

真係100% 真人真事, 全羅湖同事都知... 我個時真係好驚, 諗番都幾好笑.... 見過咁
多次死人都冇今次咁驚


唔係我本人,只是轉貼

redstick

唔係呀嘛~~哈~~~真係幾攪笑~~

不過...就唔係幾make sense.....作為一個professional既員工,加上對方係一個80歲阿伯,擺明溝能力有問題啦,再加上80歲一睇個樣就知係阿伯啦,斷估唔會咁容易即刻因為一句野就賜騰哂雞卦...再者,就算糸夜晚,火車站正路四圍都好"光殘殘"架嘛,心理上點會話咁容易嚇到呢...不過你強調過話當時環境好黑就另計啦...(但一個黑的地方可能係講緊房入面,咁平常人點可以入到o個d staff room呢)....

姑勿請如何.....個diary的確好鬼好笑~開頭都睇到我怯怯地~~

[ Last edited by redstick on 2006-1-6 at 01:00 AM ]

tik96

可能因為果日係農歷七月十四
咩都疑神疑鬼卦  x▄x"

ilovesai666

7月14...........就算明知係人都覺得係鬼啦