失戀的定義
電影裡失戀的人總是很誇張.依家,我知道真實既失戀係點既..............
失戀唔會反鎖自己係房入面,唔會抱住枕頭痛哭,唔會乜野人都唔想見,唔會苦口苦面,唔會暴飲暴食,唔會猛睇笑片,唔會變得野蠻.
一個失戀既人夜晚會訓唔著,因為無野做訓係度會令佢胡思亂想.夜晚唔訓日頭就半夢半醒.人地同佢講野就聽到一半聽唔到一半.
一個失戀既人會好怕悶.佢唔想俾自己有時間去回憶.於是佢會搵好多野玩,搵好多野做.佢會想見d好耐無見既人.只要有人肯陪佢,佢乜都會無所謂.佢會想人地問起佢失戀既事,証明有好多人關心佢,但係人地真係開口講既時候佢又會覺得難堪.
雖然好多野做好多野玩,但係佢依然心神彷彿.食食下野會呆左唔郁,旁人以為佢未訓醒;過馬路又唔睇車,搞到差d俾車撞;好想食野但係又無胃口,聽一d平時聽開既流行曲會有d平時無既感受開著部電腦上網玩icq,人地hi佢佢又無心機理人,想等既人郤始終等不到.
一個失戀既人會諗好多以往佢唔會諗既野.一d好天馬行空既野.一d唔可能發生既野.一d好無聊好好笑既野睇完部戲會諗自己係個殺手,聽完隻歌會以為隻歌係講緊佢,有唔知號碼既misscall會妄想係對方打過黎.會諗下如果自己死左會點.一時會好樂觀,一時又會好悲觀.會諗下時光可唔可以倒流.有時會想去做下義工,想去陪下小朋友玩,見到人地開心佢就會開心.會好想幫人,但係又做乜都做唔好.
一個失戀既人想喊又無眼淚.佢開始鐘意聽慘既歌,睇扇情既戲,睇文藝小說,郤又點都喊唔出.反而孤獨一人既時候會無故落淚.
一個失戀既人會失去冷靜判斷既能力.佢會唔知乜野係o岩定錯.會曲解人地講野既意思.佢會無緣無故發脾氣.會唔知人地對佢好.忽然又會明白好多之前唔明既野.會諗下自己既對與錯.佢會想試一切未試過既野.會刻意改變自己.無論係變好定變壞.佢會想出外旅行,離開呢個傷心地.以為自己離開再回來就會變做另一個人.佢會想改變生活環境.睇下自己會唔會因此改變.佢會睇通好多野,但係又產生好多新既疑問.佢會覺得世事好無常,但係又千篇一律.佢會想人地關心佢,但係又唔好覺得佢有野.
失戀既人,同一個正常人無分別.
但是,還是會有些小差異.
介乎於正常與不正常之間.
如果你有朋友失戀,請不要責怪佢.
佢既傷口需要時間來癒合.
因為我都係呢一類人......唉...... 祝你好快可以搵到適合既另一半啦~
唔好氣餒呀~ 有咩唔開心既，想講又搵唔到人講既，即管在這裡傾吐出來，我們有不少人會願意做你的領聽者既！^^
失戀係唔開心架，我地差不多個個都會試過呢，不過仍然要堅強呀，唔好令支持你好翻既人失望 因為失戀而喊, 唔開心, 係不智ge行為 !
須知道人ge眼淚係好矜貴ge, 特別係男子漢大丈夫果d, 眼淚應該留返0係d真係好傷心ge時候, 例如父母過身, 死配偶... 先至好流落黎 ! yutik兄
你對失戀既定義
形容得極好呀:lol::lol:
你千萬不要灰心呀:)
我都試過失戀架:) [quote]Originally posted by [i]艾榮[/i] at 2006-2-2 04:04 AM:
因為失戀而喊, 唔開心, 係不智ge行為 ... [/quote]
未必個個可以好似你咁「硬淨」架嘛，同埋喊都唔係代表你軟弱，感情既發泄，喊可以係正當的一種
頁:
[1]