[轉貼]相愛拍拖守則 (幾長, 但唔想咁易散就睇下,有用請覆)
相愛拍拖守則 (幾長, 但唔想咁易散就睇下,有用請覆)如果你地覺得我寫得好既我會寫落去架,但係想我寫就回個帖話俾我知來鼓勵我啦 ,因為我追逐愛情既路已經完結(結婚), 所以想俾D總結大家作參考...
依度先講男女都必須要意既事先 (男女必須要注意part 1) :
男女都必須要注意:
首要明白: 拍拖時愛唔係乜都得...
>愛人係你付出你既愛,同時你既對方會愛你...當對方要你乜都得既時候,佢一係就係發夢,一係就係個腦唔夠成熟,一係就係佢根本唔識愛你,只係?你來玩多D...你情我願係有限度...男仔女仔都好...晚晚喊就無謂啦...
除非佢無講過而你又知道佢愛你多過愛佢自己,如果唔係就唔好愛人至上
>一係你可以自動兼選擇性失憶,唔係既話你就要明白,如果你地唔會永永遠遠,離開對方既一定係佢提出先,到時唔好死皮賴命要留住對方...你愛對方至上,就會俾佢去追求自己既快樂
唔好以為愛你就乜都得
>男仔成日俾人話既呢樣野,女仔都一定要記住...人唔係神,分別只係對方可以為你做幾多...仲有每個人既能力唔同,有時男仔只係做唔到,唔係唔做...但係如果簡單事(小心自己既定義)都做唔到就真係差D...
唔好在戀愛又未結婚時有太多習慣養成,否則分左手之後會幾慘,未拍拖既人一定要記住...
>我諗唔駛我講係人都知咩叫習慣,即係都幾難改既一D行為模式同心理假設...有D似吸毒...咁你地明啦..唔係叫你地唔去有共同嗜好,而係叫你地唔好連好小事都要一齊做,仲要變成習慣...因為你唔肯定佢唔會離開你...到時你可能仲辛苦過戒毒...雖然會得到些少情趣,但係少食多滋味都係對架...
記住對方唔話你唔代表你好好,更唔代表係好事
>因為可能佢唔在乎,又或者佢只係唔想你唔開心而自己承受,如果再加上你唔會自動留意佢對你做既事既態度,佢好易會心淡,尤其是好多男仔都係咁,唔好以為佢錫女朋友呀...佢可能遲早唔理佢, 至於女仔,唔話男仔係多數為左佢既尊嚴,但其實好難頂,多D溝通,個女仔先唔會愛住一個男仔都要離開佢...
忍佢唔話佢都唔係好事
>你只係自己受,唔係尊重佢...佢做得唔好你唔話佢,即係害佢...
除非你地識心靈感應,唔係就請多D溝通...
>呢個係事實...對方唔係一日廿四小時都望住你來留意你既需要同留意你討厭佢D乜...有不滿要講,覺得對方唔開心更加要問!!
唔好太貪玩
>後生係有好多時間...但唔係代表你玩得起,玩得開心係要付出,例如失去對方對你既安全感...呢樣男仔會明,因為一定會有女仔同佢地講過...但做唔到,女仔就更加唔好話明,因為你地根本好多都唔明,而好少男仔會講女仔呢樣野...我都係女仔,但係到我知道咩叫定性,先知原來女仔可能唔夠男仔貪玩,因為玩既唔同,但係就一定玩得多過男仔,而鐘意玩既女仔都一定比男仔多...唔好話我錯,我份工每日會見到數都數唔哂咁多人
唔好亂咁講野
>因為無論你講既時候情緒係點,講左都收唔番,即時既影響可能會令你好後悔,會令你日後連解釋既機會都失去...所以自控係對自己起碼既尊重
感情淡同過得平凡係兩回事
>如果因為過得平凡而分手,咁你就只係為拍拖而拍拖...想像你地初初激烈既愛係一樣物件,你地會珍惜呢樣野,先至會在失去左呢樣野同愛變得平凡既時候繼續一齊...無左激情就分手,你唔會有人可以同你白頭到老...怕悶既女仔尤其要留意...因為男仔係中意玩,但男仔比女仔更早脫離愛玩既階段,過左廿五當女仔仲中意玩既時候,好多同年齡仲中意玩既男仔其實已經唔多... 唔好問我點知, 因為我職業既關係,睇人睇得太多...
明白同理解咩叫獨立
>用四個例子可能會易明D:
獨立既女仔: 唔好覺得咁樣係好好,小心做得過份...男性既本能係多少會有種被依賴先會感到佢唔應該離開女仔既犯賤本質...你太獨立佢會覺得有佢無佢都係一樣既時候,佢會好容易離開...呢D就唔係我之前講過既平凡,而係淡...獨立係要,但係唔好唔管男仔...
不獨立既女仔: 男仔係會覺得多少有D自豪,但久了,就會覺得你阻住佢...無左你之前佢地唔識珍惜你架...
獨立既男仔: 係應該既,唔通仲要個女仔好似阿媽咁咩?一個阿媽以經夠...但係唔好唔理女仔呀...女仔係要用來呵護...要用來關心...
不獨立既男仔: 基本上呢D唔算係男仔...
唔好口不對心
>女仔尤其要明,你咁樣其實會令男仔好混亂,做得多,男仔就會累...講真句,其實你講緊大話...而男仔都會口不對心,不過要記住,男仔口不對心既後果永遠大過女仔 謝謝你的分享．．亦在此祝福你有美滿和理想的婚姻生活
不過唔知係咪你轉貼時貼埋『已經脫離追逐愛情．．「踏入婚姻生活」』唔記得改
不過無所謂啦．．只是一點祝福而已
看過文章後亦對愛情有了更深的了解．．
希望兄台能繼續貼多些有關的文章．．十萬個支持！ 要慢慢理解！
不過多謝分享！~
期待續貼=) GOOD!!! 每一個都講得岩..
但係好多人都好少做得到好果方面 相愛拍拖守則 二 唔想咁易散就睇下,都幾長,有用請覆
我的上一篇 相愛拍拖守則 男女必須要注意part 1
遲D 會分別講男仔同女仔既注意事情, 覺得有用既就回下啦...
無野講有時係唔係必然?
>不少男女都會在一起前很多話說...討厭那個明星...那套電影好看...對世界大事都會談得興高彩烈...但在一起之後呢?尤其是久了...只說綿綿情話,相識前的話都少說了,可是這些說話卻可以跟朋友說個不停...到情話說完了,拍拖前的話都不想說...悶就隨之而生...跟朋友說的話難道就不能跟自己愛的人說了嗎?話題是找不完的,除非對方不愛你而還是和你在一起,有一種排斥的感覺,才會你說什麼都不想聽...
照顧你享受係有限度架,唔好老馮
>男孩享受著有女孩簇擁著的感覺,女孩享受著有人關心的感覺...這是正常的,可是不要因此而忘了你的另一半可能呷醋...兩個人在一起了,對外面的東西就要保留些,留多些給你的另一半,這樣才能時刻讓對方知道她/他是不同的,而偏偏有些人是不知分寸,明知你拍拖了還要一如以往的對你,這時你就要懂得自我控制...不要以為愛我就得接受我,這是無比的自私...女孩子更要特別小心,男孩子是會呷醋的,到他受不了的時候,可有得你受...男孩了嘛,不少賤骨頭,都要因此傷過才會明白的...
提醒自己小心外來花草,唔好不分好醜一概接受
>有不少人在戀愛久了,就會覺得悶,就會覺得好似沒有相識時那麼好談了...這時就會留意到身邊總有個人能跟你說個不停 (佢可能係中意你,又可能係試下,追到你又得,追唔到都得那種),我可以告訴你,小心你自己的想法...不少人這時都會有種心動的感覺,因為這是你變心的先兆(那個談得來的人通常會變成你們分手的導火線)...先告訴自己: 男/女朋友絕不會因說話少了而對我的關心和愛少了的,這時再想想跟你一起的人是否對你的關心和愛少了,或只是你習慣了就不再覺得是一回事又或更甚者是生厭?因為不少人也是因遇上了一個能跟他/她很談得來的人而覺得現在的愛人太悶了,而萌生離開的念頭...之後又相處久了才發覺這個令自己心動的人對其他異性都是一樣,後悔會令人痛不欲生,你自己的不珍惜也會害慘了真正愛你的人...
小心嚇親,唔好太痴纏
>雖然你地係相愛緊,但要明白,每個人都係有自己既空間...驚喜係好...但如果你成日失驚無神出現在你另一半面前,佢未必會接受到...隨住時間增加,驚喜係會縮短架...到時驚喜就會變做驚架喇...兩個人一起,就好像在同一個盆中生活既植物...靠得太緊,雙方既發展空間都會無哂,隨時仲會覺得窒息...亦都唔好咁纏人,你會令對方既朋友因為你而少左搵佢架...男仔可能會少D纏人,但都小心管得自己女友太緊而令佢有壓力呀...女仔呢...好自為知啦...
明白發脾氣係應該既
>我指既唔係亂發脾氣,我絕對唔鼓勵,但係要有節制地發...每個人都會有自己既脾氣...忍住唔係好事...男女都係,忍得多係會好易變心...佢地會想搵個可以接受自己脾氣既人...而如果你明知你自己好大脾氣,你愛既人未對你發過脾氣,一係就係你好彩搵到個中六合彩都無咁難搵既情人,一係就係佢忍得好辛苦,只係太愛你唔想你離開佢...如果你係後者,就要小心你自己既平日行為,因為通常呢D人係有個死位(可能多過一個),佢點愛你都好,你一掂到佢呢個位,做左一D佢接受唔到既事,你就一定會失去佢...
人係會變
>人係會變既,唔少成日都會講呢句話,但又有幾多人會明呢...佢有D乜變左,唔一定係對方唔愛你,可能只係模式唔同左,唔好咁多心,唔好因為咁而去成日check住佢...最緊要係佢變到你覺得不安既時候,諗諗自己係咪令佢變既原因呢?比較下同佢相愛初期既自己同現在既自己,你就會好快搵到答案...結果係點都好,你都會個心容易D放得低...問題在你身上就改,問題唔在你身上就要講...只要佢愛你,就會反省,唔反省就唔該你省番啖氣,諗定點樣丟淡...無謂為左D咁既人傷神...另外,都要不時諗下自己有無做得差左,人係要反省先可以吸收教訓...唔好到時俾人話你變左,你想改就遲喇...
講得出要做得到
>同唔好口不對心係兩回事來...先講男仔,你對女仔既說話有時可能會令到佢地好開心,當中有唔少係小事,縱然有時係只係得個講...而有唔少既小事係你地講左無做到,雖然女仔聽時都知你極有可能係得個講 (特別係而家既女仔,好鬼現實),做唔到雖然唔會點, 但係你如果做到佢地會仲開心, 至於大事就唔駛我講都知一定要做到啦...至於女仔, 嘿嘿...由於現在唔少女仔都唔定性,所以女仔要到佢地愛一個人愛死去活來先知講得出做唔到係幾唔好, 雖然男仔係多數唔記得你講過D乜,但其實佢地都會有D係特別記得架...至於最重要既一樣就係,講過要改就一定要改...唔好到時話努力中...縱使少少都好...改呢樣野你做得幾多就一定要做幾多!!!講個例子俾你地聽: 有個女仔話人地話過佢有乜問題時,佢話「我個口就話唔會改,但其實個心唔係咁諗架,我想改架」佢個男朋友之前想同佢散,但好彩佢講左呢句, 佢男朋友先至明白,無同佢散住, 但最後都係因為個女仔無改變,個男仔都係好傷心咁離開,個男仔捱多左半年個女仔既脾氣... 相愛拍拖守則 三 男仔篇一 男女都應該睇,男既知點做,女既知原因
前言:
雖然話就話係男仔先,但係其實有一個大前提要掌握到...就係珍惜...好似好行貨既說話...但係好難做到...女仔更難,因為習慣左...
其次,我會盡量講哂所有既地方,會有不足,畢竟我唔係活過世界上所有人既生活...
仲有,我講既所有野既大前提係你地兩個係拍拖中既人士,唔係拍拖前同拍拖後...有D可能似,但請你小心分清楚...拍拖前後我遲都會講架...等下啦...
男仔應注意地方:
不要覺得女仔話你乜乜物物時好煩
>女仔煩係應該既,每個女仔都會為自己能有野講得你聽而開心...佢地會覺自己能夠影響到你,同時就會覺得佢地對你來說係重要既...因為好多女仔都覺得男仔係話極都唔改既一群...當你明白之後,就會知點解女仔有時會好多野講,話你呢樣,話你那樣...你唔想佢講咁多,一係就照做,一係就好清楚,好詳細咁同佢傾下,話俾佢知你想點...有D對你影響唔大既,就聽下佢講...仲有,就係佢會係呢個時候講左好多佢既興趣同佢想點俾你聽,你唔聽,就會錯過好多...唔好將一個俾你認識一個女仔既機會當做煩,到時你發覺有野你應該知又唔知既時候會仲煩...女仔靜唔係個個得架...
女仔唔出聲唔好同佢鬥靜
>可能你係一個好穩重既男仔,可能你沉默慎言,但唔代表你可以唔講野...在佢係真係愛你既前提下,基本上係你講乜佢都會聽...但係都唔好得自己一個講,更加唔好覺得佢悶同唔回應你講野...男仔要知道,聽住自己真心中意既人講野都會好開心...女仔未必會理會你講乜野(除左你講第個女仔),但你講得開心既時候,佢見到你或者聽到你講得開心,佢自己極有可能會開心過你,撩佢講野更會令佢明白你都會注意佢(當然你係要真心啦,唔好佢真係講既時候你都只係顧住自己講)...雖然呢D女仔會少D,但係遇到個用手感受既女仔係你既福氣...
講野唔好你講哂
>有唔少男仔都會覺得女仔講既野好婆媽,係婦人之言,但係你地應該諗下,女仔講野無用就唔會而家有咁多女強人啦...你地講野既同時,應該諗下女仔講既野,唔好咁自我中心...呢D係你成長既推動力,會令你學識接受多方面既意見,亦都係對女仔既尊重...有主見係好,太有主見就係尊制,女仔覺得佢既意見無用,同你一齊既投入感會減少,好似佢同你一齊都對你無乜用,無乜影響,呢樣野對女仔來講都有時都幾致命...
女仔需要你既意見時要認真
>唔少女仔都會問D男仔覺得好廢既野...至於係咪廢呢就見仁見智啦,男仔都唔好得去邊...但有時都離唔開幾樣...出街既節目,佢既外表有關等等既問題,呢D都係大多數既男仔覺得好廢既問題...但係請你諗下你係咪認真D答會死呢? 係咪用少少時間認真答左你以後打機都會輸呢? 可能你係做緊野,但係女仔係認為你既意見重要先至問你,先至會介意你既意見...唔好咁唔知珍惜,一個女仔擺你擺得重要,先至會有D咁既行為...唔通你想個女仔唔聽你講咩...一係就佢覺得你無用啦...講是但或者之類既意思唔代表你尊重個女仔，某程度只係你無主見。想個女仔覺得你有用就唔好敷衍女仔,到佢中意聽第個男仔講野時你就喊都無謂...
女仔呷醋仲正常過阿媽係女人
>女仔呷醋係正常不過既事,分別只係多定少,都有可能無(佢唔愛你放棄你)...女你呷醋既原因其實返本歸真只有一個,就係佢覺得佢應該比你重視既野重要(多數係佢呷醋時你對住既野),可能係你既女性朋友,可能係你既電腦,可能係你部PS2...唔好覺得佢咁做係多餘呀,因為除非你對住既係你阿爸阿媽,同一D你識佢都識仲好熟既朋友,如果唔係你就其實已經令佢覺得你冷落左佢架喇...女仔唔會呷醋既事通常係佢都覺得重要既事,佢重視朋友就會少D呷你既朋友醋,佢重視父母就唔會咁易呷你父母醋...因為中意一個人,唔係咁易做到唔自私架,更何況女仔通常會愛得比男仔認真...佢地呷醋,點都要哄佢地,就算成日發都好...當然,落幾多心機哄就係你地自己決定,但係一定唔可以敷衍
女仔喊點算
>好多男仔都唔知女友喊點算。但係首要既事係除左佢喊呢件事之外，其他佢做緊既事都要停哂佢，唔好叫佢唔好喊，因為佢喊得出來實有原因，就算係街上都好。你自己就最好唔好出聲，除非你知道佢係為乜事喊，唔可以問佢乜事，唔係你即係要佢諗多喊既原因一次，好定唔好你地自己諗（就算係感動而喊都唔好，因為只有一次既感動係最美麗架）。如果佢係為左你喊，就用你平時最能夠感動佢既小動作來令佢注意你。好似抱實佢，拭淚，輕拍佢等等。轉移佢既情緒。為得你喊就梗係愛你架喇，無論你地係嗌交好定係咩都好，佢喊得仲要係因為你既話，你就唔可以離開佢一步，一步都唔可以！更加唔可以覺得佢煩！！有時佢會為你喊已經夠你感動過佢喇。唔好諗點樣令佢唔喊，諗點樣等佢唔會再喊下一次（感動喊除外） 一共有幾多ga??
值得留住wo 真係講得幾好喎,仲有無呀 15，係咁意加d比你，你d轉貼嘅回報 [quote]Originally posted by [i]toro[/i] at 2006-4-15 23:50:
15，係咁意加d比你，你d轉貼嘅回報 [/quote]
多謝住先:P
仲有嫁
４ 相愛拍拖守則 四 男仔篇 二
唔好對得你女友多就諗住有D野唔駛留意
>會唔會試過女朋友問你我今日有咩唔同呢？有無試過答唔出呢？有的你就要記住呢樣野喇。好彩的話你日日都會對住你的女友，而其實隨住佢每日的生活，佢每日的經都會令佢的人有改變。無論外形定係內在。女仔會好想你係留意到佢地有乜係變左，從而知道你表面上雖然係在乎工作打機打波之外，心入面其實總有一角係有佢的存在。唔駛成日話俾佢知，但係就要發覺有唔同的時候俾佢知你留意到佢有唔同，小至平時唔夾眼睫毛今日夾左，大至平時唔戴耳環今日戴左，都唔應該走漏你的法眼。永遠細心留意你身邊的女友，永遠都當她做第一次認識的令你心動的女孩，每天也想想我明天可能見不到她甚至失去她的時候，你便會發覺她每天都會有些不同，因為你珍惜的視線會令她一天比一天更快樂和動人，發自內心的幸福會令女孩更美。
女仔係一定會有脾氣
>女仔發脾氣未必比男仔大，但多數原因會比男仔瑣碎和次數更多。你要明白，男和女是有著天生的不同。男仔可以收得她們情緒好Ｄ，小事上可以忍耐Ｄ，但是你愛上的人是一個女仔。女仔是多數中意把心中所想的表達出來以取得共鳴，這時親密的你便會發覺女孩們可能對其他朋友可能都比你好，因為你發覺她常對你發脾氣，你不自禁會問：她不是該對我比她的朋友更好嗎？我想告訴你是的。但你更要認識真我的重要性，她對你發脾氣是正常不過，想想你自己的身份吧。
小心你自己既脾氣
>先留意小心唔係叫你唔好發。只係發的原因同程度要小心，有多些自控。男仔天生比女仔強，縱然不是，但社會的觀念已把男性塑做成強的形像。的而且確，男性真正發脾氣的聲勢是女性望塵莫及，所以每位男性發脾氣是可以，我也承認有時女孩的某些行為是必須要用發脾氣來停止，可是也因男仔的脾氣更易比女仔發得大，極有可能令女孩過後也在心中留有陰影。每當你生氣時，她們會不自禁的想起你的可怖。另外，無論你怎發也好，還是女孩做錯令你發脾氣也好，一定要哄回女孩。如果女孩做錯了，是好的女孩會知道她的錯，你發脾氣過後的道歉能令雙方更易在思想上得到共識和找到事情發生的問題所在。如果是你自己錯還要發脾氣，那你就等分手吧，對方沒有義務要受你氣的。我說過不是不發脾氣，因為女仔更易恃寵生嬌，有時她們會認為：我就是這樣的了，愛我就寵壞我吧！這樣的觀念男孩只可以有限度的接受，越愛一個人不等於要越忍一個人。（這點在女孩篇我會更加詳盡的說明。）
同女仔做乜都要有耐性
>包括行街，做美容，揀衫，食飯等等。趕時間都要有耐性，要不然你便幹脆不要跟她一起做那件事。不是說沒有果斷的女孩子，而是說女孩子天生就是不夠果斷。就算是決定了要買一樣東西，她們還是會不斷在腦中想著這件東西的壞處，決定了不要一樣東西時，還是會留戀著那樣東西的好處。告訴各位男孩子們，對你們來說這可算是好事喔。因為她們要是果斷，你要是不夠耐性，你可能不是今天站在她身邊的那個人了。可能就是因為這點，和你們的耐性，才幫你們渡過多少次吵架，多少次令女孩對別的男孩再心動也沒有離開你。不要在她生氣時才有耐性，要時時都保有你的耐性，女孩會感受到。
女孩話有Ｄ野想你改，改得就改
>每個人也有缺點，可是也有分大小，不同人也有不同的標準。女孩如果投訴你有什麼是她不喜歡的，切記可改的一定要改，只要唔係完全為佢既自私既欲望（至於係唔係就靠大家成熟既腦。）。你肯為女仔改係一件好重要既事，因為你阿媽話你時你都未必咁聽話啦，女仔怎想，有多開心你自己想想也知。同你講真無親無故你都可以為她改，佢分分鐘仲開心過你阿媽知你努力讀書返工。所以佢叫你改既時候，改得幾多就改幾多，但係做就得，佢話你改唔哂都唔好駁佢，因為你真係改唔哂！舉個例話個女仔唔鐘意個男仔唔讀書剩係顧住陪佢（都幾難發現有咁既例子，我咁大個女都係見過一次，但用來做例子就剛好。），個男仔初初好難做到，但係當佢做到既時候，佢好努力終於做到既時候，佢考左入大學，之後搵左份好工，個女仔當然嫁俾佢啦（我下個月擺酒，嘻嘻。呢個係我同我朋友都有既例子，佢老公人工仲高過我老公。）。所以唔好當女仔既說話係耳邊風，佢地想你改除左係為左自己之外，唔該你地有遠見Ｄ，改進自己，你地都有著數！
要識得珍惜
>呢個本來我諗住唔講，但係我個朋友叫我一定要加，所以最後加埋。好，開始正題。珍識呢樣野講就真係好容易，但做就真係好難。做到既人多數係比人傷得好深至識咁做。至於男仔同女仔，我會咁講。女仔最比人傷得多，男仔比人傷得深。唔識珍識女仔既人會制做傷到其他男仔既女仔，呢點一定要記住，為左個女仔本身，為左其他男仔，要好好珍惜身邊既女仔。想你地諗樣野：如果你知道你聽日會失去女朋友，如果你知道你女友聽日會死（唔係咒佢），諗起你以後可能有好長時間要一個人睇戲，平時一齊行既路剩番你一個，你床邊女朋友留底既公仔以後無人來探望，你講野最開心既時候無人靜靜地咁仰望住你，無人再嘟住咀來串你，想搵佢又搵唔到，明知個電話係佢既但係打左無人聽，仲會唔會同佢嘈交？仲會唔會覺得陪佢行街會唔耐煩？到時你就會寧可同佢行一世街唔想佢咁快行完架喇。我識一個人，佢做到我講既所有事，佢真係一個差唔多完美既男朋友（雖然佢窮Ｄ），所以佢既女朋友每個朋友都話佢唔話得，可惜個女仔。。。唉。。。遲Ｄ講埋女仔篇就講我個朋友既事俾你地知。 好精彩:good: 唔錯~ 相愛拍拖守則 五 女仔篇
終於到都幾多人想睇既女仔部份喇。先講講女仔多數會係點先。我必須要講，女仔有好多種，但由於社會既發展，女仔到而家都係會俾人有Ｄ弱者ｆｅｅｌ。咁係好正常架。
女仔（記住係多數，唔係全部。）都係會對愛情比男仔著緊，但都會比男仔更易習慣對愛情所得既一切，因為佢地會比男仔更早投入。男同女愛情跑道上既進度係多數都唔同。所以唔少都更早想離開。
但係都有一樣野要切記。男仔篇都講過，就係一定要去珍惜。男仔愛你既時候，要小心自己習慣人地對你好。
有一句好多人講好多人明但好多人做唔到既說話想同大家分享，就係：愛情令你忘記時間，時間令你忘記愛情。
係咪聽過呢？係咪明白呢？但係你地又係咪都犯過呢？我諗多數都會犯過，唔好彩既就會遇過。
而家愛得好幸福既人多數會明前半句，但係唔明後半句，因為你地都唔會諗到你地有朝一日會分開。
好，講完珍惜，再講下我講既野。我話俾你地知既野唔係你做左就唔會散，因為愛係兩個人既事。
我講既野只係話俾你地知點做好你自己。
好，入正題。
愛你唔係必然
＞愛係一樣好抽象既事來，你話佢有又好，無又好，總之你唔可以擺到一樣叫愛既物件出來。男仔愛你係愛你，但佢愛幾多極可能同女仔既標準唔同。佢愛左你之後係會有熱戀既階段。佢許下諾言既時候係會想守得住個諾言。但係好多人都誤以為守諾言係人格既問題，但就忘記左個諾言係人許出來。個諾言要維持就要佢許下諾言既依然動機存在。愛你唔係必然，唔係可以改變，所以唔好隨便信男仔講既野，呢樣係保護你自己，而你自然亦都要努力維持。拍拖係要付出架。自己諗下自己有乜野值得人地保持住去愛你呢？雖然話去愛係無原因，但係愛落去就一定要有原因。
男仔唔係事必要就你
＞好多人都以為男仔係一定要就女仔，無可否認，但係有限度。佢點解要就你？同你係朋友就係會因為禮貌而就你，但係同你拍拖既時候就係因為愛你。係因為愛你咋！佢地就你既時候會覺得無所謂，又或者會有時覺得唔開心，但係就你會令你開心，你開心既時候佢都會開心，因為佢愛你。但係當呢種開心平衡唔到就你既唔開心，佢地就會唔想就你架喇。小心你地會唔會做得太過份呢？就你唔等於你大哂架，唔好去到盡，留番一線。仲要認識大家有Ｄ野係唔可以讓步，但呢樣野又好取決於你地睇對方有幾重要。當然，你地可能唔好彩同一Ｄ自私既人拍拖。但係我只可以講既係做好你自己。做好自己，唔好到時話佢唔夠就你，唔愛你喇，有Ｄ野係有很度架。你開心時佢開心，咁佢先肯就你架嘛。
拍左拖就小心其他男人
＞女仔比男仔更享受異性既追求，因為男性追求人既時候真係比女性落力好多。時間係對愛情最大既考驗。當一對人一齊耐左，就會自然無乜野講。佢地既生活會變得公式化，如果你係一個只求開心，唔要求可以兩個人一齊耐Ｄ，咁你就睇到呢度算。但係如果你想兩個人可以耐Ｄ，就唔好俾拍拖生活既平凡令你失去愛既動力。明白耐左係會有咁既副作用時，就要小心其他男人。你覺得平凡既時候，總會發覺有個人（唔係你男朋友）吸引到你既注意力。小心你自己既心，呢個時候好易變心，如果你分唔清你同你男朋友係平凡定係淡既時候，就算心動都要忍住。因為如果你忍唔住，到你發覺你同你男朋友係平凡難得既時候，你會慘過比你飛既男朋友。但如果你永遠都係追求更好既一個，好唔安份既話，我都係一句，唔好再睇落去。 相愛拍拖守則 六 女仔篇 二 幾長, 希望大家能夠睇哂
話我煩都要講多次，我講既並唔係你做到就可以唔駛散，而係叫你地做好自己。因為好多人係俾人地話佢地有乜問題而想分手時，先想改，先知道自己有乜要留意，所以做好自己係好重要。
另一樣就係珍惜，做到既就唔駛散左之後重要後悔自己唔珍惜，咁樣會痛好多。
唔該俾多Ｄ時間溝通，因為你唔識心靈感應架
＞有時，女仔會好想同男仔傾偈，但總係覺得男仔唔明佢。其實要明白百一個人係好難既事來。會有佢唔想同你講野既時候，會有你唔想同佢講野既時候。所以當你地一齊想講野既時候，就好好珍惜。我講既溝通唔係去邊度食飯，去邊度睇戲，買邊件衫，邊個明星Ｄ歌唱得好呢Ｄ咁無深度既事。我講既溝通係你地對你地既關係，對方既問題，自己既問題等等可以影響你地關係既事。講野時要坦誠。一定唔可以驚佢唔開心而唔講。對方夠成熟，愛你，聽時可能會唔開心，但之後會明白。相反你都要做得到，對方講野時唔好先諗住駁，因為有時只要你一駁，對方就會唔想講，會覺得講來都無用。聽多Ｄ，講多Ｄ，改善自己，唔單止係為左段感情，最重要仲係為左你自己。有個情人俾你可以深入Ｄ去了解人同人之間既問題，唔好浪費，唔通你同你叫出去玩既人講埋你同人相處既心得咩？更何況你都唔想個男仔唔顧你令你唔想佢唔開心時自己要晚晚喊啦。愛係兩個人既事來，係人都知，但又明幾多呢？有個肯講自己有乜唔好既男女朋友係好難得架。
男女係有唔同既，唔係剩個胸同下面既分別
＞男會中意玩，但會比女孩更早定性；女仔唔想男仔顧住玩，但多數都會玩到見到人地都唔想玩先至識驚，所以會比男仔玩得更耐。呢個只係男女既不同之一。男女不同仲有好多。但唔該你地明白，男女係有唔同架。互相遷就，唔好成日要求個男既完全乎合你既要求，如果係要咁既話，不如飛左佢，因為個世界七十億人，總會有個完全乎合你既要求。要知道，如果對方為你改到完全乎合你既要求，但係佢已經唔係佢，咁你愛既人就已經唔見左。當然我咁講係有Ｄ誇張，但係只係想大家知道一樣野，有限度接受佢，有限度改變佢，你唔會咁勞氣，佢唔會咁大壓力，佢想改既，少少、慢慢來都會改俾你睇，佢唔想改，你講到啞佢都唔會改。一係接受，一係俾Ｄ耐性（唔係話一年有耐就性，耐性係要受到不斷既挑戰先知底線。），無必要搞到自己見到佢就嬲啦。
俾多Ｄ耐性
＞上一點最後講過一樣野叫耐性。呢度我想講既都係面對小事時既耐性，因為如果真係大事，女人通常都會好有耐性。點解小事上要有多Ｄ耐性呢？因為有時男性比女性無耐性既情度差好多，但更多女性比男性無耐性！點解拍拖要有耐性呢？因為兩個人之間有好多野要等。等佢放低之前既人，等佢改，等佢更愛你，等佢對你更坦白，等佢學識去等你！全部都要時間。要有耐性，首先要識得有一個諗法，就係同佢既日子仲有好多，點解要急於一時呢？無耐性既人好容易令人感到壓力。男性好多時都會有Ｄ野中意拖字訣，如果你無耐性，點同佢作長期抗戰呢？仲有，有耐性都係一種美德，有耐性，你就自然識得忍耐。小小事都唔忍得，無耐性，你對男仔既吸引力就會就無咁大，因為你會忍唔住對佢太好！你無耐性，都會好容易傷到自己，因為當激情過後，你會好易忍唔住長久既平凡。同時唔好睇到呢度唔記得我一路講既都係小事，如果你連小事都無耐性，遲早兼極有可能男朋友俾你煩死，你就俾個男朋友激死（最重要係呢樣）！
表裡不一有限度，人地個心無透視眼架
＞女仔中意口不對心。有時佢講錯野時，總會講：「我個口就係咁講，但我個心唔係咁諗架。」人同人相處，做出來既事就會成為人地對你性格既印象。表裡不一，掌握得好會令人覺得你神秘，增加你既吸引力，令你既男朋友多少會為你神魂顛倒（佢地可能會有多Ｄ興趣去發掘你既本質，不斷從你身上找尋驚喜），但係如果你掌握得唔好，又或者你本來係個咁既人，你就會令人無所適從，覺得你好假，男方會為左知道你本來既性格疲於奔命，特別係你故意咁做。表裡不一係好，但要有個限度，小心你自己表裡不一既程度，唔好到時話對方無了解你。可能佢有好努力咁了解你，都知你有時表裡不一，但係佢根本唔可能知你表裡不一又自相矛盾時真正既想法。除非佢係你，但係無可能架嘛！咁樣搞法，就算平時溝通得好好都會俾你玩死。
每個人都可能有個忘記唔到既人
＞你可能唔係佢最愛既一個，佢都可能唔係你最愛既一個，如果係既話，呢樣野大家無論拍拖幾耐都好，都一定要接受，特別係你愛佢，唔係你只會傷心死你自己。如果你最愛唔係佢，你唔講佢唔知，不過當然如果佢問到，唔好講大話，唔好講無。呢樣野一定要老實。不過就唔好唔該唔好成日題，因為男人好怕俾人地搵佢來同人比，你可以話對方點唔好，不過唔好人比人。有個女仔，佢成日同佢男朋友講佢最愛係邊個，有次同佢男朋友咀完既時候，同佢男朋友講佢最愛既Ａ君咀得技巧好Ｄ。令到個男仔之後每次聽到佢女朋友講最愛係佢既時候都覺得佢講緊大話，每次聽到講最愛佢既時候一Ｄ都唔會開心，只有傷心，但係個女仔可能講真。有Ｄ野收得好Ｄ，大家都開心Ｄ。唔好話佢都做唔到呀，我只係叫你做好自己，好多時候係唔可以咁計較。
頁:
[1]